تعالى يابا اشتغل بـ 80 جنيه يومية ولو ربك فتحها هجيبلك شغل تاني

[جالس لحالي]

تعالى يابا اشتغل بـ 80 جنيه يومية ولو ربك فتحها هجيبلك شغل تاني

فترة مش بعيدة كان الموقع اللى بشتغل فيه عبارة عن كمبوند تحت الانشاء وعدد الدوبلكس فيه وصل لـ اكتر من 1000

طلبو مني اشوف نحات يجي يكسر بعض عيوب الخرسانة وشوية تكسيرات فى كل المشروع ولو مش هيلاحق اجيب واحد كمان يسد معاهـ

المهم ماشى ومعدي على ميدان بلاحظ فيه تجمع للفئة دي من العمالة قاعدين على الرصيف ورابطين كل ادواتهم من شواكيش ومطارق ومسامير كبير

لقط واحد كده وقولت اشوفه

سلام عليكم يا عمنا

- وعليكم السلام

شوف يابا انا حاليا شغال فى موقع ومحتاجين نكسر شوية خرسانة مش هتخلص الا بعد سنة انت يوميتك كام فى اليوم

- 120 جنيه

" طبعا انا عارف ان يومياتهم فى الوقت دهـ متعديش الـ 100 جنيه اساسا "
طب متيجي تشوف الموقع النهاردة كده وتشتغل يوميا على 80 موصلاتك وغداك عندي وبعد كده تيجي كل يوم على الموقع بدل ما انت قاعد هنا يوم شغل و10 لا وتوكل على الله وفتحة خير عليك ان شاء الله

- شوف يا بيه علشان متوجعش راسك وتتعبني معاك هي اليومية اللى بطلعها 120 جنيه هتروح لحد تاني بردو هي 120 جنيه

اهـ يعني انتو مربطنها مع بعض , دا الـ 120 جنيه دي انا مبخدهاش فى اليوم والاسم فلان راح فلان جه

سلام ياعم خليك قاعد

--------------------

دهـ فصيل من المحسوبين على الناس الغلابة اللى بتاكل لقمتها بعرق جبينها !

قمة الجشع والنفخة الكدابة وتلاقيهم على الرصيف تصعب عليك حالتهم وتقول غلابة

بخلاف بقى الاسطي النقاش ولا السباك اللى مقضيها على القهاوي وشايل فى جيبه تليفون 3 خطوط وينفخلك فى الشيشة ويقولك الحياهـ صعبة ومحدش حاسس بينا ومصنعيته فى اليوم 100 جنيه وشغل اي كلام

بعد التخبيط مع نوعيات الناس دي بلاقى ان الشاب المتعلم واللى معاهـ البكالوريوس ولا واليسانس هو الغلبان مش البيه اللى مشمر الجلابية وقاعد على الرصيف ويقول على نفسه " رجال ارزوقي "

حاليا بقى اليوميات دي وصلت لـ 200 جنيه

انتهي

واللى اللقاء فى بوست خاص مع سواقين الميكروباص

[اميره الشعر الشجين]

الجشع والطمع يعملوا أكتر من كدا الا عايز يشتغل هيشتغل حتى لو بجنيه ربنا يهدى الجميع موضوع يستحق النقاش دوم التميز اخى

[مُنـــــايا]

هو المشكله انهم بيربطوا مع بعض علي يوميه معينه

مع انهم مش شغل دوامي .يعني يوم أه ويوم لا .............

ومع إن المبلغ اللي عرضته كان أحسن ليه بكتير علي الأقل ضامن شغل
كل يوم ودخل يومي ...

لكن العقول والطمع بقي ...........أو هما الفئه ده عايزه تفضل كده
عشان تكون محل حديث ولفت انتباه الجميع ..........

مع إن الخريج يتمني راتب يومي زي ده وهيشتغل ويحمد ربنا عليه

سبحان الله ......

موضوع قيم أخي
لروحك السعاده

[ابو نصير]

سبحان الله حتى الناس الغلابه الارزقيه الناس مسيباهم فى حالهم
وأما حرامى الدوله واللى حواليه يخدو فلوسهم بالملاين ومحدش يقدر يفتح فومه
والكحكه فى أيد اليتيم عجبه .. وبيحسدو القرد على حمار ؟؟؟؟؟؟؟؟؟؟
وبيحسدو الأعمى على وسع عنيه ..
بالفعل ناس طماعه متستهلش العيش فى الحياه
وأصعب شىء فى الدنيا ان تقلل من البشر ولا تجعل لهم قيمه هذا أخذ حقه فى التعليم وهذا لن يأخذ حقه فى التعليم والكل يفيد المجتمع بالجهد والعمل والأحترام
ومعدنيش وقت أجبلك رواتب السفاحين الذين نهبو البلد وبالأسم
ولا معدنكش علم
ربنا يرحمنا الواحد جالو مرض من العقول المريضه

[جالس لحالي]

