عامليـــــن غلابـــــــة

[شاعر الحب الحزين]

عامليـــن غلابـــة قــال يعنـــي خايفيـــــن عليــــــا

قدامـي طيبيـن وف ضهـري مش خاينين إلا شويــة

غيرهـم اتكلـم عليهـم وهمـا اتكلموا عن غيرهم

بيأسفنوا بعض قدامي مش عارف شرهم من خيرهم

عاملين غلابة وهما ديابة للسما رافعين مناخيرهــم

تعدد مصالح ده اللي عندهم ناس عندهم ضعف شخصية

بيتــداروا بلهفة كدابـــة وضحكة من ورى قلبهم

ويستقبلوك استقبال ملوك لمـا تــــروح عندهــم

يستهبلوك بعد ما تمشي تدعيلهم وانتا مروح ربنا يخليهم ليــــا

قادريــن يتلونـــوا قدامــــك زي الأفاعــــــي

يشرقـوك يغربــوك وانتـــا مـــش واعـــــــي

شاطريـن لمـا يمثلـوا وللأســـف مفيـش جــزء أخيــــر للمسرحيـة

بيبـــان مكرهـم لـو خاصمتهـم ما بيحفظــوش أســرار

بيجاملونا بحلوهم واحنا ولا شربنا منهم غير كاس مرار

مش معقول كانوا بيحبونا دول أصـــلا بطبعهـــم أشـــرار

بيتمنوا الخير لينا قدامنا ومن ورانا مفيش حد غيرنا ف نظرهــم ضحيـــة

عاملين غلابة قــال يعنـــي خايفيــن علينـــا

ولسه مش عارفين العيب فيهم ولا فينــــــا

يهينونــا ويحترمونـا يبيعونا ويشترونا والسبب قلة اصل عندهم وضعف شخصية



شـــــــــــــــــــــــــــــــــــــــ .حـــــــــــــــــــــــــــــــــــــــــــــ

[دفاتر القمر]

معاك حق اخي كلمات معبره عن حقائق
بحياتنا يعملوا غلابه طول ماليهم مصلحه
ولما تنتهي المصالح يكلموا ويتهمو ا
وكان ملكش جمايل عليهم
هو ده حال الدنيا
كلمات جميله معبره عن الحياه
قلم اجاد الوصف بتميز بما نمر به
شكرا لك بانتظار جديدك

[شاعر الحب الحزين]

اقتباس المشاركة الأصلية كتبت بواسطة امنيه شافعي معاك حق اخي كلمات معبره عن حقائق بحياتنا يعملوا غلابه طول ماليهم مصلحه ولما تنتهي المصالح يكلموا ويتهمو ا وكان ملكش جمايل عليهم هو ده حال الدنيا كلمات جميله معبره عن الحياه قلم اجاد الوصف بتميز بما نمر به شكرا لك بانتظار جديدك

الوحدة أرحم مش كده ولا إيه

الواحد احتار ف الناس واطباعهم

تسلمي امنية على وجودك وتفاعلك الجميل

نورتيني وسعيد بحضورك الجميل هنا

احترامي وتقديري

[ana lola]

التمثيل بقا سهل
فعادى هنشوف من الغلابه دول كتير
عجيتنى اوى تسلم ايدك

[العندليب الاسـمر]

بصراحة اجمل ما فيك انك متجدد

ولا تقف علي صنف معين في الكتابة

ولا علي فكرة واحدة

وانما اري في كل مواضيعك شئ مختلف

تحياتي لك ولقلمك اخي العزيز خالد

[أشراقة]

اولاً رائع جداً ما وصفته بعفوية
أنا بعتبر البعد عن الناس دي غنيمة ومكسب

ربنا الهادي سبحان الله لا يعلم النوايا سوي الله سبحانه وتعالى
ربنا يعطيهم على قدر نيتهم وأكثر

[شاعر الحب الحزين]

اقتباس المشاركة الأصلية كتبت بواسطة ana lola التمثيل بقا سهل فعادى هنشوف من الغلابه دول كتير عجيتنى اوى تسلم ايدك

دول عالم بوشين

تسلمي لولا لوجودك الرقيق

نورتيني وسعيد بحضورك وتفاعلك الجميل

احترامي وتقديري

[شاعر الحب الحزين]

اقتباس المشاركة الأصلية كتبت بواسطة العندليب الاسـمر بصراحة اجمل ما فيك انك متجدد ولا تقف علي صنف معين في الكتابة ولا علي فكرة واحدة وانما اري في كل مواضيعك شئ مختلف تحياتي لك ولقلمك اخي العزيز خالد

واجمل ما فيك رؤيتك ومتابعتك الجميلة

انا اتشرفت بردك يا عندليب

وسعيد بشهادة شخص عميق الفكر بحجمك

حضورك له طابع خاص في كل مكان بالمنتدى

احترم واقدر هذا الحضور الكبير

احترامي وتقديري

[شاعر الحب الحزين]

اقتباس المشاركة الأصلية كتبت بواسطة أشراقة اولاً رائع جداً ما وصفته بعفوية أنا بعتبر البعد عن الناس دي غنيمة ومكسب ربنا الهادي سبحان الله لا يعلم النوايا سوي الله سبحانه وتعالى ربنا يعطيهم على قدر نيتهم وأكثر

والنعم بالله سبحانه وتعالى

أشرقت صفحتي الصغيرة بتواجدك الأول بها

حضورك الرائع اسعدني يا إشراقة

احترامي وتقديري