صحبى قالى وشك منور

[العاشق الذى لم يتب]

صحبى قالى وشك منور وبقالى زمان بشوفك مضلم مكشر وضارب بوز ومتير مغور وكل ماشوفك ألاقيك باكى حزين وماسك كمرة وبتصور سألتك ساعتها بتعمل ايه وايه جرالك فين ضحتك وفين بسمتك وايه خلى جسمك خاوى ومتخور وايه حكاية الكمرة وايه بتصور وماشاءالله عليك شايفك انهرده وشك منور قولت ياصحبى كان حبيبى عنى غايب وساعتها مابقاش لى حبايب والشمس غابت والقمر بطّل ينور وكنت ماشى ومش عارف رجليا من راسى والدنيا سودة فى عنيا وضاقت حواليا حتى أمى الحنونة لقتها عليا بتتهور مسكت الكمرة ومشيت شوارعى وفى كل حارة ألاقى حبيبى جالس ومنور ومن غيرماادرى أجرى عليه ولضحكته أصور وأبشرك ياصحبى الدنيا ضحكت ليا وعاد من جديد حبيبى وزاح عنى الهموم فرحت وغنيت وعلشان كده وشى نوّر خزعبلاية فى فرحاية فى ختاريف قلب كان موجوع لبعد الحبيب أحمدك يارب رجعتلى حبيبى لدنيتى ينور

[دفاتر القمر]

ربنا مايعودها ايام
وتكون اخر الغيبات
بس ارحمنا شويه من التخاريف والخزعبلات
ههههههه حلوه الخزعبلايه تسلم

[أمواج الرحيل]

الله يسعد قلبك اخى فى الله

[SaMa.]

يازيدى يا زيدى
ايوة بقا يارب على طول راضي عنك

[العاشق الذى لم يتب]

اقتباس المشاركة الأصلية كتبت بواسطة امنيه شافعي ربنا مايعودها ايام وتكون اخر الغيبات بس ارحمنا شويه من التخاريف والخزعبلات ههههههه حلوه الخزعبلايه تسلم

معاك ربنامايعودهاايام
ولاحبيبى عنى يبعد تانى
اشكرك يانورالدنياكلها
بس لازم اخترف من كترفرحتى
بعودة حبيبى
تسلمى
وشرفنى مرورك
مودتى

[شاعر الحب الحزين]

وانا بقول ليه وشك منور

لما الحبيب غاب كان قلبك متعور

إوعى تتهور وبلاش ع الحب تدور

اهو جالك لحد عندك اقف جنبه بقى واتصور


حبيب قلبي يا رفعت ايوة كده يا باشا

هي دي الروح الجميلة اللي اتعودت اشوفك فيها

جميل لما بتكتب عن الحب حتى ف خزعبلاتك يا حكاياتك انتا

تسلم ويسلم قلمك جميلة الخزعبلاية الصريحة دي

احترامي وتقديري

[العاشق الذى لم يتب]

اقتباس المشاركة الأصلية كتبت بواسطة أمواج الرحيل الله يسعد قلبك اخى فى الله

بارك الله فيك اختى
ولك بالمثل وجزيت خيرا
تحياتى وودى

[العاشق الذى لم يتب]

اقتباس المشاركة الأصلية كتبت بواسطة sama. يازيدى يا زيدى ايوة بقا يارب على طول راضي عنك

اشكرك سما
عقبال عندك الافراح
شرفنى مرورك

[العاشق الذى لم يتب]

اقتباس المشاركة الأصلية كتبت بواسطة شاعر الحب الحزين وانا بقول ليه وشك منور لما الحبيب غاب كان قلبك متعور إوعى تتهور وبلاش ع الحب تدور اهو جالك لحد عندك اقف جنبه بقى واتصور حبيب قلبي يا رفعت ايوة كده يا باشا هي دي الروح الجميلة اللي اتعودت اشوفك فيها جميل لما بتكتب عن الحب حتى ف خزعبلاتك يا حكاياتك انتا تسلم ويسلم قلمك جميلة الخزعبلاية الصريحة دي احترامي وتقديري

الغالى خالد
اخجلت تواضعى
ربنامايحرمنيش منك ابدا
وانت والله رائع فى كل ماتكتب وماتخطه يمناك
دائماماتمتعنابجميل نثرياتك وخواطرك وقصائدك الراقية زيك
تسلم حبيبى
شرفنى واسعدنى مرورك
تقبل تحياتى وودى

[هادية]

خزعبلاية لطيفة جدا

ربنا يديم فرحكم يارب ويييسر امركم

ويبعد عنكم كل شر وكل أذي