سلسلة العبيط وانا فى الحكومه الجديده من الأدب الساخر

[ابو نصير]

العبيط وأنا فى الحكومه الجديده رقم 1
أنا .......أيه رأيك فى الحكومه الجديده ....العبيط... هو فىجكومه جديده وأنا أخر من يعرف
ده وأنا أخر من يعرف.. أنا.......... حكومة الأنقاذ الوطنى الدميقراطى
...العبيط......بتاعت المطافى لما الناس تتحرق وتولع فى بيوتها تيجى تطفيهم بعد مايموتوا ......أنا ....ياسيدى الحكومه الجديده أللى مبئهاش أسبوعين مش بتاعت المطافى .........العبيط .....لا جديده ولا قديمه ذى المش المعتق وكله محصل بعضه بس باين عليها طيبه وبنت حلال والناس بتعتها بركه والظاهر دمها خفيف وبتفطس من الضحك وعشان الشعب بتعنا أبن نكته وده أللى يهمنى فى الموضوع.....أنا ..... أيه رأيك فى الريس الجديد أللى هينتخبوه ...العبيط... أنا معرقش غير الريس قناوى بتاع القلل والريس متئال بتاع ياحلوه ياشيلى البتوجاز والريس مجاهد بتاع فيلم صراع فى النيل وكتنا نيله أحنا الأتنين.. أنا ...فى ريس جاى يحكم البلد والناس هتنتخبه ذى الأنتخابات .....العبيط. هو كان فى انتخابات وأنا أخر من يعرف ومين أللى نجح الشعب ولا الحكومه وأللى ينجح ينجح واللى يسقط يسقط وأنا ياعم مليش دعوه بالحاجه ديه وربنا ينجح الكل ....أنا...طبعا مش قاعد على بعضى ...أنا ... أيه رأيك فى الولاد بتوع الثوره أللى كانوا فى ميدان التحرير ...العبيط ......هو كان فى ثوره وأنا أخر من يعرف ....أنا ....ياسيدى الناس بتوع فليسقط النظام ....العبيط هو سكت النظام ولا مسكتش ماهو لسه بيكلم ويسقط النظام ليه ......كل حاجه منظمه القطر بيمشى على قضيب القصب يعنى منظم والأشارات بتاعت المرور فى البلد لسه بتنور والزباله بيرموها جنب الرصيف عشان الناس تمشى على الرصيف ونشم الريحه أللى أدمناها يبئى كل حاجه منظمه وماشيه ذى الفل.....أنا ....يابا الحج أنا مبكلمش على نظام البلد أنا بكلمك على نظا م الريس المخلوع ...العبيط ..لا ريس مخلوع ولا ريس موجوع وكفايه كلام عشان قلبنا أتوجع وهتقولى الريس تانى هو انتى غاوى وجع دماغ وأنا أخر من يعرف لما خلعوه وهو عامل أيه دلوقتى أنا بئالى فتره مشوفتوش هو لسه مرحرح فى الفندق وهو عايش ولا ميت وأنا سمعت أن ليه عيال بيتفسحوا فى الجنينه وبيركبو المراجيح بس أنا سمعت عنه كلام كبير.... أنا ...... كلام كبير أذاى فهمنى ...العبيط...مش هو كان الكبير بتاع البلد وكان ماسك البلد وعمره كان كبير حوالى يعنى تسعين سنه والحكومه والتلفزيون كانوا عمالين يصغروا فى عمره وهو كبير.. يبئى ده هو الكلام الكبير ...أنا ..........عايز تؤلى الحكومه مزيفه والتلفزون كمان مزيف ...العبيط...ياعم متزعلش نفسك كان فى واحد صحبى بيزيف الفلوس والكلام بتاع البلد ....أنا ....الحكومه مسكته ....العبيط ...الناس لسه عماله تزيف أللى ميزيفش ولما يمسكو صحبى يبئى يمسكوا الناس التانيه ...أنا ....قلتله هو أنت منين ...العبيط هوأنا مؤلتلكش وأنتى أخر من تعرف أنا قاعد على القهوه من ساعت الثوره ما قامت
العبيط وأنا فى الحكومه الجديده ...2
ابو نصير ..14/12/2011 وشكرا
...حايبلك خبر كويس ...العبيط....أنتى مايجيش من وراك غير الأخبار المئندله.....أنا ....فاكر لما قلتلى الحكوفه بتهلك وتقطس من الضحك والشعب بتعنا أبن نكته أهو الشعب راح فطيس وغرق ومش عارف يطلع من الضحك ....العبيط ....اذاى ....أنا .....مش الحكومه معندهاش حاجه تصدرها .....العبيط....يبئى الحكومه بتفكر تلملم النكت بتاعتها وبتاعت الشعب وتحطها فى صفيحه ونصدرها لبلاد بره .....أنا.....مين قللك ....العبيط ......ده حاجه مش عايزه فهم ولا فقاقه عشان يبئى عندنا نكت فى البورصه بدل مهى عماله تخسر وكل حاجه فيها بتخسر ونكت فى صندوق البتاع الفلوس الدولى ويبئى رصيد لينا وعشان كل منحتاج حاجه ناخد منه ويفك زنئه .....أنا ...
