من كتر ما بكلم نفسى

[أمواج الرحيل]

من كتر ما بكلم نفسى
لقيت نفسى أعز أصحابى
من كتر ما بقرب منى
لقيت منى مكان فاضى
وقولت أجرب لو لمره أخرج
شويه منى واسافر للماضى
قولت يمكن القى لحظه
حلوه كانت من حياتى
قولت أقلب فى الصور يمكن
القى ضحكه صدقه من ذكرياتى
والف وادور بين الصور القى
أجمل سنين من عمرى ع الفاضى
ضاعت بلاش مهو اصلى وأكمنى
محسبتهاش واهى جت بجراحى
وسنينى الا عشقتها دلوقتى
مجرد شريط بيعدى قدامى
وأرجع من تانى وأكلم نفسى
انتى فعلا أنا وجزء من كيانى
ولا مجرد وهم عايش عشان
الروح لسه فيا وفيا أنفاسى
منا أصلى من زمن واقف
عقاربه متعلقه قصادى
الزمن ماشى ووقف عندى كأنى
أنا مت!!!!
شايفه العالم بيمشى وانا بمكانى
مع انى حاولت !!!

أأقصد طريق ألقى طريق تانى والله
تعبت !!

بس مش هتفرق ....
مهو اصلن بالنسبالى عادى

[شاعر الحب الحزين]

يعني سعيد إنك رجعتي من تاني

حمدلله ع السلامة أمواج الرحيل

بس الكلمات فعلا تبكي هي واقعية

نفس الروتين الأيام شبه بعضها مفيش تغيير

اخرجي من الماضي لو هيتعبك التفكير والرجوع إليه

ارسمي مستقبل جميل ابعدي عن اي حاجة مضايقاكي

صعبة جدا كلماتك والشعور بيها صعب بس ربنا يعينك ويعيننا

عودة جميلة رغم الحزن الشديد في كلامك حمدلله ع السلامة

احترامي وتقديري

[العاشق الذى لم يتب]

اولاحمدالله على السلامة
وكل سنة وانت طيبة
وعودا احمد
وان شاءالله تكونى بالف خير
وكتيرة هى اوجاعك واحزانك
سبق وطلبت منك
تخلى املك فيمن يقول للشيئ كن فيكون
هو وحده قادر
يبدل من حال لحال
اسعدك الله اختى
وازال عنك مايالمك
رائعة تلك المعانى
والتى غلفت باوجاع الماضى
والخوف من الآتى
كونى بخير

[SaMa.]

حلوة وفيها نغمة ثانكس ي جميله

[دفاتر القمر]

جميله كلماتك برغم نبره الحزن
دمتي بهذا الابداع تحياتي

[العندليب الاسـمر]

نظم رائع علي اوتار الوجع

وان بدا من بعيد ذو رونق اخاذ

الا انه في الاخير مشاعر منثورة

عبرت بصدق عن صاحبها بكل قوة

شكرا لك اختي الكريمة امواج

علي تلك الرائعة الجميلة

[اميره الشعر الشجين]

يا الله!!

انا قرئت كتير من مواضيع حزينه بس الكلام دا بجد والله ماعرفه اقول اى حاجه عنو بس حبيبتى الزمن مش واقف بيكى انتى وقفتى نفسك بيأسك افرحى ياقلبى وسيبك من اى حاجه كلو هيعدى ربنا يفرح قلبك اروي

[أمواج الرحيل]

اشكر الجميع على المرور القيم