اقتباس المشاركة الأصلية كتبت بواسطة ابو نصير سبحان الله حتى الناس الغلابه الارزقيه الناس مسيباهم فى حالهم وأما حرامى الدوله واللى حواليه يخدو فلوسهم بالملاين ومحدش يقدر يفتح فومه والكحكه فى أيد اليتيم عجبه .. وبيحسدو القرد على حمار ؟؟؟؟؟؟؟؟؟؟ وبيحسدو الأعمى على وسع عنيه .. بالفعل ناس طماعه متستهلش العيش فى الحياه وأصعب شىء فى الدنيا ان تقلل من البشر ولا تجعل لهم قيمه هذا أخذ حقه فى التعليم وهذا لن يأخذ حقه فى التعليم والكل يفيد المجتمع بالجهد والعمل والأحترام ومعدنيش وقت أجبلك رواتب السفاحين الذين نهبو البلد وبالأسم ولا معدنكش علم ربنا يرحمنا الواحد جالو مرض من العقول المريضه

انا مش هرد على الكلام اللى ملهوش دعوة باللى انا كاتبه

بس متدخلش ترد على اى بوست انا بكتبه الا باحترام

لان عقلى مش مريض يا استاذ / مصطفي

ولو متعرفش ترد باحترام متردش خالص يكون افضلك

[محمود الصاروخ]

انت عارف الشعب المصرى ده اقسم بالله ماينفع معاه أى حل
سايبين الناس اللى بتسرق بالملايين والمليارات وبنبص ل ناس
بتتعب وبتشقى فى شغلها

بص الراجل اللى انت بتتكلم عليه ده يكفى انه سايب بيته وعياله
وقاعد ع الرصيف زى مانت بتقول عشان لقمة عيشه

الراجل قالك انا يوميتى كده انت عاجبك تمام مش عاجبك هتشوف حد تانى
مش تجيب ف سيرته لانك مش مكانه ولا عارف شغله نظامه ايه

اللى ايده ف ميه مش زى اللى ايده ف نار ياصحبى

انت عارف يعنى ايه تكسير خرسانه ؟؟ يعنى تعب وشقى والمفروض
ان انت اللى تقدره ف موضوع الفلوس ده لانك هتشوفه بيتعب بجد
ومهما تشوفه مش هتحس بالتعب اللى فيه

الناس اللى انت بتتكلم عليها دى فلوسها كده عشان لو تعب بكره مش هيلاقى
فلوس تجيله لان صحته اللى بتجبله الفلوس دى

موضوعك مش تمام
راجع نفسك قبل ماتظلم الناس دى معاك
الناس دى مظلومه

وعلى فكرة انا ف يوم من الأيام كنت واحد من الناس دى
وليا الشرف اكيد

[جالس لحالي]

اقتباس المشاركة الأصلية كتبت بواسطة مـح ـ الصاروخ ـمود انت عارف الشعب المصرى ده اقسم بالله ماينفع معاه أى حل سايبين الناس اللى بتسرق بالملايين والمليارات وبنبص ل ناس بتتعب وبتشقى فى شغلها بص الراجل اللى انت بتتكلم عليه ده يكفى انه سايب بيته وعياله وقاعد ع الرصيف زى مانت بتقول عشان لقمة عيشه الراجل قالك انا يوميتى كده انت عاجبك تمام مش عاجبك هتشوف حد تانى مش تجيب ف سيرته لانك مش مكانه ولا عارف شغله نظامه ايه اللى ايده ف ميه مش زى اللى ايده ف نار ياصحبى انت عارف يعنى ايه تكسير خرسانه ؟؟ يعنى تعب وشقى والمفروض ان انت اللى تقدره ف موضوع الفلوس ده لانك هتشوفه بيتعب بجد ومهما تشوفه مش هتحس بالتعب اللى فيه الناس اللى انت بتتكلم عليها دى فلوسها كده عشان لو تعب بكره مش هيلاقى فلوس تجيله لان صحته اللى بتجبله الفلوس دى موضوعك مش تمام راجع نفسك قبل ماتظلم الناس دى معاك الناس دى مظلومه وعلى فكرة انا ف يوم من الأيام كنت واحد من الناس دى وليا الشرف اكيد

موضوعي مش تمام لانه من زاويتك انت مش من الزاوية اللى انا كتبت منها الموضوع

وانت قولت المفروض ان انا اللى اقدره والتقدير هنا لو كان جه معايا كنت هعمل معاهـ زي ما عملت مع غيره

بدل ما هطلب منه يخلص تكسير 5 اعمدة فى يوم واحد , لا كنت بطلب عمودين فى اليوم ( شغل طرايح طالما انت فاهم )

انتهي

[محمود الصاروخ]

اقتباس المشاركة الأصلية كتبت بواسطة جالس لحالي موضوعي مش تمام لانه من زاويتك انت مش من الزاوية اللى انا كتبت منها الموضوع وانت قولت المفروض ان انا اللى اقدره والتقدير هنا لو كان جه معايا كنت هعمل معاهـ زي ما عملت مع غيره بدل ما هطلب منه يخلص تكسير 5 اعمدة فى يوم واحد , لا كنت بطلب عمودين فى اليوم ( شغل طرايح طالما انت فاهم ) انتهي

