أنا لست مجرما !!

[العاشق الذى لم يتب]

السلام عليكم
هناك مقادير سطرهارب العالمين
فكل قدر مكتوب ولابد من تنفيذه
وهناك أشياء تسمى همة وعزيمة وإصرار
وقديماقالوا من جد وجد ومن زرع حصد
وهناك قلوب قال عنهاالحبيب صلوات ربى وسلامه
أن قلوب العباد بين يدى الرحمن يقلبهاكيفمايشاء
وهناك شرع الله وقوانيه وأوامره وسنة حبيبه
ومابين القدر ومابين المكتوب
ومابين الهمة والقلوب
سطرفى كتابى أنا أن يكون لى محبوب
كنت ومازلت أسير قلبى حيث سرى فيه
العشق والهوى وعندما وجدت من كتبت لى قدرى ونصيبى
ومع همتى وعزيمتى وأمنيتى ورجائى
حقق الله لى ماصبوت إليه ورجوت بشرعه وسنة حبيبه
صلوات ربى وسلامه عليه
وقبل الخوض فى تفاصيل ارتباطى بمحبوتى وهى الآن لى
زوجة وشريكة عمرى
دعونى أحكى لكم طرفة سجلت فى تاريخنا
يحكى أن ثلاثة أصدقاء مهنة
ومهنتهم حمّال أى الذى يحمل متاع الناس
ليأخذ أجرذلك وكان زمان مافيش وسائل
النقل الحديثة الموجودة الآن
والحمّالين هؤلاء كل واحدمنهم يمتلك حمار أعزكم الله
جلسوا ذات يوم ينتظرون الزبائن وداربينهم
هذا الحوار قال أحدهم لصديقيه
تخيلوا أنى أنا الحاكم على تلك الولاية
قالوا مستهزئين أظنك ياصاحبنا بلغ بك الفلس
لحد الذروة ومانراك إلا تقول هذايان
قال أسموه ماتريدون ولكن ماعليكم إلا
أن تعيشوا معى هذا الهذيان فكل واحد منكم
يتمنى منى أمنية فأحققهاله حينماأصيرحاكم الولاية
قال أحدهم ولما لاأعيش معك الحلم والهذيان
ماعليه من حساب فأمنيتى ياأميرالمؤمنين بسيطة
فقط أريد منك مائة ألف درهم
ومائة جارية وأسطبل خيل به مائة حصان
وقال الآخر وماأظن أنك ستكون الحاكم
وإن وقع سقف السماء على الأرض
أريد منك ياأميرالمؤمنين
أن تركبنى حمار وتجعل وجهى إلى الخلف
ثم تجيئ بالصبية يزفونى
قائلين هذا كذاب هذا منافق لاتصدقوه
وانتهت الجلسة وقال ذاك الحمال وهو لديه العزيمة
والهمة والرغبة فى تحقيق حلمه
غدا سأبيع حمارى وألتحق بالشرطة وأجاهد
لأكون ذومنصب عالى فيها وهكذا فعل
وألتحق بالشرطة وجاهد وأصبح كبير الشرطة
ومات حاكم هذه الولاية وقد كتب وصية
بأن يكون خليفته ابنه من بعده ولكن ابنه لم يبلغ السن بعد
فما كان إلا أن يسند الحكم لكبير الشرطة
حتى يبلغ الحاكم الجديد السن القانونى
وأصبح الحمّال ( الحمّار) حاكم الولاية
وقال لنفسه ولمالاأنقل الحكم فى بيتى
وبنى له قصراعظيما وهاهو الآن أميرالمؤمنين
وذات يوم أرسل لصاحبيه وجيئ بهم
نظروا إليه قال أحدهم أليس هذا الحاكم
يشبه صاحبنافلان رد عليه الثانى قال وكأنه هو
قربهم إليه وقال لهم ألم تتذكرونى وتعرفونى
قالوا نعم ياأميرالمؤمنين قدعرفناك
قال لهم أتذكرون يوم كذا وقلت لكم كذا
وتمنوا علىّ قالوا نعم نتذكر
فقال لأولهم ماكنت تمنينت منى قال تمنيت كذا
وكذا فقال له لك هذا وأعطى ماتمناه
مائة جارية ومائة ألف ديناروأسطبل خيل به مائة حصان
ثم قال للآخرماتمنيت قال تمنيت كذا فقال له لك ماتمنيثت
وفعل به ماتمنى
أنتهت الطرفة وأقول لأحبتى أنالست مجرماحينما
أحببت وقلبى تعلق بمحبوبتى وقد منّ الله علىّ بها وأصبحت
زوجتى على كتاب الله وسنة رسوله
فقط أردت أن اقول لبعض الأحبة هنا ومن يعرفنى
لقد وجدت عجبا من ردود أفعالهم
حينماقرءوا توبيك التهنئة الخاص بعقدقرانى على
حبيبتى أمنيه شافعى
قال أحد أحبتى أنامازلت مستغرب
وقال الآخر أنامش مصدق
وقالت الأخت لو كان ده حقيقى اللى اناشيفاه
يبقى اسمحولى مش هبارك ورفعت متزوج ومخلف
والحكاية دى غيرمقبولة وغيرمعقولة
وطبعا الكلام ده موجود فى قسم سجل الاعضاء
فى موضوع التهنئة اللى الأخت هادية جزاها الله خيرا
وعملته ومن أراد التحقق من كلامى أعلاه فليذهب
ويتحقق بنفسه
أناعاوز بس أقول لأحبابى هل زواجى فيه
مايغضب الله ويخالف الشرع والسنة
هل أناوزوجتى أرتكبناجرما عظيمايعاقب عليه
القانون ويجعلنا فى فى الدارالآخرة من الخاسرين
بس كفاية كده
وأختم كلامى وفضفضتى دى
أنى أدعوللجميع أن يسعدهم الله
من كان منهم متزوجا فليهنئ برفيقه
ومن كان منهم غيرمتزوج فليعفه الله بالحلال
ومن كان منهم لهم حبيب فليجمعه الله بحبيبه
بمايرضى الله تعالى
طالب منكم الدعوات
أشوفكم بألف خيروعافية
أخوكم
رفعت

