مياه الصرف الصحى تدخل على مياه الشرب

[اميرة الحب الضائع]

السلام عليكم ورحمه الله وبركاتو

مساء الخير على اهل الخير

اخباركم يا رب الجميع يبقو تمام



والنهرضا فى موضوع غريب اوى شوفتو وكان لازم نتكلم عنو





أكد الدكتور محمد عبد المطلب، وزير الموارد المائية والرى، أن نصيب الفرد من المياه سنويًا

تدهور لأقل من 650 مترًا مكعبًا، وهو ما يجعلنا داخل منظومة الشح المائى الشديد فى ظل

محدودية الموارد المائية لمصر. وأوضح "عبد المطلب" فى تصريحاتٍ خاصة أن الدولة جادة فى

تنفيذ مشروعات معالجة مياه الصرف الصحى، والتى تُعَد ضرورة للحد من تلوث مياه الرى،

ومواجهة تناقص نصيب المواطن من المياه فى ظل الزيادة الكبيرة فى عدد السكان. وأضاف

الوزير أن التعديات على النيل تضيف بعدًا جديدًا للتلوث وتآكل الأراضى الزراعية، مشيرًا إلى

أن لجنة مشتركة تضم وزارات الرى والزراعة والإسكان تقوم حاليًا بتحديد المساحات التى تم

البناء عليها، لإعادة منظومة توزيع مياه الرى فى محافظات الدلتا، وخاصة وسط الدلتا.



يعنى بئختصار يا جودعان

هنشرب ميه من الصرف الصحى

طبعا مش هنبص للحاله السوده الى هنوصل ليها

بس اازاى وزير يقول نشرب ميه من الصرف الصحى

ازاى عيزه افهم بس كليه ايه ولا جامعه ايه الى بتدى افكار زى دى

مش عيزه اللوك كتير

الموضوع ليكو



هتقبلو بمياه الصرف الصحى كا مياه للشرب وللئستخدام للحياة العاديه ؟

هتقبلو بوزير زى الى عندو اعاقه زهنيه ده ينفز الفكره المنيله دى ؟

فين السيسى من القرار ده هيقبل ان نور عنيه يشربو من مياه الصرف ؟

ايه رئيكو فى الفكره الرائعه الى محصلتش دى ؟

الوضوع ليكو بقا




تحياتى

ميرا

[ساحر الأحزان]

هو يمكن يقصد انة يمكن معالجتها واستخدامها فى الزراعة فى ظل الظروف المستقبلية الغامضة بسبب سد النهضة

وتقلص حصة مصر من مياة نهر النيل مما يؤثر على حصة الفرد من شرب وزراعة بنسبة كبيرة

احنا لازم نحط البدايل المتاحة لمواجهة ازمة محتملة تنتظرنا

شكرا ميرة على موضوعك

[شاعر الحب الحزين]

بصي أنا مش في مصر حاليا

بس عن نفسي اكيد ما اقبلش بقرار زي ده

طب هو مين اللي بيشرب من النيل ؟

حرام كده

اساسا مية الصرف الصحي مش هيتم تنقيتها وبلورتها بشكل كامل

وده بيعمل أمراض بيعمل جراثيم ف المعدة وحصى ف الكلى

لا حول ولا قوة الا بالله العلي العظيم

تسلمي يا ميرا لطرحك للمشكلة

[♥SaRa]

آية ي بنتي دهـ انتِ مالكـ سودتيها علينآ كدهـ لية انتِ فاهمة غلط
هو فعلاً الفكرهـ دي كانت من زمان بيفركوا فـ تطبيقها وهي معالجة مياهـ
الصرف الصحي وتنقيتها ولكن آحنا مش هنشربها زي ما فهمتي -_-
آحنا هنسقي بيها الزرع والاراضي الزراعة بدل المياهـ الي تصلح للشرب
فـ الزراعة نوفر الكمية الي نسقي بيها الزرع ونشربها ومياهـ الصرف فت نفس الوقت
نستفيد منها فـ زراعة الاراضي فوهمتي ي حبي .
وبعدين اية الي دخل السيسي دلوقتي انتِ ي قلبي فهمتي غلط لأن أكيد
مش موجود فـ اي شرع اننا نشرب من مياهـ نجسة !!
ولا السيسي يقبل كدهـ حتي لو كآن حد كافر مش هيقبل كدهـ
هو آحنا عايزين نحسن الوضع ي جماعة والله بس للأسف انتوا بتبوا ليها
بنظرهـ تانية بنظرهـ وحشة رغم انها حاجة حلوهـ بس تفسيركم غلط
موضوع جميع ميرو تسلمِ ي قمرهـ.

