خزعبلاية ابلة فاهيتا

[جبل عالي]

ازيكم ازيكم .... جايين نخزعبل عندكم


من كام يوم كده ابني جاب غنوة جديدة ونزلها ع موبايله وقارفني بيها
بتاعة مين بقااااااااا ؟؟ ايوة هي دي ابله فاهيتا



فانا تخيلتها بقااا لو سجلت معانا ع المنتدى وعملنا معاها حوار
تعالوا نشوف بقااا اللي حصل
انا جهزت التوبيك وبعت لسما تجهزلي هيدر وخلفية البنت متأخرتش الله يكرمها بقاااا
رحت جري وجهزت حوار واول ما بدأت اخد السؤال كوبي وابعت للست فاهيتا

الا والاقيها جايالي وعاملة لي شعرها بوكلات فظيييييييييعة
وماشية تتمخطر وتقول .....

هااااااااا ياجبل .. انا جيتلك اهو قبل ماتبعتيلي خاص وتتعبي نفسويتك
(قال يعني الاستضافات مقطعة بعضها معاكي ياشيخة ده انتي لسه مسجلة)



اهلاااا يا ابلة فاهيتا ياجميلة نورتي المنتدى بقاااا
اهلا بيكوا ياسوسو ... مش انتي سوسو برضووو ؟؟ ولا سوسو دي اللي عملت الهيدر
ههههههههه يخيبها بت ... يهدهااا منا طالبة منها هيدر بقالي تسع سنين

تسع سنين ايه ياشيخة اتقي الله .. قوليلي بقااا سجلتي امتى وليه ؟

امتى امتى يابت يافهووووتة؟؟ بصي ياستي هو مسجلة وخلاص مش مشكلتك بقا
اما عليكي حجات اجبل

طب خلاص متزعليش ياابلة فاهيتا بقااا ... نسال سؤالات تانية
اصل بيقولوا عليا فاشلة ف الحوارات وكده يعني

ههههههههه يهدهم ... مين اللي بيقولوا كده ...لالالا ميسحش برضوووو

طب احكيلنا على البومك الجديد ده وحكايته ايه معاكي كده ؟؟

هههههههههه ياسوسو ... قصدك (مايستاهلوشي) اها طبعا طبعا
ده ياستي من غلبي ومن قهرتي من الناس
هيفرسوني ياجبل والله وانا مش ناقصة فرسة انا مفروسة لوحدي

طب احكيلنا كده مناسبة الغنوة دي ؟

انا اول مادخلت المنتدى يختي ... قلت اجري يابت يافاهيتة اعمليلك مدونة حلوة كده
عشان يبقى ليكي متابعين ويجيلك تقييمات ولايكات كده وتتشهري
ومعرفش يختي الاقي اللي يدخل ويقرا ويخرج ولا يعبر ولا حتى لايك


سبت المدونات ورحت على قسم الميك واللبس كل ما البس حاجة ولا انقي ميك اب
الاقي الكل بيبص عليا ويدقق يختي

تعبت منهم وربنااا رحت على قسم اليوتيوب الف فيه واتفرج واسمع



في الاخر لقيت كله مش لاقي شغلة ولا مشغلة الا انه يغلس على غيره

فقررت اقولهم كلهم الكلام ده

الناس تعبني.. ماهو مش فاهمني

يمكن ده لأني.. غير كل الناس

هلبس نضارتي.. و اسمع مزيكتي

و اعيش بطريقتي.. لو عكس الناس




مايستهلوشي




ماسكين كراستي.. بيفكوا في خطي

مالكوا بشخبطتي.. دي حكايتي يا ناس

هبص لنفسي.. و ادلع نفسي.. و احضن نفسي

و افصل من الناس مايستهلوشي

اشوفكم بعديييييييييين

[شهيده تحت الطلب]

انا مسمعتش الاغنيه لحد دلوقتي
بس بيتهيألي مصر كلها سمعتها

حلو الحوار ده
تسلم ايدك اجبل

[همس الحنين]

ابله فاهيتا عندنا يا مرحبا

ايوه عرفاها دى كانت حوارات الدنيا عليها

جبتيها هنا ليه أجبل بس

احسن هتكلمنا بالشفره واحنا يا اوختى مالناش فى الشفرات

بس حوارك عسسسل يا ابله امووله

جميله بجد وعجبنى فكرته

تسلمى يا قلبى

[A-rab3awya]

ولا انا سمعت بأغنيه ديه قبل

بس عجبتنى الخزعبلايه ديه جداااا

دايما بتعجبنى مواضيعك اوى

بجد تسلمى ع جديدك الحلو دة

[جبل عالي]

اللي عجبني كلامها بجد

فعلا الواحد مفروض ميشغلش نفسه بكلام الناس

ويعيش حياته زي مايحب مادام مش بيإذي غيره

ولا انتوا شايفين غير كده ؟؟

اشووووفكم على خير يارب

[ويبقى الأثر]

ههههههههههه
حلوه كتير ع فكره كلمات ابله فاهيتا دى معناها جميل
وحلوه الخزعبلايه ياجبل
نفسى اعمل موضوع خزعبلى كده مش بعرف
ابقى اجرب بقا

[احساسى صحيح]

ههههههههههههههههههههه
يخرب دماغك يا جبل
رووعه بججد

[رآقيہ بأخلاقـى]

اهلاً بيكى ابله فاهيتا منوره المنتدى بجد
وحوار جميل اللى دار بينكم يا اموله
بس بصراحه انا مسمعتش الاغنيه
انما واضح انها حلوه من كلماتها
تسلمى ميس أمل على الحوار الجميل ده

[العاشق الذى لم يتب]

والله ماشاءالله تبارك الله
حوارخزعبلاوى من الآخر
وابيلة فهينا دى طلعت عسولة اوى
بس احسن حاجة فى التوبيك
الهيدربتاع سما
بجدحلواوى
اسمحيلى اشكرهانيابة عنك
ومنورة الخزعبلات ياام عبدالله

[*قمر*]

ههههههههههههه يامليون اهلا وسهلا ابله فاهيتا عندنا
ومين اللي يقدر يقول مبتعرفيش تعملي حوار دة احلي حوار شوفته
الناس خنقو ابله فاهيتا من قرفها عملتلنا ميستاهلوشي اخيرا ياجودعان حاجه جت من ورا القرف
حلو اوي الموضوع
الله يعطيك العافيه