سلمولـــي عليهــــم

[شاعر الحب الحزين]

سلمولــي عـلـى كل اللـي كـان حاضـر وغــاب

اللــي لســه عايــش واللـي بقـى تحـت التـراب

كــل انسـان قابلتـه فـي يـوم مـن الأيــام

سلمولـي عليـه ووصلولـوا منـي الســلام

سلمولي عليهم مهما يحصل هيفضلوا أعز أحبــاب

كــل صديـق هجرنــي ف وقـت الشـــدة

كــل حبيــب هان عليــه الحـب والمــودة

كــل مـن رضـي لقلبـي الفــراق والوحـدة

سلمولي عليـه أنـا سامحـت ع الهجـر والجـرح والغيـــاب

كــل إنسـان زعلتـه بقدملـه أسفي اعتــذاري

عمــري مـا قسيـت علـى شخـص باختيــاري

زي أي حـد كنت بغضب وقت حزني وانكساري

وياما ابتسمت ف عز حزني وكنت بسكت وأداري

دلوقت لو اتظلمت هسامح هسكت ومش هرد ولو بعتـــاب

الأيـــام مــش دايمــة هتعـدي وبيفضـل إيــــه

والدنيا مش جنة مش كل اللي بنتمناه فيها هنلاقيه

في العمر مفيش شيء غير الذنب يستاهل نبكي عليه

كلنا بشر مهما نغلط نتسامح نكتب خيرهم ونمحي شرهم

مــن سطـــور الكتـاب نكتـب إنهـم أهـل وجيـران وأصحــاب

عشـــان الدنيـا دي قصيـرة وبخمسيـن ألف سنـة يـوم الحسـاب



شــــــــــــــــــــــــــــــــــــــ . حـــــــــــــــــــــــــــــــــــــــــــ

[جبل عالي]

تشابه غريب يا خالد سبحان الله

بضم صوتي لصوتك وبقول نفس الكلام
رغم اللي حاصل ورغم البُعد وكتر الملام
مش باقي غير المودة وملعون ابو الخصام

يمكن مش باقي ف العمر غير أيام ؟؟



الله عليك ياخالد الله الله
مش هازيد ولا هزايد

ربي يسعد أيامكم ويصفي قلوبكم
وتحلو من تاني كل الأيام


تحيتي لك وكل التقدير
سلمت يمينك الراقي

[أشراقة]

كلماتك بتمس القلب
فعلا الدنيا أقصر من أننا نضيعها في الهجر والخصام
والمسامح كريم

[Lamees]

شعور طيب خالد
نتمنى اننا كلنا يكون طبعنا التسامح
ابدعت واكثر
دام نبض قلمك وقلبك الطيب

[دفاتر القمر]

كلام جميل بيضم حكم ومواعظ
بين السطور ومهما اقول
شهادتي بجق هذا الجمال مجروحه
دمت بهذا التميز اخي
شكرا لك

[شاعر الحب الحزين]

اقتباس المشاركة الأصلية كتبت بواسطة جبل عالي تشابه غريب يا خالد سبحان الله بضم صوتي لصوتك وبقول نفس الكلام رغم اللي حاصل ورغم البُعد وكتر الملام مش باقي غير المودة وملعون ابو الخصام يمكن مش باقي ف العمر غير أيام ؟؟ الله عليك ياخالد الله الله مش هازيد ولا هزايد ربي يسعد أيامكم ويصفي قلوبكم وتحلو من تاني كل الأيام تحيتي لك وكل التقدير سلمت يمينك الراقي

آمين يارب العالمين

الله على اخلاقك الجميلة يا قديرة

الله على عاميتك وتفاعلك الجميل ده

اسعدتيني يا نبع الوفاء بتواجدك الكبير هنا

اشكرك لهذه الروح الجميلة والتعامل النقي

احترامي وتقديري

[شاعر الحب الحزين]

اقتباس المشاركة الأصلية كتبت بواسطة أشراقة كلماتك بتمس القلب فعلا الدنيا أقصر من أننا نضيعها في الهجر والخصام والمسامح كريم

وحضورك يسعد القلب اشراقة

شرفني حضورك اللطيف هنا


































احترامي وتقديري

[شاعر الحب الحزين]

اقتباس المشاركة الأصلية كتبت بواسطة اطياف الماضي شعور طيب خالد نتمنى اننا كلنا يكون طبعنا التسامح ابدعت واكثر دام نبض قلمك وقلبك الطيب

اشكرك يا طيبة القلب ورقيقة الحس

أطيب الأمنيات من القلب اتمناها لكي

حضورك الجميل اسعدني يا روني

احترامي وتقديري

[شاعر الحب الحزين]

اقتباس المشاركة الأصلية كتبت بواسطة امنيه شافعي كلام جميل بيضم حكم ومواعظ بين السطور ومهما اقول شهادتي بجق هذا الجمال مجروحه دمت بهذا التميز اخي شكرا لك

شهادتك اعتز بها يا امنية

حضورك هو الأجمل

يسعدني تواجدك دائما امنية

سلمتي ودام حضورك الطيب

احترامي وتقديري