آسفين يا ريس

[دمعه حائره]

آسفين يا ريس
***********

آسفين ياريس ده أنت طلعت كويس

واحنا ولاد ستين

إفرح يلا وهايص أصلا شعب مهيس

من يوم خمسه وعشرين

قالوا عليك سفاح سرق فلوسنا وراح

وانت ياعينى مسكين!

لاسرقت الدولارات ولاعملت الصفقات

وقتلت متظاهرين!!

خدتوا براءة خلاص آه ونعم الإخلاص

أومال مين خاينين؟

لاويقولك إيه ترفعوا دعوة عليه!

وتسيبوا التانيين؟

انسوا خلاص الثورة دى طلعت مؤامرة

وأهو ضاعوا الحلوين

إبكى ياأم محمد وأنتى يا أم سعيد

فرحوا الشامتين

وأنت وهو وهى أنسوا معنى الحريةوأفتكروا

نكسة تسعه وعشرين
دمعه حائره
29-11-2014

[الأميرة رودي]

من ساعه ماسمعت الحكم وانا مش قولت غير كلمه واحده
" عليه العوض فى الدم اللى سال وملى الشوارع "
تعبير قوي عن واقع بيسخرمنا كل لحظه
وأسفين ياريس !
مشكوره أختى دوما متألقه فى سرد مايدور بتلقائيه وبراعه
سلمتِ

[توحد ارواح]

واقع مرير عايشينه واحوال مش فاهمنها
وكل يوم يظهر حاجه تزود الالم والحزن
حتى محاكمة القرن والكل منتظر الحكم
يقوم يطلع مخيب للظنون
واصبح الحال من سىء لاسوء
ومش عارفين البلد رايحه فين
ماشاء الله بجد رائع
تسلم ايدك دمعه ابدعتى
دام نبض قلمكِ المميز
تحيتى وتقديرى

[دمعه حائره]

اقتباس المشاركة الأصلية كتبت بواسطة الأميرة رودي من ساعه ماسمعت الحكم وانا مش قولت غير كلمه واحده " عليه العوض فى الدم اللى سال وملى الشوارع " تعبير قوي عن واقع بيسخرمنا كل لحظه وأسفين ياريس ! مشكوره أختى دوما متألقه فى سرد مايدور بتلقائيه وبراعه سلمتِ

تعرفى انا مكتبتش من فتره غير النهاردة
ومن حزنى على الشهدا وحرقه قلب اهلهم عليهم
مابقتش عارفه اتكلم
شكرا رودى نورتى

[دمعه حائره]

اقتباس المشاركة الأصلية كتبت بواسطة توحد ارواح واقع مرير عايشينه واحوال مش فاهمنها وكل يوم يظهر حاجه تزود الالم والحزن حتى محاكمة القرن والكل منتظر الحكم يقوم يطلع مخيب للظنون واصبح الحال من سىء لاسوء ومش عارفين البلد رايحه فين ماشاء الله بجد رائع تسلم ايدك دمعه ابدعتى دام نبض قلمكِ المميز تحيتى وتقديرى

محدش بقا فاهم حاجه ربنا يعدى الايام دى على خير
وكفايه مابقيناش مستحملين خساره تانى
دمنا ليه رخيص كده
شكرا توحد نورتينى

[هادية]

خلاااااااااااااااص كله راح

عرفتوا ليه بقي عملوا فيلم 28 نوفمبر وثورة المصاحف والكلام الفارغ ده

عشان يحزموا البلد من قبل المحاكمة بيوم ويكون فيه مبرر لنشر الجيش والشرطة في البلد

عشان محدش يفتح بقه بعد الحكم المطبوخ ما يتقال

حسبنا الله ونعم الوكيل



لما كلهم براءة وملايكة كده ياترى كنا عملنا ثورة ليه ؟؟؟؟؟؟؟؟؟؟؟

[الفيلسـوف]

اول اهنيكى ع قلمك الجميل دائما اختى الفاضله لكن ف حته الناس مش عارفه وهى انى القاضى اللى حكم النهارده ومش فاهم حيثات الحكم واللى اعرفه انى محكمه النقض قدمت طعن وحيتقبل ويتعد المحكمه بس حيتعاد المسلسل من اول وجديد واعتقد انى مش حيقدروا يسكتوا 9 قضاء ونرجع بمقوله واحده
ويبقى الحكم خارج المدوله
واشمعنا حننزل وطول حياتنا كلها مدوله

[العندليب الاسـمر]

والله ان اليوم لهو الاقسي في حياتي

حتي ااني لم اعد استطيع الكلام

رغم ان كل ما مر كان طبيعي ان يؤدي الي ذلك

لكن لم يستطع ان يستوعب عقلي القاصر

ان تصل بهم البجاحة الي هذا الحد

حسبنا الله ونعم الوكيل

حسبنا الله ونعم الوكيل

حسبنا الله ونعم الوكيل

[السفيره عزيزه]

نظرة التشائم لا اعرفها
الاحساس بالفشل امقته
والله ثم والله لم ولن يدوم الوضع
هذا وعد الله .لا يدوم الظلم ابدا
وغدا فجر جديد .اراه من بعيد
وتشرق شمس الحريه والظلم فى الحديد
ياااارب احمى بلدى وبلاد المسلمين
يارب احقن دمائنا ودماء المسلمين
يا رب الامن والامان لبلادنا وبلاد
المسلمن
كا سابقتها لن تكسرنا
كا سابقتها ستجمع الصف
ابشروا فغدا يحمل الخير لنا وللجميع

السفيرة

[همسه دموع]

هو برئ واحنا اللى ظلمين
زى الوقتى هو ملاك واحنا ارهاب
من ثوره لثوره اقصد لمزبحه مين اللى غطان محناش عرفين
الظلم كتر والموت كتر والدم رخص
اللى بيموت فيكى يابلد مفقود الحق والاسم وربك كريم انه كمان بعد موته مش اتعدم اصله اجرم فى يوم انه حب يعيش فى بلد يكون فيها حر