أحتياطى ذى الذهب ....العبيط ....صح لسانك وعفارم عليك والذهب على طول كيكا فى العالى ...أنا.... مانتى واد فهيم ...العبيط ...أنا بفهم بس مش فى كل حاجه ..أنا ...أيه الحاجه اللى أنت مبتفهمش فيها ....العبيط ..أنا بفهم فى الصناعه وخصوصا صناعة أبرة الباجور ...أنا ...ومشمعنى أبرة الباجور ...العبيط ...عشان سعرها ها يغلى مش الحكومه شربت الغاز بتاع البلد وبتاع الصهينا ...أنا ..هى الحكومه شربتوه وأنا أخر من يعرف وأتارى شايف الحكومه مسلطنه وأتريها عامله دماغ غاز ومحدش عارف يفهم منها أى حاجه.. أنا ....أيه دخل الغاز فى أبرة الباجور...العبيط..هو أحنا بتصدر غاز ولا من أصله معندناش غاز ولا هى أشاعه.. أنا...عندنا غاز وبنصدره ...العبيط ..ليه تخلوا العالم يفطس من الضحك علينا وتخلوا فضحتنا بجلاجل وسعر الأنبوبه بخمس وتلاتين حنيه والناس مش لاقيها .. أنا ...مش قلتلك الحكومه شربتها وسيبا الناس ماشيه على حل شعرها وعيزانا نرجع للعصر الحجرى ونستورد باجور الجاز عشان أحنا من الأصل عندنا الأبره وتبئى المشكله أتحلت وحل وسطك ...أنا...مش هى ديه المشكله ....ألعبيط ...أيه المشكله معندناش جاز.. أنا...وأنا أخر من يعرف حتى الجاز شربته الحكومه وهى دلوئتى عايزه تعمل دماغ جاز وهنملى البواجير أذاى....العبيط....هنملاه زفت عشان الحكومه عايزه تتسفلت من جديد ...أنا ....وهنعمل أيه بأ برة الباجور ...أنا ....هو أنتى مش هتروح ...العبيط ...أنا مستنى أبرة الباجور ومستنى الحكومه عشان هى والشعب عايزين نسلكهم من زفت الباجور لاحسن يهب فى وشى ويفرقع أكتر منا مفرقع
ابو نصير ....الخميس 15/12/2011
العبيط رقم 3
قلت ياواد روح وشوف صحبك واسئل عليه ليكون جراره حاجه والف بعد الشر عليه وبئالى فتره سايبه قاعد على القهوه من ساعت الثوره لما قامت ...العبيط... أنتى جيت أنا عايزك فى حاجه مهمه ....أنا ... أنا أللى عايزك فى حاجه أهم وجيبلك خبر هيخليك مرتاح نفسيا وعقليا ....العبيط ....أوعى تكلمنى عن الصفيحه ...أنا ..عمرك أطول من عمرى هو انتى بتقراء الكف ولا بتضرب ودع ....العبيط ...أنا بضرب شاى على القهوه ...أنا ...مش لما الحكومه ودت الصفيحه بلاد بره النكت ضاعت وطارت فى الهوى ...العبيط ...الشعب هيعيش أذاى هى الصفيحه لما وصلت بلاد بره البرومه كلتها وعشان كده أتخرمت ....أنا ....مش هوه ده المهم ...المهم الناس بتاعت بلاد بره مش عايزه ترجع للحكومه الصفيحه ..العبيط ...كله قوم والصفيحه قوم وده أثر من أثار البلد والظاهر عليها والله اعلم باين عليها صفيحه محنطه ..أنا ...مين قلك هى فعلا صفيحه من بتاعت الفراعنه ومع أنها مخرومه ....العبيط ...