يابا بالعقل .. ملكش الحق تتكلم ف فلوسه هو الراجل قالك انا يوميتى كده
يا اما توافق يا اما متوافقش انما ملكش تتكلم عليه مش من حقك اصلا

والشغل يعنى مكنش هيقف عليك له رزق وهياخده عندك او عند غيرك
واللى انت جبته غيره ده رزقه ومكتوب له لا انت ولا هو ليك ايد فيه

مشكلتك انك مش بتقبل رأى الأخرين
سامع لنفسك وخلاص
فاكر ان رأيك هو الصح
والباقى غلط

راجع نفسك
وبلاش تظلم حد بيتعب وبيشقى
حط نفسك مكانه

وهجيلك برضه ف اى مجال انت بتشتغل فيه وتقولى انا شغلى ب أد كده
منا هقول ده طمع برضه ومينفعش

ف بلاش تظلم غيرك

تحياتى ليك

[ابو نصير]

اقتباس المشاركة الأصلية كتبت بواسطة جالس لحالي انا مش هرد على الكلام اللى ملهوش دعوة باللى انا كاتبه بس متدخلش ترد على اى بوست انا بكتبه الا باحترام لان عقلى مش مريض يا استاذ / مصطفي ولو متعرفش ترد باحترام متردش خالص يكون افضلك

أستاذى الفاضل ..
لماذا أخذت الكلام على نفسك أنا بناقش موضوع فلا بد ان يكون عندك روح المناقشه والمنافسه الطويله وكل أنسان يكتب كيفما يشاء ولن احد يستطيع أن يحجر على مشاعرك ولا أفكارك وعرضت أكثر من موضوع فى هذا المنتدى
سيدى ... جالس لوحدى
أنا لا أحمل ضغينه ولا كره لأحد فى قلبى وهذا من نعم الله عليا وربنا يعلم بالنوايه وأقرأ لي كومنتاتى كلها لا أهين أحد ولا تسمح نفسى أن أهين أحد
ومجرد كلام يكتب على صفحات المنتدى بالأراء نختلف أو لا نختلف
ولكن مازال الأحترام متبادل ..
وعندما تطرح موضوع هل تعتقد النقد يقع عليك أم يقع على طريقة الأسلوب
انتى وطنى وبتحب البلد وهل أنا لا أحب بلدى وأنا كنت أكثر المتغربين وكنت لا أسمح لمخلوق مهما كاننت سلطته وقدرته يهين بلدى
وهل نحن نهين الوطن أم نهين الذين سلبو البلد فى أي عصر وزمن
والكل فانى والوطن باقى ..
ومعزره إذا كنت أخطأت ..
وللعلم إذا كان النقاش بيننا يسبب مشاكل فلك حق الأختيار
ولن أرد على مواضيعك وهذا يرجع لك انت
تقبل مرورى
أخوك ابو نصير
وأنا أعلم أحياننا يكون ردى قاسى ولكن ليس للشخص ذاته
تحياتى

[جالس لحالي]

اقتباس المشاركة الأصلية كتبت بواسطة مـح ـ الصاروخ ـمود يابا بالعقل .. ملكش الحق تتكلم ف فلوسه هو الراجل قالك انا يوميتى كده يا اما توافق يا اما متوافقش انما ملكش تتكلم عليه مش من حقك اصلا والشغل يعنى مكنش هيقف عليك له رزق وهياخده عندك او عند غيرك واللى انت جبته غيره ده رزقه ومكتوب له لا انت ولا هو ليك ايد فيه مشكلتك انك مش بتقبل رأى الأخرين سامع لنفسك وخلاص فاكر ان رأيك هو الصح والباقى غلط راجع نفسك وبلاش تظلم حد بيتعب وبيشقى حط نفسك مكانه وهجيلك برضه ف اى مجال انت بتشتغل فيه وتقولى انا شغلى ب أد كده منا هقول ده طمع برضه ومينفعش ف بلاش تظلم غيرك تحياتى ليك

فى حاجة اسمها تقدير اسعار العمال

من اول الصبي اللى بيفك المسامير من الخشب لغاية مدير المشروع

وشغل البريمافيرا اللى بحط التكاليف لاى مشروع فى مصر وخارج مصر بيتعمل على اساس كده علشان يقدر يحسب التكلفة المتوقعة ( دراسة جدوى )

انا مش داخل اجيب صنيعي من سنتر بوينت ولا اديداس ولا زارا ,,, زي ما بنتكلم مع المقاولين الكبار اللى عندهم عدة وخشب واسطف صنيعية ويقولو الشغل دهـ بـ 5000 واحنا نقول لا الشغل دهـ بـ 3500 وقول اه ولمكش دعوة ليك عندي شغلانة تانية هعوضك فيها لو انت خسران

وخسران هنا مش هيدفع من جيبه لا ده خسران الى هو كان متوقعه وهي دي لغة السوق

ادخل على اى بياع خضار قوله كيلو البطاطس بكام هيقولك مثلا بـ 5 طب هاخد 3 بـ 13 هيقول آمين

فى هات وخد فى الكلام


تحيـــــــــاتي