إستحالة ...!!

[جبل عالي]

إستحالة .... تبقا المشاعر لعبة في إيدينا وكل حكاية حب أصلها إشتغالة !! إستحالة ... كل قلب غاب نقول إنه مات ولانفكر نسال عنه حتى برسالة !! إستحالة ... تموت فينا الطيبة وتنتحر والتسامح يبقا عايش عوالة !! إستحالة ... تبقى بلدي ودمي منها وفيها ويكتب تاريخي انا وهي حُثالة !! إستحالة .... ياكل الكتب ياكل الحروف واللغات متصدقوش ضعفي وسطور الخبالة !! إستحالة .... اكون بعشقك يامصر وبأتنفسك وأقبل أكون مصدر للندالة !! إستحالة ... ده ترابك ياحبيبتي تبر وهواكِ دوا والموت عشانك .... منتهى العدالة !! إستحالة .... الروح اللي تعشق تخون ولا تجرح وعمر مايخلص الكلام ولا القوالة !! %%%% ومفيش مستحيل لما نرسم حلمنا بلون الصبح ونقوم نسلم ع اللي جاي من بعيد واللي غاب نبعت نقوله واحشنا أكيد مفيش مستحيل لو قدمنا الخير قبل ما نستناه وشاركنا حلم بسيط حلمناه مفيش مستحيل بعد ما الأمل صبحنا كلنا بنتمناه وإستحالة يكون في مستحيل طول مافي رب رؤوف رحيم جبل عالي وليدة اللحظة

[السفيره عزيزه]

واستحاله يدوم الحال على كده
صدقوني انا يا ناس متأكده
إن الدنيا على دا ودا
واستحاله الراحة فيها والاحوال
ديما متعددة

استحاله جبلوووا و لا يوجد مستحيل
ربي ب كن وقبل طرفة عين
ينشر رحمة ويعز الذليل
رب السماوات والارض ياتي بالنهار
من بعد ليل
واستحاله جبلووووووا ماأحبكيش
ولما اشوفك هنا مش ممكن ما جِيش
ومين يتحمل سفيره اكيد اكيد مفيش
وإنك ترتاحى منى لالا ما تحلميش

استحاله .وجبلوووا الجميله
خواطر كتير متواجده
والدنيا كل يوم وارده
ومتى تعمل معنا معاهده
اكيد استحااااااااااله

دمت متالقة ورائعه
السفيرة

[الفيلسـوف]

إستحالة ...


ده ترابك ياحبيبتي تبر وهواكِ دوا
والموت عشانك .... منتهى العدالة !!



إستحالة ....

الروح اللي تعشق تخون ولا تجرح
وعمر مايخلص الكلام ولا القوالة !!

تعليقا ع مقصود ا لكلام اعتقد انى كلامك صح بس الروح لما بتتجرح بيبقى صعب تنسى وصعب تكره ويبقى اللوم هو الصديق
ام تعليقا ع كلماتك الجميله دائما ده شى من جديد
معانى قويه نواحى ترسد وتكشف الروح وتخاطب المشاعر
سلمت يداكى اختى الكريمه

[(طائر الشرق)]

أستحاله تغيب الشمس ساعة غروب ولا ترجع مع فجر جديد بنورها تسطع وتلمع أنتى الشمس يا بلد نفسى الكل يسمع أستحاله تنحنى جباه الراجل يوم أو تركع حتى وأن كانت الظروف لسعات توجع لابد أن يبقى الخير فى دنيا الله خالقها

[™Amiliya]

واستحالة اقرا المعزوفة الجميلة دي ومردش

سلمتي عليها غاليتي

[SaMa.]

الله ع الكلام الحلو كله تفاؤل
ثانكس جبل

[شاعر الحب الحزين]

أيوة استحالة

الله الله الله الله

إيه الجمال والإحساس ده كله

لما القديرة تكتب لازم نسمع بقلوبنا

استحالة اشوف ابداااااااااااااااااااااااااع زي اللي شفته هنا




























كلام بيلمس القلب كله تفائل وحب

الله ينور يا جبل يا عالي

دايما بيعجبني كتاباتك مش جرد رص سطور لا ده اجمل احساس وشعور


احترامي وتقديري

[Lamees]

مفيش مستحيل دام في قلب طيب مثلك جميل
معاني قوية كلها حب ووطنية
تسلمي جبل

[Words Whisper]

دعيني أخبركِ أنها أجمل ماقرأتُ اليوم وسأكتفي بهذا ..


شاكرة حد السماء
أن أسعدتني بقراءة كلماتكِ هذه ..
دمتِ بخير ..


تقييمي ..

[العندليب الاسـمر]

يا جبل يا عالي

يا جميل الحضور وغالي

متاخديش في بالك من غدر الليالي

دنيا ما تستاهلش ومين يبالي

دول يومين وبكرة نروح للغوالي