[Stop Ana Eltop]

بصى ابت اميراا انا قرأت الخبر دا من كذا يوم

كل ما اجى افتح الميه واغسل وشى او اتوضى

احس ان ريحة الميه وحشه ليه مش عارفه وساوس اكيد

بس لسه متوقع اكتر واكتتر

[اميرة الحب الضائع]

اقتباس المشاركة الأصلية كتبت بواسطة ساحر الأحزان هو يمكن يقصد انة يمكن معالجتها واستخدامها فى الزراعة فى ظل الظروف المستقبلية الغامضة بسبب سد النهضة وتقلص حصة مصر من مياة نهر النيل مما يؤثر على حصة الفرد من شرب وزراعة بنسبة كبيرة احنا لازم نحط البدايل المتاحة لمواجهة ازمة محتملة تنتظرنا شكرا ميرة على موضوعك

لا ونبى يعنى انت ترضا تاكل اكل مزروع بميه صرف صحى

انا احطلو بدايل ايه اصلا فكره موش تنفع بكل الطرق

ولا للزراعه ولا للشرب

نورتنى

[اميرة الحب الضائع]

اقتباس المشاركة الأصلية كتبت بواسطة شاعر الحب الحزين بصي أنا مش في مصر حاليا بس عن نفسي اكيد ما اقبلش بقرار زي ده طب هو مين اللي بيشرب من النيل ؟ حرام كده اساسا مية الصرف الصحي مش هيتم تنقيتها وبلورتها بشكل كامل وده بيعمل أمراض بيعمل جراثيم ف المعدة وحصى ف الكلى لا حول ولا قوة الا بالله العلي العظيم تسلمي يا ميرا لطرحك للمشكلة

ولا عمر الميه دى هتنفع ل اى حاجه

ربنا يستر بقا علينا من افكار الوزرا الجهنميه

نورتنى

[اميرة الحب الضائع]

اقتباس المشاركة الأصلية كتبت بواسطة ♥sara آية ي بنتي دهـ انتِ مالكـ سودتيها علينآ كدهـ لية انتِ فاهمة غلط هو فعلاً الفكرهـ دي كانت من زمان بيفركوا فـ تطبيقها وهي معالجة مياهـ الصرف الصحي وتنقيتها ولكن آحنا مش هنشربها زي ما فهمتي -_- آحنا هنسقي بيها الزرع والاراضي الزراعة بدل المياهـ الي تصلح للشرب فـ الزراعة نوفر الكمية الي نسقي بيها الزرع ونشربها ومياهـ الصرف فت نفس الوقت نستفيد منها فـ زراعة الاراضي فوهمتي ي حبي . وبعدين اية الي دخل السيسي دلوقتي انتِ ي قلبي فهمتي غلط لأن أكيد مش موجود فـ اي شرع اننا نشرب من مياهـ نجسة !! ولا السيسي يقبل كدهـ حتي لو كآن حد كافر مش هيقبل كدهـ هو آحنا عايزين نحسن الوضع ي جماعة والله بس للأسف انتوا بتبوا ليها بنظرهـ تانية بنظرهـ وحشة رغم انها حاجة حلوهـ بس تفسيركم غلط موضوع جميع ميرو تسلمِ ي قمرهـ.

نحسن وضع ايه يا ساسو يا حببتى انتى هترضى تكلى اكل مزروع ب ميه صرف صحى

بزمت الحج الى عندك فى البيت تكلى الاكل ده بئى نفس

ولو مهما نضفوها او نقوها هتفضل ميه صرف صحى

نورتى يا قمر

[اميرة الحب الضائع]

اقتباس المشاركة الأصلية كتبت بواسطة stop ana eltop بصى ابت اميراا انا قرأت الخبر دا من كذا يوم كل ما اجى افتح الميه واغسل وشى او اتوضى احس ان ريحة الميه وحشه ليه مش عارفه وساوس اكيد بس لسه متوقع اكتر واكتتر

والهى يا اخوتى انا مبقتش عرفه اعمل ايه الوزرا الى جيينى

بئفكرهم الى تودى فى دهيه ربنا يستر علينا بقا من الى جى

نوتى