( morshooo ) و ( صفحات الاعضاء 28) ^_^

[morshooo]

بسم الله الرحمن الرحيم

مزاج الخير

وحشكم التوبيك انا عارف

اهلا بيكم جميعا

وحلقه جديدة من

( ) و ( صفحات الاعضاء )




تعالو نشوف جبتلكم ايه النهاردة

مفيش مانع اننا نعرض عضلاتنا فى المنتدى

بس المشكله ان ياترى لو عرضنا عضلاتنا

الموضوع هيحتاج مزاوله والا لا

إهدى مش طالبه مزاوله . أنا منطقتى مدينه و دوله

إسحب سلاحك و انزلى . و اللى يعيش هو الأولى

خلاص يابنى خش جوا انتا وهو

ماحناش بنلعب ( فتوات الشوارع هنا )

انا بقول يا ( صاروخ ) نغير اخر 4 كلمات ونخليهم

والى يقلع هو الاحلى كدا

هنجزب بنات اكتر

( محمود الصاروخ )




مفيش مشكله يا جماعه لما الواحد

فجاة كدا يحصله حاجا مش متوقعها

وياسلام بقى لو بيكتب حاجا مثلا

يالاهويز

وعن انك تبقا بتكتب قصيده جديده

بمدونتك مباشره وليدة اللحظه

ويحصل ان الجهاز يهنج ويحلف ماهو متحرك الا اما تقفله

وتضيع المشاركه قبل الحفظ

ده بئا الخنقه نفسها

اهو الجهاز الى هنج الحمد لله

مقلتش الكهرباء تقطع والا حاجا

احمدك يااااارب الحكومه بخير يا جماعه

عموما انا عن نفسى بتمنى النور يقطع عند

( قيثارة الصمت )




بصو بقى يا جماعه الواحد طول عمره عارف

ان الخطوبه دى بتتعمل والناس بتتجمع

دا الطبيعى يعنى لكن الخطوبه تقلب بهتافات

دا ايه دا بقى

النهاردة روحت خطوبه اخت صاحبتى

هو الخطوبه رسمى بكرة بس انا روحت النهاردة ،،ليه بقى

اولا عشان نبقى بنات بس ثانيا عشان نبقى رابعاويات بس

يعنى القاعدة كلها كانت اخوات مسلمات فقط،،هى الحقيقه

ماكنتش خطوبه بالمعنى المعروف لكنها كانت مظاهرة جالسه
و ف البيت

ماكنش فيه مخلوق سيساوى كلنا رابعاويه بس

طبعا اخر وقت دة كان هتافات فقط،،جميع الهتافات

بقى بتاعت المسيرات

يعنى روحتى عشان تبقو بنات بس

وكمان ربعاويات بس والقاعده كانت كلها

اخوات مسلمات يعنى مكنش فى وسطهم

اخت مسيحيه سيساويه مثلا

وكنت عايز اعرف حاجا بس

يعنى قلبتو لهتافات ازاى يعنى كنتو

محددين من مثلا 9 / 11 نفرح بالعروسه

ومن 11 لــ 12 هتافات

A-rab3awya




ياجماعه الواحد لما يروح مصيف

لازم يراعى ظروف شكله لما يرجع

مش معقول كل واحد هيروح الغردقه

هيرجع زى العضوة دى كدا

يوم ما رجعت من الغردقة دخلت اوطتي

وبصيت في مرايتي اتخضيت أه وربنا

ولقيت نفسي بغني

انا مش عارفني انا توهت مني انا مش انا

لا دي ملامحي ولا شكل شكلي ولا ده أنا ^_^

شكرا يا عبد الباسط قصدى

( اطياف الماضى )






مش عيب لما نحلم يا جماعه

والله العظيم بكلم بجد

بس لما نحلم بلاش الافورة

فى احلامنا يعنى خلينا واقعيين شويه

أأنا أكتــر بنت نـآويه متعشقش غيـر

وآحد بس ! مآلوش فـ الغش

وبيح’ــب علشـآإن يتجــووؤز بس !


