برنامج الغلط فين

[world]

ف انتظارها

[انا جيجي]

ورجعناااااااااااااالكم مع اولى حلقات برنامج الغلط فيييييييييييييييييييييين

ركزى يا قطة منك ليها وركزووووووووووووووو يا نمووووووور اهو مخلتش فى نفسكم حاجة



الحلقة الاولى جيران الهنا

ابطال حلقتنا انهاردة سيدتانن عاملين زى الاخوات بالظبط تقوليش كانهام فى بيت واحد هما الست مفيدة والست عزيزة تعالو شوف حكايتهم ايه

مفيدة : صباح الخير يا عزيزة

عزيزة : أهلا اهلا يا حبيبتى اتفضلى ^__^

مفيدة : جيت اشرب معاكى كوباية شاى لحسن العيال قلبو دماغى

عزيزة : وماله يا حبيبتى ... تنوري ياقلبي
هقوم اعمل كوبيتين يظبطو الدماغ




دقائق غابت فيها الست عزيزة عن ناظري جارتها
ثم عادت تحمل بين يديها ... أطيب كوبايتين شاي
بادرت حينها عزيزة بالسؤال مبتسمة :
أخبارك ايه ياست مفيدة ...

مفيدة وهي ترتشف الشاي : الحمد لله ياحبيبتي ...

عزيزة : الا بالحق كنت فين امبارح خبطت عليكِ مارديتيش

انتفضت السيدة مفيدة ..
وكأنها أصيبت بماس كهربائي ووضعت الكوب على
الطاولة ... وبدت منفعلة وهي تقول :
اسكتى يا عزيزة مش اخت جوزى جت هى وجوزها وعيالها
من امريكا بينى وبينك ماعرفتهاش من الاملة اللى بقت فيها
الله يرحم جزمتها المقطعة ام شراب مدلدل!!!!!!!!

عزيزة : والله طيب كويس ... هى جابتلك معاها ايه من هناك؟؟؟

حركت الست مفيدة بوزها يمين شمال وقالت :
هى دى عالم بتجيب حاجة يختى؟؟؟
يادوب ادت لكل عيل باكو بسكوت
إلا ماهان عليها تغدينا واحنا رايحين شايلين ومحملين

ابدت عزيزة دهشتها وهي تقول : ياااااخبر معقولة ؟؟؟؟
خلاص يا مفيدة لما تبقا تيجى عندك ماتبقيش تأكليها

مفيدة : بعينها يختى دى حتى المية خسارة فيها :dry:

عزيزة : صدقتى يا مفيدة يختى وهي كانت بتعمل ايه فى امريكا؟؟؟؟

مفيدة : كانت بتشتغل هى وجوزها وراجعين على قلبهم اد كدة
ماهى يا عزيزة يختى معاها شهادة كبيرة اوى فى اسمه ايه ده
الاستقصاد ولا اسمه ايه :
يختى واحنا مالنا ...عقبال ماتشوفى عيالك زيها يا عزيزة

عزيزة : يا مفيدة بس نعلمهم وبعد كدة يروحو امريكا
يروحو كفر الزيات هما حرين ....الا هى تطلع فين امريكا
دى يا مفيدة

مفيدة : يختى وانا ايش عرفنى
اهو روحى موقف الطيارات هتلاقى الصبى بتاع السواق
واقف بينده على باب الطيارة امريكا امريكا
اقطعى تذكرة من الكومسرى وخشى

عزيزة :
وماله يختى الصبح اخد العيال ونروح





خلصت حكايتنا انهاردة
والسؤال بقا :

ايه الغلطة اللى عملتها الست مفيدة والست عزيزة ؟؟؟

[كريم*]

اكيد الكلام عن الناس
ونجيب سيرتهم بشكل وحش
ماهو مش معقولة الغلط هيكون
ان عزيزة عملت الشاى لجارتها من غير سكر

[انا جيجي]

اقتباس المشاركة الأصلية كتبت بواسطة كريم* اكيد الكلام عن الناس ونجيب سيرتهم بشكل وحش ماهو مش معقولة الغلط هيكون ان عزيزة عملت الشاى لجارتها من غير سكر

نورتنى يا كريم وفعلا الغلط كان فى النميمة وتشويه صورة الناس

[كريم*]

قديرى بعض الناس الموضوع بسيط
لكنى على ثقة ان الرسالة رغم بساطتها تصل
وتؤثر وتمنع وتذكر بأن نحفظ السنتنا
موضوع طيب جيجى

[انا جيجي]

اقتباس المشاركة الأصلية كتبت بواسطة كريم* قديرى بعض الناس الموضوع بسيط لكنى على ثقة ان الرسالة رغم بساطتها تصل وتؤثر وتمنع وتذكر بأن نحفظ السنتنا موضوع طيب جيجى

مرورك اسعدنى يا كريم وانا اسعدنى ان الفكرة عجبتكم

على الاقل نتناقش فى معظم سلبياتنا الى بنعملها ونحاول نغير من نفسنا

[همس الحنين]

اول غلطة هى الغيبة اغتبت قريبتها وهى مش موجودة

تانى غلطة ان جارتها حثتها على السوء وهو عدم اطعام قريبتها عندها

يعنى غيبه ونميمه

وحث على فعل السوء

ده اجتماع جبار يا جيجى على موائد لحوم البشر


طرح راقى

[انا جيجي]

اقتباس المشاركة الأصلية كتبت بواسطة همسات فوق القمر اول غلطة هى الغيبة اغتبت قريبتها وهى مش موجودة تانى غلطة ان جارتها حثتها على السوء وهو عدم اطعام قريبتها عندها يعنى غيبه ونميمه وحث على فعل السوء ده اجتماع جبار يا جيجى على موائد لحوم البشر طرح راقى

للاسف يا بوسى هى دى حياتنا نموووووووووت احنا فى الكلامعلى الناس ودى عملت ودى معملتش

محدش عارف ان الكلام ده مهما كان مدارى بيظهر فى تصرفتانا مع الغير

[აα∂ Ԑγεა]

فكرة جميلة يا جيجي فعلا وعجبتني الحلقة اللي طرحتيها
طريقة طرحك ليها جميلة فعلا

اما عن الناس فهتموت لو مجابتش سيرة الناس اكيد :d
المشكلة لو السيرة تيجي ف الوحش بس
ربنا يهدي ,