ذكريآت من زمن فآت ~~~ضيفى ~~

[رووكه]

ذكريات من زمن فآت لكل منا ذكريآت مر عليها زمن ولحظات تسكن القلب موضعنا مش هيكون عن ذكريات خاصه بحياتنا قد ما هنتكلم ف ذكريات مرينا بيها ف المنتدى مواقف من آول يوم سجلت ف المنتدى هنحكى وهنعرض مواقف مر بيها كل عضو وأيه آكتر شئ لمسه ولحد النهارده مش نسيه وبيتمنى يتكرر تآنى وأيه آكتر شئ خلاه غضب من المنتدى وقرر يمشى وقال يارب ميتكررتانى وآكيد كل عضو فينا آتعرف ع شخصيات جميله ومع الظروف أختفو يآترى لسه فاكرهم وفاكر مواقفك معاهم بكل بساطه هنرجع لى آيام المنتدى زمآن وهنسافر مع العضو ف دفتر الذكريات 　 ضيفى يتسم بالهدوء والسلاسه خدوم لدرجه كبيره ليه عطآء ووفآء كبير للمنتدى منتشر بطريقه وضحه يتعامل مع الجميع بروح الاخوه لا يميز بين عضو ومشرف وغيره يحمل قلب نقئ لا يعرف الكره ولا النفآق يسعى بكل الحب لرسم البسمه ع وجه الجميع ضيفى شخصيه يحمل ليها الجميع التقدير والاحترام لقبته بالفنآن لانه مبدع ف قلمه وكلماته معى ومعاكم سآحر الاحزان القدير / آمجد السلام عليكم ورحمه الله وبركاته وعليكم السلام ورحمة الله وبركاتة اهلا بيك ف ذكريآت من زمن فآت أهلا وسهلا بيكى يا روكة الاسم / أمجد محمود مين عرفك ع المنتدى وآول آحساس جالك وقت ما سجلت ؟ المنتدى عرفتة عن طريق البحث فى جوجل وفى الوقت دة كنت حديث العهد بالمنتديات وبخصوص المنتدى كنت كأى ضيف جديد لسة بيتعرف على الناس الموجودين آول عضو آتعرفت عليه ف المنتدى وياترى لسه ع علاقه بيه ؟ أول عضو تعرفت علية هو أحمد ماتركس العلاقة بينا كويسة بسى هو مختفى ربنا يرجعة بالسلامة شخصيات آتقربت منها وفجاءه اختفو ؟ لسه فاكرهم أساميهم آيه? هما قلم ورحيق الجنة وكبرياء رجل شخص زعلك وحلفت مانت مكلمه تانى ورجعت اتكلمت معاه ؟ مين هو واحكى موقفك؟ لا بصراحة ما حصل انى اتخانقت مع اى عضو معنا فى المنتدى وحصل بينى وبينة مشاكل موقف آتعرضت ليه ف المنتدى ولسه فاكره سواء كان فرح آو لا قدر الله زعل وحزن؟ هو كان وفاة محمد الكنج رحمة الله علية يومها حزنت حزن شديد لان كان فية علاقة ود واحترام بينا ربنا يرحمة ولا اعتراض على قضائة وعرفت بعد وفاتة بفترة الله يرحمه ويجعله ف الفردوس الاعلى هو وكل آمواتنا المسلمين اللهم آآمين .... آول ما تم تعينك كمشرف ممكن تحكى اليوم ده كآن بالنسبه لكِ آيه ؟ هو كان يوم جميل بصراحة لأن قسم الأقلام من الأقسام الجميلة والمفضلة عندى من يوم ما أنتسبت كعضو جديد قبلها طارق بعتلى بخصوص الأشراف علية ويومها كانت عاشقة الهدوء داخلة ملفى الشخصى شافت التعيين عملت لية موضوع مباركة فى سجل الاعضاء طول عمرها هبة صاحبة واجب وان شاء الله نشوفها زى زمان >> قررت تمشى من المنتدى بسبب زعل فاكر الموقف ده واليوم اللى قررت فيه الانسحاب؟ لا مظنش انى فكرت قبل كدة فى الانسحاب من المنتدى صحيح هو أية حكايتك حابة أنى أخلع من المنتدى ؟ فرحت قوى واليوم ده مش هيتنسى فكرنا بيه؟ يوم أنتخابى كأدارى منتخب كانت المنافسة صعبة والحمد لله أقدرت أفوز فيها بمنصب الأدارى المنتخب كآنت فتره جميله فعلا ,, آول يوم سجلت ف صفحآت مكشوفه كآن آمتى؟ السبب ف عمل مدونه آيه؟ كان فى يوم 21/11/2012 وكان السبب فى عمل مدونة هى أن الواحد يتذكر فيها الحاجات الحلوة فى حياتة وبرضة يعرض فيها ألى بيخطر فى بالة وهى تفضل للذكرى 　 فى صفحاتك قولت كلام وندمت آنك صرحت بيه وياريت ترفق المشاركه؟ هو الكلام كتير روكة الى الواحد بيقولة فى صفحاتة بسى انى اندم مفيش حاجة قلتها وندمت عليها لانى بعرف كلامى قبل ما أقولة مفيش فية أى أسأة لحد ولا غلط بحق أى حد لا انت بتتريق ع البنات وبث عاوزين نرجع لى زمان المنتدى كان آيه جماله وآيه عيوبه؟ المنتدى زمان كان نسبة التسجيل فية عالية ودة كان بيعمل تجديد وضخ روح وافكار جديدة وكان فية تفاعل جميل ودة ألى بيشجع أى عضو أنة ينتسب لأن التفاعل بيعطى حماس ودافع للنشاط ودة الى شغالين علية حاليا هل افتقد الروح ولا رجع يستعدها تآنى؟ أحنا شغالين دلوقتى فى أستعادة النشاط بعد فترة الخمول ألى سببها موسم الدراسة وغياب الأعضاء آكيد بنزعل من نفسنا آمتى آمجد بيزعل من نفسه؟ أكيد طبعا بزعل من نفسى لما بزعل حد من دون قصد أو أكون سبب فى زعل البعض بسى دة بيكون لظروف خارجة عن الأرادة كلمنا عن آمجد وذكريات الطفوله ؟ كانت ذكريات حلوة مروة مفيش بقى شيل مسئولية ولا مشاكل غير لمى الواحد كبر وبص للدنيا بنظرة مختلفة عرف قد أية أن الطفولة ما بتتعوض ؟ فعلا مش بتتعوض كل ما نكبر تكبر الهموم والمسؤليه والتفكير الله المستعان سر حاولت تخفيه وبعدها كتبته ف المدونه ؟ مفيش عندى أسرار يا عم المحاور 　 نعم بقآ مش عجبك المحاور ولا ايه 　 .. مين آمجد هو اللى ف المدونه ولا الادارى آنهى آقرب لشخصيه آمجد ف الطبيعه؟ كلهم شخصية واحد بسى بتتغير حسب المسئولية فى المدونة بكتب فيها الى فى بالى غير الأدارى الى بيتابع وعاوز يعمل حاجة حلوة تفرح الناس فى المنتدى آول مشاركه وموضوع كان ف قسم آيه .؟ كان فى قسم الترحيب موضوع نزلتة وأنا منتسب جديد وهو ليس فى يدى غير قلمى > آول تكريم لك كان من مين .؟ وليه كان فى قسم الأقلام من المشرفة رحيق الجنة وكان شهادة تقدير لمجهودى فى القسم ومتابعتى فية .. المدونه ماذا تعنى لك.؟ منفس لية بعبر فية وبخرج من ضغوط الحياة من خلال الفترة التي قضيتها في المنتندى ما هي رؤويتك للاسماء التالية ؟ طارق العقل النابض وقلب المنتدى شخصية بحبها وبحترمها من يوم ما انتسبت منتدى ولم اجد منة غير المعاملة الطيبة استفدت منة ومن خبرتة كتير جدا ربنا يوفقة بحياتة دمعة حائرة من من الأخوات ألى بعتز بيهم وهى شخصية محبوبة ولا تتأخر فى تقديم أى مساعدة وصاحبة مجهود وفير وهى بتعتبر رفيق درب التواجد فى المنتدى ربنا يوفقها بحياتها الماجيك شخصية جميلة ومحبوبة وعقلة شغال كويس ولا يتأخر فى تقديم طلب المساعدة بتمنى لية التوفيق عاشقه الهدوء هبة دى من الاخوة المحترمين معرفتنا من زمان فى المنتدى وهى شخصية محبوبة من الجميع ربنا يوفقها الأميره رودى سارة من الأشخاص أصحاب المجهود والتواجد الطيب فى المنتدى بتمنى ليها التوفيق جبل عالى جبل من الاخوات اصحاب تواجد ومجهود وفير من خلال المتابعة والتواجد بتمنى ليها التوفيق طبيب الهوئ ابوعصام من الاخوة اصحاب العطاء وجميل التواجد بتمنى لية التوفيق قيثآره الصمت منة من الأخوات أصحاب التواجد صاحبة قلم مميز وتواجد راقى بتمنى ليها كل التوفيق روكه بدعو من ربنا ان ابن الحلال يجيى ويخدها ويرحنا منها وبتمنى ليها كل توفيق بحياتها 　 لا والله هو انا عمله قلق كده لكل ههههههههه آعقده ع قلبكم مش هتدوز خلاث وآفضل آدعى بقآ مع باقى البيت عندى وكمان لما تعملها انت الاول آبقآ آفكر ربنا يسعدك يا امجد ونفرح فيك قريب يآرب .. اسماء رحلت من المنتدى تقولهم آيه اقلهم المكان مكانكم فى أى وقت نرحب بعودتكم للمنتدى لو قولت لك آبعت دعوه لى آعضاء بالرجوع تنادى لمين.؟ أى حد بيحب المنتدى المكان مكانة من دون تحديد أسماء رائيك ف فكره البرنامج فكرة جميلة لبرنامج جميل روكة ثانكس آمجد وكلمه للاعضاء الجدد ونصيحه ليهم من خلال تواجدك نصيحة أنك مش تستعجل واثبت وجودك بمجهودك ودة ألى حيعرفك ويعرف الناس عليك ودة كلة بيجى مع الوقت وأحنا أخواتكم وأى طلب أو مشكلة ما بنقدر نتأخر عن تقديم المساعدة فى أى شىء تحتاجوة آيه رائيك ف القسم هل فيه آضافه تحب تضفها للقسم ؟ القسم شغال كويس بفضل ربنا وجهودك انتى ورودى وآيه رائيك ف نشاط مشرفين القسم؟ نشاطكم جميل ومميز فكرت قبل ما توافق ع الاستضافه طبعا فكرت أنى أزاى حقدر أرد على كل الأسئلة دى أنما مش مهم منشانكم كل التعب يهون وآخيرآً فيه سؤال انا مش سآلته بقآ هو انتى سبتى حاجة أنتى محضرة كويس أروكة آحم آحم علشان تعرف بس شرفتنى بجد ونورت الحلقه الشرف لية أنا أنى كنت ضيف عندك فى البرنامج وأتمنى أنى أكون ضيف خفيف عليكم والله منعرفش وزنك علشان اقول تقيل ولا خفيف ههههههههههههههههههه 　 بجد حلقه جميله آستمتعت بردك ع كل سؤال ربنا يوفقك ويصلح حالك يارب وكل الشكر للقدير والاخ العزيز ع الجميع آمجد موفق دائما وآكيد المنتدى هيكون آحسن بوجودك وبآقى الطقم الادارى شرفتنى آنتظرونى بضيف جديد دعواتى بشكر آركو ع الهيدر والخلفيه والبنر تسلم آيديكِ حبيبتى

