صوره من ملامحى

[أمواج الرحيل]

مابين أربع حيطان صوره متعلقه
متشتته الجدران بينها وبينى آنا
الصوره من ملامحى لكن
متشبهنيش !!
يمكن أكون عرفاها ويمكن
متعرفنيش !!

وأمشى يمين وشمال وعينى
ع الصوره
وبص ليها فى سكات واقف
ع ذكرى مركونه

وأقرب ليها وأشكلها من الهموم
كوم
وأحكلها عن براءه حلم من اليأس
محكوم
وأقولها عن قلب نفسه يصرخ من
الالم مكتوم
وعن نبض نفسو يفرح من الدموع
مغموم

وأبص لعيون تشبه أوى لعينى
وأشوف فيها أنا من ماضى وسنينى
أشوف كل حاجه رسمتها وهيا
لسه بزهوتها
أشوف نفس الصوره ونفس شقاوتها

ودى صوره من لما كنت صغيره
ضحكه خفيفه بالامل متعشمه
وعيون الفرحه فيها كبيره اوى
وملامح لسه صافيه معرفتش
للحزن طعم ولا فالليل متنكده

وأبص لنفسى فى مرايتى وابصلها
دمعت فى لحظه ولحظه تانيه ضحكتلها
ياصوره منى مع انى مش منها
ياصوره من احلى حياه بحنلها
ساعات ببصلك وأنسى جرحى
وساعات ببصلك يزداد وجعى
يمكن عشان حساكى مش منى
وازاى أحسك وعلى الرغم أنك أنا
فى فرق كبير باين أوى بملامحنا

[همس الحنين]

كلماتك قاسيه جدا

بس رسمتى احساسك بإتقان مبدعه

روعه امواج

رغم الالم في كلماتك

ربنا يفرحك قلبك وايامك

احترامى

[.Lamar]

اوقات تمر بينا ظروف نحس اننا غرباء حتى عن نفسنا
المحن بتسيب اثرها علينا و على ملامح شخصيتنا
و فيه اثار مش سهل تتمحى
بس علينا نحاول
كلماتك تقطر الم
ربي يخفف عنك و يسعد قلبك

[اميره الشعر الشجين]

كلام جميل اوى ومن القلب بس حزين اوى كا العاده
يسعد قلبك ياقمر

[فرانكو.هدوء ملك]

صوره من خيالك نقلتيها بصدق وثقه جميل جدا ما كتبتي .. دمتي بكل خير

[ايمان طلعت]

حديث الزمن
لطالما يكون حديث حزين
يعزف على اوتار الالم
راقتني كلماتك الحزينه
تحياتي

[جبل عالي]

عندما تعتصرنا أمواج الحياة
تغير ملامحنا وتبدلنا رأساً على عقب
يظل دائما ذلك الحنين للماضي البعيد
حيث البساطة والنقاء

رغم الالم الدفين الا انك تمكنتي من رسم
احاسيس صعبة تجري لها الدموع

كوني بكل الخير دائما
لك كل الود والتقدير

[أنين الليل]

وازاى أحسك وعلى الرغم أنك أنا
فى فرق كبير باين أوى بملامحنا
...................................

يا الله كلمات فى الصميم يا امواج بجد تسلم ايديكى

[أمواج الرحيل]

منورين كلكم
اشكركم ع المرور