شطبنــــــا أحاسيـــــــــس

[شاعر الحب الحزين]

شطبنـــا أحاسيــــس ملـوش داعــي الشــوق واللهفــة

قفلنــا قلوبنــا اللــي الظلـــم جواهــــا كفــــى ووفـــــى

احتفـظ بحبــك لنفســك يــا عـم الرومانســـي

إنــت اللــي زيــك فـــي الزمـــن ده منســـــي

وإنتــي لــو حــد قالــك إنــه بيحبــك قوليلــــــه أسفـــــة

ده جـرح الحـبيب ملوش طبيب ولا علاج في مستشفـى

شطبنــا أحاسيس وقفلنــا قلوبنـا خـــلاص

حبنـا ملوش ملامح مفهوش حب ولا إخلاص

وآدينــا عايشيـن ماشييــن والدنيــا ماشيــة مــش واقفـــة

فــي زمـن البنــت لبســت الشفاف والقصيــر

والشــاب عايـز يبقـى مغنـي شعبــي كبيـــــر

الطفل بيشتم الأب بيظلم الأم تتكلم عن دي ودي مش عارفــة

البنــت تخــرج متعطــرة تتعاكس تبص ورى وهي مش خايفـــة

شطبنـــا حــــب ومشاعـــر شطبنـــا أحاسيـــــس

أخلاقنـا بعناهــا بروبيكيــا والتمـــــن رخيـــــــــص

بنضحك على بعض وبيضحــك علينـــا إبليـــــــــس

الشر بقى شرط أساسي لحياتنا والخير بنعمله بالصدفـــــــــــــة


شطبنــــــــــا أحاسيــــــــــــــــس



شـــــــــــــــــــــــــــــــــــــــــــــ . حـــــــــــــــــــــــــــــــــــــــــــــــــ ـ

[أنا مصرى]

نص مفعم بالجمال يصف حالنا الآن ..والله المستعان ..راقت لى الفكرة والاسلوب والسرد الوصف الفخيم ..تحياتى لك ولقلمك النابض الراقى...

[شاعر الحب الحزين]

اقتباس المشاركة الأصلية كتبت بواسطة أنا مصرى نص مفعم بالجمال يصف حالنا الآن ..والله المستعان ..راقت لى الفكرة والاسلوب والسرد الوصف الفخيم ..تحياتى لك ولقلمك النابض الراقى...

والنعم بالله سبحانه وتعالى

أخي الغالي ابن بلادي الحبيبة مصر

راقت لك لأنك ذواق وذوقك راقي

اشكرك أخي الغالي لحضورك المتقن الراقي

اسعدني مرورك بين سطوري المتواضعة

احترامي وتقديري

[جبل عالي]

ممممممممممممم

والله صدقت ياشاعر في حكمك ع واقع عايشينه
ويمكن عشان كده بنلجأ للعالم الغير مرئي
ندور على نفسنا ف كلمة حلوة
ولا خاطرة ولا شوية خربشة
عشان الواقع اللي عايشينه
زي مارسمت بقلمك
رافضينه أيوه بس مكملين فيه !!



كل مرة قلمك يستفز الرد فينا ياشاعر
وكتير بحاول أرد عليك
ألاقي الكلام عندك كفى ووفى

ارجع واقول مميز كعادتك ولن تتغير

احييك كل تحية وتقدير

[عرب اكسبريس]

مشكور اخي علي هذا

[شاعر الحب الحزين]

اقتباس المشاركة الأصلية كتبت بواسطة جبل عالي ممممممممممممم والله صدقت ياشاعر في حكمك ع واقع عايشينه ويمكن عشان كده بنلجأ للعالم الغير مرئي ندور على نفسنا ف كلمة حلوة ولا خاطرة ولا شوية خربشة عشان الواقع اللي عايشينه زي مارسمت بقلمك رافضينه أيوه بس مكملين فيه !! كل مرة قلمك يستفز الرد فينا ياشاعر وكتير بحاول أرد عليك ألاقي الكلام عندك كفى ووفى ارجع واقول مميز كعادتك ولن تتغير احييك كل تحية وتقدير

أنا بتعلم منك كل يوم يا جبل

هو ايه اللي بيخلينا نكتب غير المتابعة الجميلة دي

بقيت اعرف ايه الكلمة اللي تعجبك واللي ما تعجبكيش

من كتر متابعتك واستمرارك في العطاء والتشجيع ليا وللجميع

انا سعيد بإني بحظى بشرف مرورك وتعقيبك على كلماتي الصغيرة

وبجد حضورك اكبر من اي كلام ممكن يتقال فيه

نورتيني يا جبل يا عالي

احترامي وتقديري

[شاعر الحب الحزين]

اقتباس المشاركة الأصلية كتبت بواسطة عرب اكسبريس مشكور اخي علي هذا

اشكرك اخي عرب

اسعدني حضورك الأول هنا

احترامي وتقديري

[Silver Flower]

ايه والله انك صادق
أبدعت في طرحك

[انت احلى الناس]

أخلاقنـا بعناهــا بروبيكيــا والتمـــــن رخيـــــــــص

بنضحك على بعض وبيضحــك علينـــا إبليـــــــــس

الشر بقى شرط أساسي لحياتنا والخير بنعمله بالصدفـــــــــــــة



سطرت واقع
بكلماتك

بصراحه مش عارفه اقولك ايه
روعه كلماتك دايما بتنسي الواحد اللى عاوز يقوله
تسلم ايدك

[شاعر الحب الحزين]

اقتباس المشاركة الأصلية كتبت بواسطة silver flower ايه والله انك صادق أبدعت في طرحك

تسلمي خيتو سارة

نورتيني بوجودك وسعيد بردك

حمدلله ع السلامة برجعتك هون

احترامي وتقديري