إنتــــــي لوحــــــدك

[شاعر الحب الحزين]

بغيـــر عليكــي بخــاف عليكـــــي

بنسى الدنيا وأنا بيــن إيديكـــــي

كل الدنيا ف كفة وانتي ف كفة

ولا غيرك بختار عروسة ف زفـة

ولا بثق في حد قد ما بثق فيكـــي

إنتي لوحدك مفيش حد معاكي

بنسى نفسي ولا بقدر انساكي

لمين هيكون حبي وحنيني لو مش ليكي

لـو غبتـي صعب حبي يغيـــــب

بقلبي وروحي هكون منك قريب

ولو رجعتي هتلاقيني بأشواقي مستنيكـــي

إنتي لوحدك عشان حلمت بيكي يوم

يوم ما اتحقق حلمي نسيت طعم النوم

يوم ما شفتك لقيتني بضيع قــــدام عنيكـــــــــي

إنتــي لوحــدك بحبك واشتاقلك أنــا

كل حاجة فيكي نصيبي وملكي أنــا

إنتي لوحدك من هنا لحد 100 سنــة

في شبابك وف مشيبك هدعيلك يارب ليا يخليكي



شــــــــــــــــــــــــــــــــــــــ . حــــــــــــــــــــــــــــــــــــــــــ

[الأميرة رودي]

الله عليك شاعرنا الوفي
نص رائع جميـل
جسدت بكلماتك صوره للعشق الراقي حقـا
هنيئـا لنـا قلمك
تحيتى وتقديـــري + 5 نجوم

[دمعه حائره]

كلمات ومشاعر رائعه تسلم خالد وربنا يسعدك دايما

[شاعر الحب الحزين]

اقتباس المشاركة الأصلية كتبت بواسطة الأميرة رودي الله عليك شاعرنا الوفي نص رائع جميـل جسدت بكلماتك صوره للعشق الراقي حقـا هنيئـا لنـا قلمك تحيتى وتقديـــري + 5 نجوم

كل شيء منكي جميل أميرة الأخلاق

اشكرك لتواجدك الجميل هنا سارة

أسعدتني كلماتك وشرفني حضورك القدير

احترامي وتقديري

[شاعر الحب الحزين]

اقتباس المشاركة الأصلية كتبت بواسطة دمعه حائره كلمات ومشاعر رائعه تسلم خالد وربنا يسعدك دايما

الأروع تواجدك الجميل هنا شمس المنتدى

عودة جميلة وحضور أعتز به دوما

احترامي وتقديري