حلقه جديدة من ( المُعتقل) مع (المـاجيك)

[phalsteen]

مساء الخير اهلا بيكم في حلقه جديدة من برنامج المعتقل معايا النهاردة واحد من اميز الاعضاء ومن اكثرهم تعاون واحترام ۩۩ elMagic ۩۩ مساء الخير ماجيك منور المعتقل ولو اني صعبان عليا حبستك بس يالا علي القفص بئه مساء الورد بعد نورك سما احم احم احنا اللى بنحبس مش بنتحبس فا كون دا حصل دلوقتشي اكيد دا بمزاجي نبدأ بالسياسه وبعدين السياسه الخاصه ببنات مصر اما نشوف اخرتها انا سمعت انك اخواني انت صحيح منتمي للاخوان المسلمين ؟ يلا ابت انتي من هنا مش هتفوقوا من الاشاعات دي أيه رأيك في 30/6 ثورة دي ولا انقلاب ؟ انا مع فض رابعه اكييد ولكن مش مع الطريقة اللى اتفضت بيها مجاوبتش برضو علي السؤال 30/6 ثورة ولا انقلاب ؟ انتي عايزه توصلي لأيه يعني هي ثورة واستهبلت وبقت انقلاب بس ان جيتي للحق هي هتطلع ثورة بس انقلبت على نفسها فاهمه شئ ! متعلقيش تاني حاليا الحكومه بتحاول وليها خطوات ونقدر نقول عليها ماشيه صح ولا ما بُني علي باطل فهو باطل ؟ بصي لا مرسي نافع ولا العسكر كلهم لما جم زودوا الطينه بله بس شايف حكومة محلب بتحاول تعمل حاجه المفروض خلاص الناس تهدي وتفكر في البلد يمكن تحصل المعجز والحال يبقى أفضل واكيد دا اللى بيتمناه كل مصري أصيل فا ربنا يصلح الحال مين من وجهه نظرك مسؤل عن اللي حصل في فض اعتصام رابعه والنهضه ؟ هما نفسهم ! يعني تقصد ان الاخوان بس هما اللي مسؤلين عن كل الدم اللي راح ولا هما ليهما النصيب الاكبر ؟ هو لو مكنش اعتصموا والحكايه اتقلبت عند وتعصب ماظنش كان هيبقى فيه خساره بالكم دا فا اكيد فيه مسؤلية بتقع ع عاتقهم بس بردوا دا مينفيش ان الطرف التاني مسؤل معاهم ما انا قولتلك ضد الطريقت اللى اتفضت بيها ومش عايز اى نقاشات في الحوارات دي الموضوع انتهي من بدري خلينا ف اللى جاي .. ايهما اصلح ولماذا 25 يناير ام 30 يونيه ؟ كلا الطرق تؤدي الي روما من هنا نفهم انك من ضمن اللي قالوا مبارك كل احسن انت فلول اماجيك ؟ مش عايز فانتازيا وحيات حمني اسما السيسي رئيس لكل المصريين ؟ دا العاشق الولهان رئيس ع ما تفرج تفتكر في ثورة تالته ولا حاكم ل 30 سنه جاية ؟ الله اعلم بقى بس اى كااان نتمني اللى جاي يكون خير للبلد تفتكر ايه اكبر الاخطاء اللي عملها مرسي في فترة حكمه ؟ انه تولي أمور البلاد هل ستعرف مصر معني صحيحا لمفهوم الحريات ام انتهي هذا العصر بمفهوم الصحيح ؟ الله أعلم الفقــــــــــــــــــرة التانيه يا هلا بئه يا هلا وغلا بملكة جمال النتدى راضي عن وضع المنتدي الايام دي ؟ الى حد ما في جديد هنشوفه من الماجيك الايام الجاية ؟ ربك يسهل بقآ ليه تم عزلك من منصب نائب اداري ؟ هو الموضوع بعيد عن المنصب بس انا قولت كلام صعب شويه وانا مكنتش موجود في اليوم داا دخلت المنتدى في النص التاني من اليوم كنت لاقيت نفسي اتغير اللون خلاص كان محمود دخل من بدري واتصرف مع كل الاطراف دون نقاشات هو بيكبر دماغه وبيجيب من الاخر وانا معاه طبعا في دا لان الشخص اللى زيه بيريح كتير في أوقات كتير بعكس الاداره الحاليه بتدي مجال إن الحوار ممكن يكبر ويتحجم ودا أوقات بيبقى مش صحيح يمكن لو كان اتاخد اجراء جذري فيه من البدايه مكنش الموضوع هيتطور ويوصل الامر ان الكل يغلط في بعضه والرُتب تنزل من جميع الاطراف زائد ان انا مش اعترضت على اى شئ بالعكس حوار المناصب دا اخر حاجه بأفكر فيها لان مقتنع ان انت نفسك اللى بتعمل إسمك مش الالوان لان دي كلها شكليات في الاول والاخر .. غياب دمعه حائرة بيحيط بيه شوية غموض ليه صممت علي ترك منصبها بعد التكريم الاداري ومعروف ان بعده دايما خلافات ومع انها عملت توبيك وعرفتنا بسفرها ومأعلنتش عن نيتها في ترك الادارة بالعكس قالت لو في اي حاجة متأخرة نقولها عليها قبل ما تمشي يبقي ليه تركت منه المنتدي ؟ هو السؤال دا يتسأل ليها منه إداريه خلوقه وبتعمل كل اللى تقدر عليه مش بتزعل حد يمكن شافت ان وجودها هيكون مجرد لون فا فضلت تتخذ الاجراء دا حتى سمعت انها طلبت من طارق تتنازل عن المنصب وهو رفض وهي اللى شالت نفسها بنفسها بس اكييد وقت ما ترجع منصبها موجود ومستنيها ربنا معاها ويوفقها في كل الاحوال .. ليه ميكونش الماجيك هو الاداري القادم حتي وان عادت منه ممفيش اختلاف اننا في حاجة لزيادة الطاقم الاداري ؟ ههههههه اه عادي ليه لاء يمكن انا تكون عندى شوية تحفظات لان من طبعي مش بأتولي منصب الا وأكون شايف أن أقدر أظبط فيه لما مسكت إداري منتخب كنت مرتب أموري ودخلت وعملت حاجات كتير الحمد لله الناس بحكمها شافت إنه كانت مجديه ومفيده ودا شئ أعتز به وانا من عادتي بيبقى عندي فضول اعرف كل ما يخص اى منصب اتولاه وبأستبعد مصطلح معرفش دا لان واثق ان مفيش حاجه اسمها معرفش لا فيه محاولات وتجارب لغاية ما توصل للي انت عايزه ودا اللى كان بيحصل وقت الاداري المنتخب بعض الامور صممت اعرفها لوحدي بطريقتي وعرفتها وطبقتها بالفعل اصل طول ما فيه دماغ يبقى مفيش حاجه مستحيله ووجودي في الإداره العامه هيكون مجدي لما أكون شايف إن أقدر افيد فيه خصوصا بعد الصلاحيات اللى هتزيد والواحد اوقات تجيله افكار مجنونه فا ربك يسهل ويهدينا محدش عارف اللى جاي فيه ايه .. انا مبقولش انك تكون حاطط الترقيه في دماغك لان الالوان مبتفرقش فعلا اللي بيفرق التجاهل او تميز عضو عن اخر يعني لم تم تعيين عضو تاني ميستحقش كالماجيك ؟ وهو دا اللى انتي فهمتيه العصايا فين ع فكره انا قولت لـ منه تعين إداره معاها شخص معين هنا يبقى اما تيجي اسألوها انا فعلا مش بفكر في الالوان ودا مثبت بمواقف كتير الاداره نفسها تشهد بيها الموضوع أبسط من كده وانا مش أول مره اتفاعل في منتديات وكنت صاحب مناصب قبل بنات مصر واهو الاوقات بتعدي ودي اخر سنه بكالوريوس محدش عارف اللى جاي فيه ايه يمكن نترقي بس للأسود .. ليه تم حظر عضوية البيج بوص وامته هيرجع تاني ؟ نور شخصيه مميزه وصاحب نشاط عالي بقسمه ولكن عيبه إنه لما بيتعصب بيفقد السيطره بيتصرف تصرفات مش المفروض انها تتعمل للأسف دي حصلت اكتر من مره فا الموضوع مش بإيدي بإيد أمجد .. ايه صلاحيات منصب مراقب عام وايه مدي علاقته بالمشرفين ؟ المشرفين صلاحياتهم داخل أقسامهم لكن المراقب العام صلاحيات على أقسام المنتدى المشرف له أولوية في إداره القسم من حيث النشاط قبل المراقب ولكن المراقب له أولوية في حل اى مشكلات تحصل داخل الاقسام لان دا وظيفة المراقب العام الفصل في المشكلات وحلها وإدارة أحوال الاقسام لكن المشرف مهمته تنشيطية وتفاعلية داخل قسمه قبل ما تكون رقابية لان الرقابه ليها أشخاصها المتوليين المنصب الرقابي ،، المراقب بمثابة الطرف المحايد داخل الاقسام بين المشرف والاعضاء .. الفترة اللي فاتت كان في شد بين الاشراف علي المسابقات وكمان تخصصات الاقسام وتم حلها بكلام اتكرر كتير ياتري في نيه لتنفيذه جذري ولو تم اعتراض من قبل المشرف ايه دور المراقب هنا قبل الادارة ؟ شغل المسابقات التفاعلية دا خلاص اتحل بمشئية الرحمن بفكرة موضوع تنظيمي نزلته في المشرفين علشان محدش يجي على اى مشرف زميله والكل يشتغل ويساعد بعضه ويتفاعلوا في مواضيع بعضهم ،، والتخصصات هو يمكن دي اللى عايزه تتنظيم شويه بشكل أفضل ودي مهمة الاداره قبل الرقابه وأمجد موجود ومتابع دا واحنا كطاقم إداري متكامل موجودين لتسوية اى خلافات المفروض كله يتفاعل ويشتغل لصالح المنتدى محدش يمسك غلطه على مشرف زميله او يكون فيه حقد او ماشابه لان الامور أبسط من كده بكتيير وفي الاخر الكل مستفيد ربنا ييسر الأمور ،، انت قولت الادارة الحاليه مفتكرش طارق بيدخل في الادارة وامجد لوحده صعب اوي اننا نحكم عليه خصوصا انه متولي مسؤليه كل حاجة بعد ما كانت المسؤليه مناصفه بينه وبين منه ؟ الاداره الحاليه وقت المشكله من شهر تقريبا طارق شال إيده خلاص من أمور المنتدى ودلوقت شغال مجهود ذاتي كعضو صاحب تفاعل فريد من نوعه وأفكار بس دا ميمنعش إن وقت الحاجه له بيبقى موجود ومتابع وأمجد بيعمل اللى يقدر عليه ربنا يعينه اكييد بعد غياب منه المفاجئ المسؤلية بقت كلها عليه بس احنا موجودين معااه والمسؤلية شايلينها معاه اكيد ،، ربنا يعين .. الادارة فعلا بتراعي ظروف المشرفين الغايبين بس هنا بئه لو طال الغياب ليه ما يتمش تجديد الاشراف او حتي اضافه جديد خصوصا ان في اعضاء يستاهلوا الاشراف ؟ اكييد دا ظاهر مش محتاج اى كومنت مني الاداره دايما بتراعي ظروف جميع الاعضاء ومبقولش كده علشان منها بالعكس انا راجل مهني ومش بأعرف أجامل ولكن دا اللى ظاهر وبخصوص التعيين فا اى شخص بيبقى واضح نشاطه بيتم تعيينه علطول حتى لو موجودين مشرفين غايبين مش نستني لما يتشال المشرف وبعدين نفكر في التعيين اصل القسم مش هينقصله رجل ولا ايد لما يتعينله مشرف جديد وإن حصل وتعيينات اتاخرت او اشخاص مش اتعينت وهي تستحق فا دا بيبقى سهو خطأ بشري عادي جدا يحصل لان انت استحاله شغلك يكون مثالي بنسبة 100% والمفروض الجميع يقدر دا دا غير إن فيه موضوع في المشرفين هدفه ان اى مشرف شايف اى شخص نشيط هيدرج إسمه في رد والاداره بتتابع الموضوع دا وبتستفاد منه وقت التكريمات والتعيينات والترقيات في التكريمات الإداريه .. اقسام مهجورة واعضاء تستحق الاشراف وغياب التعيين مع اننا في امس الحاجة طب ليه ؟ أقسام هجوره واعضاء تستحق الاشراف هما فين بقآ لو عندك أسماء حطيها في موضوع المميزين اللى في المشرفين والكلام دا بردوا لكل مشرف من المشرفين الزملاء وأيضا الطاقم الرقابي نفسه .. وعلي ايه انا احط طب ما هي باينه يعني عندك اكتر من 10 اعضاء مميزين متفاعلين متواجدين دايما وليهم نشاط مميز يعني كفء للمسؤليه وحوالي 15 قسم مهجور فعلا وحاليا في حمله لتنشيط النهاردة اليوم العاشر فيها لولاها كنت هجبلك قسم زي الاخبار اخر موضوع فيه كان من الستينات ؟ يابنتي الناس اللى بتتفاعل كتير ولكن انا بدور على التخصص اصل مينفعش واحد نشيط اقوله تعالي اليوتيوب او الاخبار مثلا وهو ملوش نشاط فيه لا لان كل قسم وله اختصاصاته إن مكنش فيه شخص يقدر يتعامل مع اختصاصات كل قسم يبقى مش هتلاقي مشرفين كفئ فا نداء للمميزين اللى انتي بتقصديهم كل عضو مميز مش عيب يشتغل في كل المنتدى بس بردوا خلى تركيزك على قسم من الاقسام المهجوره دي اللى نشاطها ضعيف وانت شايف نفسك تقدر تعيد نشاطه اعمل اللى عليك واكييد عاجل آجل هتلاقي المقابل اللى يرضيك .. نورتنا يا ماجيك رغم انك قليل الكلام ودا فال حلو طبعا انت من اهم اركان المنتدي واكيد الاعضاء كلهم يتمنوا وجودك في اهم المناصب هنا لانك متعاون ومتفاهم ودا اكيد اللي الكل محتاجه هنا كدا ممكن تطلع من القفص في رعايه الله بعد نورك ام حمني انا يمكن بأفضل أختصر وأجيب من الاخر بس مش عارف حسيت ان رغيت كتير يلا ان شاء الله نكون ضيوف خفاف على قلوبكوا حلوه خفاف دي في امان الله . . وبكدة خلص حوارنا مع الماجيك وتم الافراج عنه وربنا يسهل وقريب نحبس حد مميز اوووووووي واخيرا / الف شكر علي الديزاين الجميل من نرمين فــــ رعايه المولي