هاااااااااااااااااااااااح

اكيد اكيد الشخص دا مش هتلاقيه

واحتمال كبير تفضلى من غير جواز

لحد ما تعنسى واهلك يجوزوكى غصب عنك

Reem♡A|❀




حبيت اختم بحاجا مميزة

بس الحقيقه لقيت ان دا جنان

العضوة دى تعبانه نفسيا

كايده العزال انا من يومى ايوه اه

هو الشافى ان شاء الله

كوين ميرو



ماتنسوش تشوفو الحلقه دى

[A-rab3awya]

اقتباس بصو بقى يا جماعه الواحد طول عمره عارف ان الخطوبه دى بتتعمل والناس بتتجمع دا الطبيعى يعنى لكن الخطوبه تقلب بهتافات دا ايه دا بقى النهاردة روحت خطوبه اخت صاحبتى هو الخطوبه رسمى بكرة بس انا روحت النهاردة ،،ليه بقى اولا عشان نبقى بنات بس ثانيا عشان نبقى رابعاويات بس يعنى القاعدة كلها كانت اخوات مسلمات فقط،،هى الحقيقه ماكنتش خطوبه بالمعنى المعروف لكنها كانت مظاهرة جالسه و ف البيت ماكنش فيه مخلوق سيساوى كلنا رابعاويه بس طبعا اخر وقت دة كان هتافات فقط،،جميع الهتافات بقى بتاعت المسيرات يعنى روحتى عشان تبقو بنات بس وكمان ربعاويات بس والقاعده كانت كلها اخوات مسلمات يعنى مكنش فى وسطهم اخت مسيحيه سيساويه مثلا وكنت عايز اعرف حاجا بس يعنى قلبتو لهتافات ازاى يعنى كنتو محددين من مثلا 9 / 11 نفرح بالعروسه ومن 11 لــ 12 هتافات a-rab3awya

اولا كده حلو موضوعك وعجبتنى فكرته وتعليقاتك كمان

بس حابه اوضح حاجه

الخطوبه بكره مش النهاردة

بس انا روحت النهاردة مخصوص عشان الاسباب اللى قولتها

عايزة اوضح حاجه

هنا الاخوات المسلمات اللى هى مذكرها الاخوان المسلمين

يعنى احنا كنا متجمعين مع الجماعه

كلنا مسلمين

بس انا قصدى ان اسمنا كده (اخوات مسلمات)

ودة بيبقى اجتماعنا كل فتره نقعد عادى وساعات نقلبها هتافات واكيد القاعدات ديه

بتكون للرابعاويه بس

يعنى ماينفعش او مش محبوب يكون فيها سيساويه مسلمين بقى او مسيحين

كلام مش موجه لحاجه معينه غير انى اوضح ان النهاردة كان زى اجتماع للجماعه و مناسبه للخطوبه ف نفس الوقت
فالهتافات دة حاجه اساسيه كده ،،يمكن محدش يعرفها غير احنا

فهمت قصدى..؟

بجد تسلم ع الموضوع تعليقاتك الظريفه ديه

منتظرين جديدك بقى

[شهيده تحت الطلب]

هم دول الرابعاويه لما يحضروا فرح او خطوبه
لازم نقلبها مسيره
و متبوصيش في المرايه كتير اروني

لا بجد الحلقه من اولها لاخرها تحفه
دلوقتي الناس دي كلها تدخل
استرها يارب

[احساسى صحيح]

ههههههههههه
يخرب دماغك امورشو
احلى واحده بتاعة رونى هههههه
تلقائيه ودمها خفيف
حمدالله ع السلامه العوده الميمونه يا كبير

[كوين ميرو]

كايده العزال انا من بومى ايوه اه

انا مريضه نفسيآ يالى تنشك فى حواجبك

واد ياحمد انا ناويت اقلب داعشيه وافجرك واريح الناس من شرك ^_^

[كريم عاصم]

عودة حميدة أمورشو ديما نجم ودمك زى العسل قرأت شويه مقتطفات على السريع وأجملها جمال روحكـ مع الأعضاء بتخلق ود بكل التفاصيل الف تحية ياغالى مزاجك خير

[حَرفُُ هجآءّ]

ورجعنا تانى لوجع الدماغ
اهلا برجوعك مورشووو
نورت

يعنى اول ما ترجع تلف ورا الاعضاء فى المدونات
بس حلقة حلوة كالعادة
تسلم بئا

[الأميرة رودي]

ياريتني ماقولتلك بطل تغيب كتير
صدق بقى كنا رايقين منك ومن الدعبسه اللى بتعملها ف مدونات الاعضاء دي
بطل تطفل بقى وسيب الناس تكتب اللى هى عاوزاه
هيرجعو تاني يكتبو بحرص أمورشو
الفتره اللى فاتت كانو منطلقين وواخدين راحتهم عشان مطمنين انك مش هنا

بس تجميعه جمييله بجده
وكلهم زي العســل
حمدالله على السلامه ومنتظرين كل برامجك

[Silver Flower]

ههههههه
تعليقاتك مش هينه يا احمد هههههه
عوده حلوه للفضايح قصدي المدونات

[Lamees]

يا لهويز يا مورشوو مفيش حاجة تفوت من تحت ايديك
الحلقة حلوة اوي ومبروك علينا رجعوك تاني