إحالة مدرس بالغردقة للتحقيق بتهمة سب الدين لولي أمر !

[აα∂ Ԑγεა]

اللواء أحمد عبد الله، محافظ البحر الأحمر اللواء أحمد عبد الله، محافظ البحر الأحمر
أحال اللواء أحمد عبدالله، محافظ البحر الأحمر، الأحد، مدرسًا بمدرسة طه حسين في الغردقة، للشؤون القانونية




للتحقيق معه في صحة قيامه بسب الدين لأحد أولياء الأمور بالمدرسة
في أأول يوم دراسي.
جاء ذلك على هامش تفقد محافظ البحر الأحمر عددًا من مدارس الغردقة
في أول يوم دراسي بالمحافظة للاطمئنان على سير العملية التعليمية.

[აα∂ Ԑγεა]

ماشاء الله ونعم القدوة والمثل الاعلي
من الناس اللي بينطبق عليهم المقولة اللي بتقول قم للمعلم وفه التبجيلا !

طبعا النوعيه دي من المدرسين تقريبا موجودة ف كل مدرسة !
مش هقول بنفس الشكل والالفاظ دي !
لكن الشخصية اللي بالطريقة دي اللي بتشتم و بتهين وبتتصرف بطرق مش مدرسين !
دي موجودة في كل مدرسة والواحد مر عليها ف الابتدائي والاعدادي والثانوي ,

ونرجع نقول ليه الطلبه بقيت كده وذهبت الاخلاق وضاع الجيل والكلام الكبير دا
مع انه اللي المفروض يعلمهم الادب والاحترام و " التربية قبل التعليم "
مش متربي !

[phalsteen]

مش محتاج تحقيق
دا يتفصل
ودا اقل عقاب

دا في حد ذاته اهانه للتعليم
مش كفايه اهمال التعليم وطرقته
كمان هيكون انحلال اخلاقي من المدرس

الغلط هنا علي الحكومه للأسف
واللي بيمثلها وزير التعليم
كان من باب اولي تختار المدرسين
بدل نظريه ادفع واتعين فورا دي
وعندك مليون وازيد من حاملي المؤهلات العليا والدراسات التكمليه في الشارع
ونرجع نقول التعليم باظ من ايه

منظومه فاشله للأسف

[سندس]

سب الدين
حاجة قرررف و غلطان طبعا
بس برضو انا بحب اعرف الحكاية من الطرفين يا ترى ولى الامر عمله ايه
بس ايا كان مينفعش الالفاظ دى تتقال من اى حد
و خصوصا لو كان معلم

[العاشق الذى لم يتب]

شكرا لنقل الخير
يدوم التميز والنشاط
تحياتى وودى

[توحد ارواح]

بالفعل المفروض عقوبه تاديبيه قاسيه
لان سب الدين مش حاجه هينه
او اى شتيمه تانيه برده مش من حقه لانه قدوة
شكرا ع الخبر والمتابعه

[აα∂ Ԑγεა]

اقتباس المشاركة الأصلية كتبت بواسطة nefertiti مش محتاج تحقيق دا يتفصل ودا اقل عقاب دا في حد ذاته اهانه للتعليم مش كفايه اهمال التعليم وطرقته كمان هيكون انحلال اخلاقي من المدرس الغلط هنا علي الحكومه للأسف واللي بيمثلها وزير التعليم كان من باب اولي تختار المدرسين بدل نظريه ادفع واتعين فورا دي وعندك مليون وازيد من حاملي المؤهلات العليا والدراسات التكمليه في الشارع ونرجع نقول التعليم باظ من ايه منظومه فاشله للأسف

منظومة افشل ما يكون !
مع انها مسئولة عن تحديد مستقبل البلد كله
الا انهم مسلمينها وماشيين وخلاص ,

اكيد ابسط الامور الفصل النهائي !
تسلمي للمرور والرد يا سما ,

[აα∂ Ԑγεა]

اقتباس المشاركة الأصلية كتبت بواسطة سندس سب الدين حاجة قرررف و غلطان طبعا بس برضو انا بحب اعرف الحكاية من الطرفين يا ترى ولى الامر عمله ايه بس ايا كان مينفعش الالفاظ دى تتقال من اى حد و خصوصا لو كان معلم

اكيد الموضوع محتاج يتعرف اكتر والاسباب اللي خلته يعمل كده
ولي الامر عمل ايه والخ

لكن لو جيتي للحق مفيش حاجة ف الدنيا تستدعي انك تسب دينك !
فما بالك انه اللي بيعملها المفروض قدوة !
المفروض مهما كان تصرف ولي الامر كان يتقبله بشكل افضل من كده
يتجه للناحية القانونية ويقدم شكوي ف اي تصرف ضده تم ,

لكن الطريقة دي مش طريقه انسان المفروض قدوة ومحترم ومثال للطلبة
بدال ما يوريهم كظم الغيظ والتصرف بالاحترام يسب الدين !

تسلمي يا سندس لمرورك وردك الجميل

[აα∂ Ԑγεა]

اقتباس المشاركة الأصلية كتبت بواسطة توحد ارواح بالفعل المفروض عقوبه تاديبيه قاسيه لان سب الدين مش حاجه هينه او اى شتيمه تانيه برده مش من حقه لانه قدوة شكرا ع الخبر والمتابعه

انا مش عارف ازاي بقي الامر سهل كده جدا
حتي الاطفال والشباب الصغير
ابسط ما عنده انه يسب دينه بكل سهولة ولاتفه الاسباب !

تسلمي للمرور والرد يا توحد