[phalsteen]

حلوة القصه
رغم انها مالهاش علاقه بالموضوع
وبعدين انت ليه مخلي الموضوع شو اعلاني
ونظام دعاية كدة يا رفعت
متخلي حياتك الخاصه خاصه بيك لوحدك
وتفاصلها ومحتواها ليك لوحدك
احنا في النهاية بنقول رأيينا وبس
انا مالي انا حبيت ولا كرهت
افتكر الحركات دي حركات مراهقين
وانت اكبر سنا من دا يعني
لا انت هتستفيد حاجة من اقتناع الناس ولا قله اقتناعهم
وبعدين بلاش تحطني في حكاية انك مخلفتش شرع ربنا
اصلي كبيرة وعارفه الشرع كويس
مش محتاجة اتعلمه منك ولا من غيرك
وبعدين ردي في السجل موجود
وواضح مش محتاج تلقيح
في حاجة غلط
في قسم للشكاوي وفي ادارة
لكن انا عند رأيي حاجة مستدعاش المباركه
والتبرير الزايد ملوش معني غير الاحساس بالغلط
طالما مقتنع زعلان من رد فعل الناس ليك
مالي مش عاجبه هو حر زي ما انت حر

منور الفضفضه

[كريم*]

هو ده مربط الفرس رفعت
انك مش عايز حد يختلف معاك
واللى يختلف يا ويلة يبقى عدو
صوابع ايدك يا أخى نفسها مختلفة
وانت عامل ضجة فى كل المنتدى وكأنك الوحيد
اللى حبيت وبتحب امنية امنية امنية
وهى رفعت رفعت رفعت
صياح صياح صياح

فين الخصوصية فين حياتنا الخاصة
بص للوحة فوق طول الشهر الماضى
خزعبلات امنية ورفعت ..اشهدكم انى احبها
انا مش مجرم ..طب وهما مالهم
عايز تثبت لهم اية
والله الواحد بقى حاسس انة داخل جنينة الاسماك
جنينة العشاق مش فى منتدى
عندك يا أخى مدونتك ومدونتها اكتبوا اصرخوا صيحوا

على فكرة انا اول مرة اعرف انك متجوز ومخلف
بس ايه يدخل مورشيو او نفرتيتى او كريم او سين او صاد
بحياتى الخاصة ..عايز تعرف اية دخلهم
صياحك المستمر الاعلانات اللى بتوزعها بكل الاقسام
استعينوا على قضاء حوائجكم بالكتمان
تقبل النقد بصدر رحب احنا مش اعداء
ليه نعاديك كلنا هنا اهل واسرة وبيت

[العاشق الذى لم يتب]

لو عودة ان شاء الله
وارد على حضراتكم
ان كان لى عمر