[phalsteen]

اللون الاحمر تعب عنيا ارووكه

مش كفايه ضيفك اللي مبيقولش كلمتين علي بعض
وبعدين فين اسمي
كنت عاوزة اعرف هيقول ايه
اخس عليكي ارووكه

دبلومسي بطريقه تعصب اساحر
بس وجودك مميز
وعطاءك وفير
واخد بالك انت بغش منك اهووووو

انا قولت انا كلمتين في حقه المرة اللي فاتت
مش كل مرة بئه

بس مفيش شك انه ضيف رائع
وانسان محترم

بيحضر كل الاستضافات
الا اللي بعملها انا ^_^

منور امجد

تسلمي رووكه لبرنامجك الرائع وضيوفك المميزين

وشكر خاص للي عامل الديزاين الهيدر والخلفيه
واوووووووووووووووووووووو
افتكر انه تصميم يا اسلام يا حوري
وفي كل الاحوال عجبني جدااااااااااااااا

[♥SaRa]

حلقة جميلة وامجد شخصية جميلة وهادية وطيبة
بجد وهو انسان محترم بتمني لية ان ربنا يوفقة دووماً بحياتة
وكانت الحلقة ممتعة واجابات امجد حلوهـ
تسلمِ رووكة عـ الحلقة اختيار جميل منكـ
سلمتِ .

[Lamees]

ساحر الأحزان رغم صغر سنه بحس انه الأخ الأكبر لينا كلنا
وأي حاجة ممكن ألجأ ليه وفعلاً مش بيبخل على حد بالنصيحة
أنا اول ما سجلت بالمنتدى فاكرة اني بعت سألته عن الصورة الرمزية
وازاي تكون كبيرة زي الكل ورد عليا بكل ذوق وأحترام
كفاية أن شايل المنتدى ربنا يوفقه يارب ويجمعنا دايماً في الخير

وبشكرك يا روكة للمجهود الجميل ده
وكمان فكرة البرنامج حلوة زي وجودك يا قمر

تسلموا

[محمود أبوزيد]

سيدتي تحاورتي مع شخص فاق الوصف
وتنتظري مني ان امر بمجرد تعليقا او رد
سيدتي ان خطت احرفي عالاسطر فستلتزم الصمت
وان سردت كلمات فتتصف بالكدب فالرائع
امجد لا يوصف بكلمات بكل محبته موجوده بالقلب

رائع روووكة بانتظار ضيفك القادم تحياتي ومودتي

[الأميرة رودي]

حوار جميل وضيفك انسان مميز معروف بأخلآقه الطيبه
ورجاحه عقله
وفعلا ذكرياته ف المنتدى مش تختلف عن اى حد فينا عاصر نفس الوقت
الله يرحمه محمد كينج ليون كلنا حزننا عليه جداا
لانه انسان لآيُـعوض
كمان أمجد فكرنا بأيام فتره الاداري المنتخب كانت جميله بجد
لقاء هادي رووكه
تسلمي حبيبتي
يدوم التميز

[ساحر الأحزان]

شكرا ليكى مبروكة

على جميل استضافتك

وطبعا الاخوة الحضور

ليهم منى كل التقدير

وبقول للى ما حيمر على الموضوع

علية خصم خمسين مشاركة

[همس الحنين]

حلقه جميله روكه

وكل حلقاتك رعه فيها حنين لزمن جميل

ساحر الاحزان

امتعتنا بإجاباتك

موفق

[™Amiliya]

امجد شخصية مهذبة وراقي في تعاملو

ربنا يسعدك وانت بجد من اجمل الشخصيات الي عرفتها

[طبيب الهوى]

أختي روكه


حلقة مميزة وراقية كَرُقيك وَرُقي الضيف


أجدتِ الحوار وتنوع الأسئلة


للحصول علىَ أكبر معلومات مُمكنة من أمجد


لكنه كالعادة يتبع خير الكلام ما قل ودل


بالفعل كما ذكرتِ يا روكه أمجد إنسان راق وَمُحِب للخير


مجهوده ونشاطه لا يستطيع أحد أن ينكره


أختلفت معه مؤخراً


لكن الحوار كان بإحترام مُتبادل بيننا


ولأنه إنسان مُحتَرَم أجبرني على إحترامه


الله يوفقه ويرعاه آمين


تحياتي وودي وورودي


أبو عصام