مش مهم مخرومه ولا مصديه المهم لائينا حاجه نصدرها وخلاص ...أنا ... الموضوع أكبر من كده ...العبيط ....هو انتى عايز تؤلى ان الاثار بتاع البلد بيهربوه ...أنا...هم بيهربوا الأثار وأنا أخر من يعرف يبئى المره الجايه نحطها فى الميزانيه بتاعت البلد ذيها ذى المجلس الكمسرى ونعرضها فى المجلس بتاع النهب ولا كل حاحه عيزين يلهطوها ذى لهطة الصفيحه ...أنا ...ليه بتوع بلاد بره طمعانين فى الصفيحه وهى مخرومه ....العبيط ....لازم نقدم مذكرة أحتجاج فى مجلس الأمن ونطالب بحئنا فى حق الفيتو أو حق الفينو ....أنا ....فيتو فينو أه كله بيتعمل سندوتشات وحتى الواحد لما يجوع يلئى حاحه ترم عضمه ...العبيط .....هو حق الفيتو بيستجيب للدول العربيه المتخلفه وتعالوا وشوفو الطحن اللى نازل علينا وخلى البساط احمدى عشان الواحد مش عايز يكلم وعيزنا نطالب بحقنا وحق الصفيحه....أنا ... أنتى مش وطنى ومتعرفش حاجه عن الوطنيه ...العبيط ....عشان متزعلش وأنا مبحبش أزعلك بكره هنزل ميدان العتبه وأطالب بالصفيحه وبدل مؤل فليسقط النظام هقول فلتحيا الصفيحه مبسوط ....أنا .....مش هى ديه الوطنيه الحره ...العبيط ...أعمل أيه عشان أريحك وأريح نفسى والشعب والحكومه عايزنى ألم الناس عليا وزغرط فى المكروفنات ولم عليا الجزيره مباشر عشان الصفيحه ...أنا ...أللى يفرط فى الصفيحه يبئى فرط فى شعبه وناسه ووطنه ...العبيط ...ألا التفريط فى الصفيحه عشان الصفيحه زيها زى الأرض والعرض ....أنا ....عواد باع أرضه يولاد تعلوا وشوفوا خبته يولاد ...العبيط ....عواد باع الغاز يولاد على طوله وخبته يولاد ....أنا ..هو أنتى مش ناوى تروح عشان الليل ليل علينا وكفايه كده والقاعده مش هتعملك حاجه ومحدش عايز يسمعك ولا أنتى مستنى حاجه ....العبيط ..أنا مستنى الصفيحه عشان المايه مقطوعه وعايز أستحمى ...أنا ....خليك مستنى من هنا للسنه الجايه الصفيحه مش جايه ولا المايه ...العبيط ......له التشائم ده وخلى عندك أمل ويمكن الصفيحه تيجى من بلاد بره وتبئى فرجت علينا
....... ........وعلى الحكومه النشفه
أبو نصير .......الخميس 15/12/2011
العبيط رقم 4
كنت نايم وبحلم حلم جميل وصحيت من النوم وقلت ياواد شوف صحبك وحكى له الحلم وخليه يفرح معاك جرى على القهوه لائيت القهوه مئفوله بالشمع الأحمر
قلبى وقع فى الشراب وجرى على بيت صحبى وحبيبى ويدوبك قبل مخبط ....العبيط........ادخل الباب موارب ......أنا ......دخلت وحمدت ربنا ولائيته قاعد على السرير حى يرزق
ومتلحف بلحاف وبطنيه ومدد على السرير وقدامه طبق فيه شويت لب على سودانى وعمال يئذئذ وكل ميئذئذ يبوصلى .......العبيط ........الشاى عندك وكل حاجه فللى .......
