فرق السن فى الزواج .. أمر وآقع !

[Aya 7ekaya]

السلام عليكم موضوع النهاردة عن حاجة لاحظتها بنسبه كبيرة جدا
فى ظل الظروف القائمه الشاب عقبال مايكون نفسه ويبدأ يستعد انه يدور على شريكه حياته ويبدا يفكر ف خطوبه وجواز بيكون وصل تقريبا لسن الـ 30


وبيكون من شروط الاختيار انه عايز بنت سنها صغير يعنى مثلا 20 سنه فى الحدود دى يعنى طالبه جامعيه مثلا
وهنا هنلاقى فرق السن من 10 سنين وبيزيد احيانا


زمان كانت دى نقطه نقاش !
ممكن تتجوزى واحد اكبر منك بفرق اكتر من 10 سنين
وكنا بنعترض لان الفرق بردو كبير
دلوقتى بقا ده واقع وشىء لاحظته بشكل كبير جدا
حتى ان ممكن الشاب مايقبلش بنت الفرق بينهم سنتين او تلاته ويقبل بفرق 12 سنه
تفتكروا ليه ؟

[Stop Ana Eltop]

عشان يربيها على ايده هما الى قالوا كدا والله


انا شايفه انه الفرق من سنتين لخمسه حلو اوى
وغير كدا بردك عادى طالما التفاهم والاحترام موجودين

[۩۩ elMagic ۩۩]

مش بأحبذ فرق السن دا
بالنسبالي بيفضل الفرق بسيط
ويكون فيه توافق وود

[აα∂ Ԑγεა]

زي مانتي زكرتي الامر اصبح واقع !
فعلا ظروف المعيشة وفرص العمل ومتطلبات الزواج
بتصعب علي الواحد انه يتزوج الا في سن كبير شوية

موضوع فرق السن
انا الحقيقة مش فاهم النقطة دي لحد اللحظه :]
بستغرب انه بلاقي عندنا العريس 32 سنه
وواخد العروسة تحت سن الزواج لدرجة انه مينفعش يكتبوا رسمي !
مش فاهم النقطة دي الحقيقة

بس ممكن تحت بند صغيره وهتفضل معايا صغيره كتير ؟!
مانت هتعجز عليها !

او مثلا صغيره وملهاش تجارب في الحياة وانا هربيها بنفسي ؟!
مع انه الزمن دا بيحبوا مرتين في ابتدائي !

بالنسبالي كفرد معنديش مشكلة في فرق السن اطلاقا !
مظنش اني هتجوز واحده اصغر مني بالشكل دا
افضل انها تكون من نفس سني ونفس جيلي !

اما لو مثلا اتقدم لاختي عريس بيفرق عنها السن دا
مظنش اني هقبل :]

[SaMa.]

هو خمسة كويس لكن فعلا الظروغف بتخلى الفرق ده وصعب اوى تتجوز من سنها
الا اذا كان باباه هايساعدوا
بس عارفه الموهم يكونوا متفاهمين موش الفلوس

[Aya 7ekaya]

اقتباس المشاركة الأصلية كتبت بواسطة stop ana eltop عشان يربيها على ايده هما الى قالوا كدا والله انا شايفه انه الفرق من سنتين لخمسه حلو اوى وغير كدا بردك عادى طالما التفاهم والاحترام موجودين

هههههههههه هم مين

المشكله انه بقى واقع زى ماقولت والبنت طالما عدت 25 سنه فرصتها انها تتجوز قليله لنفس السبب

[Aya 7ekaya]

اقتباس المشاركة الأصلية كتبت بواسطة ۩۩ elmagic ۩۩ مش بأحبذ فرق السن دا بالنسبالي بيفضل الفرق بسيط ويكون فيه توافق وود

اكيد ده احسن لكن ظروف الحياه بتغير مجريات الامور نورت ي احمد

[Aya 7ekaya]

اقتباس المشاركة الأصلية كتبت بواسطة აα∂ Ԑγεა زي مانتي زكرتي الامر اصبح واقع ! فعلا ظروف المعيشة وفرص العمل ومتطلبات الزواج بتصعب علي الواحد انه يتزوج الا في سن كبير شوية موضوع فرق السن انا الحقيقة مش فاهم النقطة دي لحد اللحظه :] بستغرب انه بلاقي عندنا العريس 32 سنه وواخد العروسة تحت سن الزواج لدرجة انه مينفعش يكتبوا رسمي ! مش فاهم النقطة دي الحقيقة بس ممكن تحت بند صغيره وهتفضل معايا صغيره كتير ؟! مانت هتعجز عليها ! او مثلا صغيره وملهاش تجارب في الحياة وانا هربيها بنفسي ؟! مع انه الزمن دا بيحبوا مرتين في ابتدائي ! بالنسبالي كفرد معنديش مشكلة في فرق السن اطلاقا ! مظنش اني هتجوز واحده اصغر مني بالشكل دا افضل انها تكون من نفس سني ونفس جيلي ! اما لو مثلا اتقدم لاختي عريس بيفرق عنها السن دا مظنش اني هقبل :]

ماهو صعب دلوقتى اصلا تلاقى عريس غير بالشكل ده زى ماقولت بسبب ظروف الحياه وان شاب يكون نفسه
فكرة انه هيعجز عليها فى ناس وجهه نظها ان البنت بتكبر قبل الراجل او بيبان عليها اكتر يعنى


وفعلا عندك حق ف ابتدائى بيحبو وبيخرجو مع بعض كمان
نورت جدا

[Stop Ana Eltop]

اقتباس المشاركة الأصلية كتبت بواسطة aya 7ekaya هههههههههه هم مين المشكله انه بقى واقع زى ماقولت والبنت طالما عدت 25 سنه فرصتها انها تتجوز قليله لنفس السبب

انا لما سألت الشباب سابت البنات الى خلصت كليه واتجهت لبنات الاعدادى ليه قالوا عشان يربيها على ايده

عندنا الى بتعدى 18 سنه فرصتها فى الجواز بتنعدم
بس دا نصيب فى الاخر
وانا شايفه السن مش مهم اوى للناس بس مهم ليا

[Aya 7ekaya]

اقتباس المشاركة الأصلية كتبت بواسطة sama. هو خمسة كويس لكن فعلا الظروغف بتخلى الفرق ده وصعب اوى تتجوز من سنها الا اذا كان باباه هايساعدوا بس عارفه الموهم يكونوا متفاهمين موش الفلوس

اهم حاجة التفاهم اكيد وكل شخص يكون متقبل التانى نورتى سمسمه