الحلقه التالته من تحت المجهر

[Stop Ana Eltop]

تسلموا ع المروور جميعا نورتونى والله

ومبسوطه كتيير من كلامكم دا

وكويس ان الحلقه عجبتكم

نورتوااا وبالتوفيق دايما ليكواا

[Stop Ana Eltop]

اقتباس المشاركة الأصلية كتبت بواسطة الآمير العآشق وااااااااااااااو هبه تقابل هووبه << تحدي الجبابره تيب بالنسبه لحياتك الصغري / ايه وضعها بالضبط وياتري عندك الجراه تحكي عن الحب ف حياتك الصغري بس حلقه كتير حلووه هبه

ههههههههههههههههههههههه كان لازم تعلق يعنى ع النقطه دى
مش عارفه كتبت الجمله دى ازاى كنت اقصد العكس تقريباا
انه سر من الاسرار العظمى فى حيااتى فهمتنى
الحب دا انا مابتكلمش فيه غير مع امى واتنين اصحابى
غير كدا شايفه انه مش مهم اتكلم فيه

تسلم ع المرور بقن
نورت

[Stop Ana Eltop]

اقتباس المشاركة الأصلية كتبت بواسطة همسات فوق القمر يخربيت الجنان ههههههههههههه انتِ فى الضياع أهبه بس عسوله والله اقولك يا أوختى هو مافيش أمل بيموت والاحلام مش كلها أوهام أذ فوجئه ممكن تلاقى حلمك أتحقق إزاى معرفشى متسأليش بس بلاش داء اليأس دا بالله وانا بحبك اوى وربى ربنا يحقق احلامك يارب

ههههههههههههههههههههههه العاتى بتاعى يابنتى انتى عارفه

انا مقولتش ماتت انا قولت انتحرت بس لسه عندى امل بردك
هههههههههههههه هحاول اقضى ع اليأس دا حااضر

وانا كمان بحبك بقن
تسلمى ع المرووور
نورتى

[Stop Ana Eltop]

اقتباس المشاركة الأصلية كتبت بواسطة nefertiti علي فكرة البرنامج دا جميل جداااا وطبعا حلو الجنان انك تستضيفي نفسك رغم اني معترضه علي الحكاية دي بس هعديها وهبقي اقولك في ودنك ليه معترضه ومعلش اني اخرت سؤالي انتي عارفه اكيد اني متأخرش عنك حببتي بس ليا سؤال ازاي مثلك الاعلي اي حد متميز في مجاله انتي كدة بتسيئ لنفسك يا هبه الحرامي متميز في مجاله هيبقي قدوة يعني الرقاصه متميز في اللي بتعمله تنفع قدوة يعني اول مرة اعرف انك منقبه رغم انك اختي الصغيرة وحلو اوي ان الواحد يعمل اللي مقتنع بيه عشان عمره ما يندم عليه تسلمي حببتي وربنا يسعدك ويخليليك مامتك يارب

ولا يهمك ياحبى بقن كل تأخيره وفيها خييره
لسه معرفتش وجه الاعتراض
بس حاسه انه هيبقى معاكى حق فيهاا

انا ماقولتش اى حد متميز فى مجاله
انا قولت اى حد فى اى حاجه مميزه
وانا كهبه بشوف المميز حسب افكارى ومعتقدااتى
يعنى مثلا انا مش هشوف الرقص حاجه مميزه فاخد الرقاصه مثل اعلى الا لو كنت مقتنعه بى الرقص اصلاا


:d لو متابعه المدونه انا قولت فيها قبل كدا انى منتقبه
اكييد العمل بالشئ الى انتى مقتنعه بيه جمييل

تسلمى ع المرور بقن
نورتى

[Stop Ana Eltop]

اقتباس المشاركة الأصلية كتبت بواسطة سندس منورة برنامجك يا هبة و الحلقة جامدة موووت و الجنان حلو مفيش كلام اجاباتك عسولة اوى و منطقية بس مش عاجبنى رايك فى الحب انا بتكلم لما تكون حاجة مش حرام اكيد يعنى الحب حاجة جميلة و احساس رااائع

ههههههههههههههههههههه ميرسى ميرسى

منطقى انه يبقى فيه معظم الاجابات الى ماتعجبش الناس عشان مش كله شبه بعضه
بس بتهاجم كتيير بسبب نقطة الحب دى
بس دا اقتناعى الشخصى من زماان

انا ماقولتش انه الحب مش حاجه جميله
بالعكس هو شئ اساسى فى الحياه

بس انا وضحت انه بيبقى حلو فى نطاق الحلال
بحيث انه مايبقاش حب وقتى
لاء حب ازلى

انا ماأنكرتش الحب ولا قللت منه
بس وضعت له قيود مش اكتر

تسلمى ع المرور بقن
نورتى

[Stop Ana Eltop]

اقتباس المشاركة الأصلية كتبت بواسطة morshooo اهلا اهلا ^^ حلقه حلوة وكويس انك اكلمتى عن نفسك يمكن ناس كتير ماتعرفش عنك حاجا اول مره اعرف ان بحر النسيان قريبك قوليله مبرووووووووووووووك ^_^ الخطوبه فى انتظار الضيفه الجايه لما نشوف هى مين دى الى منورة المنتدى ^^

هلا بيك يامورشو
انا قولت انه محمود قريبى يجى 12 مره
وكل مره يطلع حد يقول اول مره اعرف

الله يبارك فيك
عقبال احفادك ان شاء الله

عن قريب ان شاء الله
هتنور البرنامج زى ماهى منوره المنتدى

تسلم ع المرور
نورت

[A-rab3awya]

^_________^
حلقه حلوة ع فكره يا هبه جميله جدا يعنى

واحلى حاجه المكرونه بالبشاميل

لا بجد اجاباتك رووووعه

انتى اصلا انسانه مميزة و جميله


حلقه ولا كل الحلقات روعه بمعنى الكلمه

تسلم ايدك بجد

[Stop Ana Eltop]

منوره يالولو بقن

المكرونه دى اهم حاجه عندى بعد امى اصلااا

تسلمى ع المرووور
نورتى

[Words Whisper]

فعلا ساعات الواحد
بيبئا هو عايز يجاوب على أسئلته =))


فيه إجابات كتير مختلفة معاها ..


نورتِ التوبيك ياحلوة ..