أنا ......عملت كوباية شاى وأول شفطه ........العبيط.......ايه أخبار الحلم .....أنا ....كوباية الشاى وقعت من أيدى وبوست أيداه ورجليه وبركاتك ياشيخنا العبيط...
أنا ......قلت فى نفسى هو مخاوى جن ولا عقريت من العفاريت من بتوع الحكومه المعقرته ......العبيط ....أنتى بتؤل حاجه .....أنا ....لا سمح الله أقدر أؤل حاجه بعدأؤلك
ياسيدنا ........أنا ......حلمت بالصفيحه وشفتها فى المنام وهى لبسه أبيض فا أبيض ومغطينها بروب أحمر وعليها شريطه سوده ....العبيط ....... أنتى عايز تؤلى الصفيحه
ماتت وشبعت موت ودفنوها خلاص خلصت روحك .....أنا ......مين عرفك صحيح أنا ناسى ياعم الشيخ يابركه .......العبيط .....الصفيحه لو كانت جت من بلاد بره كانت هتعمل
مشاكل فى البلد .......أنا ......اذاى ....... العبيط .....طبعا الناس بتوع بلاد بره مش عبيطه حللوا الصفيحه لائوها لا تصلح للبنئدمين ولا حتى للبهايم فعشان كده دفنوها
أنا....يعنى الصفيحه مشجيه ......العبيط... فى ناس بتؤل الصفيحه هايعيدو تصنعها .......أنا ...اذاى....العبيط ....هيدخلوها الفرن وبعدين يسيحوها ويفردوها ويئطعوها
ويصبوها عشان تطلع أبرة بواجير وهو ده الفكر ........أنا ....يعنى أنتى عايز تؤل الحاجه أللى بتروح بفلوس ترجعلنا بقلوس ....العبيط .....أفهم ماهى ديه التكلونجيا
بتاعت العصر .....أنا .....يعنى مفيش صفيحه ........العبيط ....الصفايح مليانه فى البلد وعلى أفه من يشيل وكلها مخرومه ومصديه ذى مخك ........أنا...هنعمل أيه
العبيط .....هنلملم الصفايح المخرومه يتاعت البلد ونوديها المجلس السمكرى عشان يطئطئها ويديها بنطة لحام ......أنا .......ويلحموها ليه وهما أصلا عيزنها مخرومه
عشان تفضل تنئط على الشعب ......العبيط ......أذ كان الشعب بينئط يركبولو جلده هو والحكومه .......أنا ....هو أنت مش كنت ناوى تنام ....العبيط .....أنا هفضل صاحى
ومش هنام لغايت لما الحكومه تيجى وتركبلى جلده
مصطفى ابو نصير
العبيط رقم 5
أنا .......أنتى من أى دوله .........العبيط ....من دولة التحرير ......أنا .....ليه أخترت التحرير بالذات .....العبيط .....عشان قام فيه الثوره ......أنا .....أيه رأيك فى اللى أنتى شايفه
العبيط ........أنا مش شايف حاجه .......أنا .....يعنى كل الناس ديه ومش شيفها ...........العبيط ...وهما عملين أيه وياترى عيشين اذاى وأخبارهم أيه وهما بيكلوا اذى
وبينامو فين.... أنا ....مش أنتى بتؤل من التحرير وعايش فيه ....العبيط .......مين ألك أنا قاعد على القهوه بتفرج على اللى رايح وجاى وباخد النمر بتعاتهم ..أنا .....
