جوايا حاجة ملخبطه

[phalsteen]

جوايا حاجة ملخبطه خايفه اقولها تسرقني مني وللأسف مبقاش فاضلي الا القسي انساها ترجع اعاتبها تقوي مش عارفه مالي وايه حصل ؟ هربت مشاعري راحت عليه وخطفني مني وساحرني بيه؟ في كلامه بسرح وفي قربه بفرح واتمني اقوله وللأسف ولا شوفت منه الا القسي هاجرلي قلبي وتاعبني بيه برتحاله واحكي واسمعله واضحك وقصاده بضعف واهرب تملي وللأسف خايفه قلبي يبان عليه ويحس حالي واللي بيه جوايا حاجة ملخبطه وروحي خايفه وعيني تايهه قصاد عنيه خايفه منه وبموت عليه بتمني قربه واعيش لقلبه واهرب قصاده والوم عليه من كتر جرحي كرهت قلبي ومن خوفي لاجرح جرحت قلبي اهون عليه همسه : ليت العشق بالقلب وحده بقلم : سيدة مصر الاولي

[♥SaRa]

كلماتكـ مؤلمة حزينة مليئة بالحيرهـ والشوق
الحب ليس سهل كما كنا نظن فإنة لاذع فـ فرقتة
بتمني ان قلبكـ يرتاح وينال الي يرضية
ويسعدكـ دائماًي سمسم.

[مُنـــــايا]

الله الله ع الجمال

حبيبه قلبي


كلمات جميله ...
للجمال لغة لا يفقهها إلا ألي الالباب
,فحلقي بنا حيث شئت ِ
كوني دوما ً بخير
لروحك السعاده

[دفاتر القمر]

ماأجمل تلك المشاعر التى

خطها لنا قلمك الجميل هنا

لقد كتبت وأبدعت

كم كانت كلماتك رائعه فى معانيها

دائمآ فى صعود للقمه

[العاشق الذى لم يتب]

خلاصتها آخرجملة
ليت العشق بالقلب وحده
العاشق بيعشق بكل جزء فى جسمه
الله عليك
سيدة مصرالاولى
وهذا التجلى
خاطرة ومشاعرتتوجش خيفة من فقد المحبوب
تسلم ايدك
ودمت بخير
تحياتى وودى

[انا جيجي]

ليت العشق
بالقلب وحده

[الأميرة رودي]

هو الحب كده
بيلخبطنا ويقلب كياننا
كلمات جميله باحساس صادق وشفاف
تسلمي أحلى سمــا
ربنا يسعد قلبك ♥♥

[كريم عاصم]

الله عليكى سما بتجيدى في العامية بطريقه جميله جدا قرأتها تكرارا وكأنها أغنية .. بل حقا أغنية دندنت معها وكأن المسامع تسترق الطرب دمتى في سعادة الف تحية كريم عاصم

[شاعر الحب الحزين]

ده احنا اللي بقت جوانا حاجات متلخبطة بعد الكلام الجميل ده

عارفة اجمل حاجة ف كلامك إنها ما بتخرجش عن المعنى اولا

تانيا انها خارجة من القلب وبتتكتب بصدق الإحساس

انتي جواكي احساس جميل يا سما واحنا اللي جوانا حاجات ملخبطة

بس بجد تعبيرك جميل جدا وقدرتي توصلي إحساسك لقلوبنا جميعا

بحييكي سما على الفكر الجميل والتميز دايما منك

احترامي وتقديري

[انت احلى الناس]

تسلم ايدك يا ام حمنى
كلمات حلو
تحيااااتي لكي