[Stop Ana Eltop]

حوار جمييل يا سمااا والماجيك منور اكييد

بس انا شايفه انه كل الاجابات مجرد تحصيل حااصل

يعنى مفيش وجهة نظر محدده ظهرت من كلاامه

كله كلام ع العايم يراضى كل الاطراف

بالتوفيق

[۩۩ elMagic ۩۩]

كان حوار جميل مع ام حمني
تسلمي لمجهودك بقى
تعيشي وتحبسي ياختي

[مُنـــــايا]

يا برامجك يا ست سما

اللي بيقع تحت ايدك ربنا يستر..

بس حلقه جميله واخي أحمد من الناس اللي مشهود لها

بالتواجد الدائم والتعاون مع الجميع

الاسئله كانت جامده وردود اخي احمد كلها رزانه وعقلانيه

نتمني نشوفه بأعلي المناصب بالتوفيق للجميع يارب
احترامي وتقديري

[Śลяą..ღ]

هو تحقيق طويل شويتين
بس استمتعت وانا بقرا
واحمد شخصية عاقلة
بيفكر قبل ما يقول الحاجة
ودى بالعكس حاجة حلوة
منور يا احمد بجد

وتسلمى سما عَ الاستضافة
وحوارك كان جميل
تحياتى~

[انت احلى الناس]

حوار جميل مع الماجيك
منور الحلقه
تسلمي ام حمنى على الحلقه الرائعه دى

[A-rab3awya]

حلقه حلوة

تسلمى سما ع اسئلتك

منور يا ماجيك

[شهيده تحت الطلب]

حوار جميل
والماجيك منور ^_^
بس طنط سما منوره اكتر
تسلموا عالحلقه بقي ^_^

[ساحر الأحزان]

منور المعتقل يا ماجيك

وعقبال الافراج


حلقة جميلة سما

مع ماجيكو

ظريفة وخفيفة

موفقين

[♥SaRa]

جميلة اوي المعتقل دهـ بتجيبي فية الخبايا
بس احمد دهـ زوزهـ مش راضي يتكلم كتير عـ رائيكـ
هو اهـ بيختصر ويجيب المفيد بس فية كلام بيتآكل فـ النص ^^
حلقة جآمدهـ الصرآحة واحمد من الشخصيآت المميزهـ الي بحسة بطبعة هادئ
وبيعرف يتعامل كتير بمواقف فعلاً نتمني انة يكون فـ منصب كبير وربنآ يوفقكـ بقي فـ حياتكـ
تسلمي آسما عـ المعتقل عقبآل بآقي الطقام الاداري ^^
موفقين .