هوانتى بتشتغل عسكرى مرور وانا أخر من يعلم ...العبيط ........أنا بعدهم والعدد فى اللمون وانتى عايز تعرف أخبارهم ليه سيب كل واحد فى حالو .....أنا ....طلما أنت من التحرير
لازم يكون عندك خبره ...العبيط .....أخبار مين ياعم وسبنى فى حالى ومتهرهش دماغى ومتفتحنيش ذى الحنفيه اللى ملهاش جلده ....أنا .....الشعب بينئط فى التحرير ليه
العبيط ....اللى ينئط ينئط .....أنا ......وينئط على مين ......العبيط........أنا سمعت الناس ديه بتنئط على الحكومه ومش عجبهم المجلس الفنجرى .....أنا ....ومش عجبهم ليه
العبيط .....الظاهر كده والله اعلم المجلس الكمسرى قاعد على المدفع وبيدفع الناس وبيضخهم من الماسوره من دولة العباسيه ....أنا ......وأنا اخر من يعلم يعنى مقدرش
أدخل دولة العباسيه لما أخد تأشيره دخول .........العبيط .....أنا أؤلك الناس بتوع دولة التحرير بيطالبوا بحقهم فى الصفيحه والناس بتوع دولة العباسيه بيطالبو بالحصانه
أنا ...حصانه من مين .........العبيط ....حصانه من الصفيحه ........أنا ....ميطلبو اللجؤ السياسى أحسن ....العبيط .....أفهم يابو مخ عشان لو الصفيحه سقطت هيحكمو
الناس بتوع دولة العباسيه وهنفضل عيشين على طول فى محكمات .........أنا ......هوانتى مش ناوى يحكموك .........العبيط ......أنا مستنى النساوين
عشان دولين هما اللى هيحكمو الصفيحه ويسقطوها ويجيبو بوزها على الأرض....أنا ......تعالى قبلنى ......العبيط .........بكره تشوف مصر
العبيط 6
أنا ......هم الناس نزلو الميدان ليه .......العبيط .....ميدان ايه الظبط ....انا ......ميدان التحرير وميدان العباسيه ...........العبيط ....هما كانوا بعملو ايه ..انا ...مش عارف
العبيط ....يعنى انا اللى يعرف ...انا ....هو انتى مسمعتش هتفات ولا حاجه ....العبيط ....افتكرت الناس بتوع التحرير كانو بيطلبو بأسقاط الصفيحه وشرها والناس بتوع العباسيه
بيطلبو بتجديد الصفيحه ....انا .....مش احنا خلاص خلصنا من الصفيحه وسفرنها بلاد بره ...العبيط .....الصفيحه ليها جزور فعشان كده مش عايزه تسئط ...انا ..والنساوين
كانو بيعملو ايه ...العبيط ...على أد فهمى وربنا يجعل كلامنا خفيف عليهم عيزين يقعدوا الرجاله فى بيوتهم ونربى العيال ونرضعهم ..انا ...مينفعش نرضعهم ...العبيط....
لازم نرضعهم ومنئدرش نكسر ليهم كلام طلما النساوين هتربينا وتربى شنبهم ....انا .....واحنا هنربى أيه .......العبيط .......هنربى شعورنا ونقعد فى البيت نعمل منكير وبداكير
ونئشر كوسه وبتنحان اسود على دماغى ونفوخى اللى جيبلى الكافيه والحمد لله انا مش مجوز ....انا ......هو انتى اهم حاجه هى نفسك وخلاص .......العبيط ....اياك تولع عشان البلد مفهاش رجاله بئى فيها نسوان
انا ......طب اعمل ايه مانتى شايف بنفسك ...العبيط .......انا بحى فيك رجولتك يابو الرجاله وورينى هتعمل ايه ....انا ......مش هعمل حاجه طبعا ........العبيط ...هو انتى خايف
من حاجه سمح الله .....انا ....أيه اللى يخوفنى .......العبيط ......أنا اؤلك واللى يكسف من بنت عمه ميجبش منها نسوان .....انا .......بتعيرنى عشان مجوز بس مراتى
غير كل النساوين وادتها الحريه المطلقه وخليت العصمه فى ايدها وده مش عيب وديه ميزه ....عشان لما اسهر على منتدى بنات مصر وتؤلى ايه اللى اخرك ومنمتش ليه
ائلها المنتدى سهرنى وسعتها تؤلى روح وانتى طالق والمنتدى معاك كمان ويبئى خليه ينفعك ........العبيط ....هى ديه الرجوله والجدعنه بتاعت ابن البلد ولا بلاش
أنا .......مش مجوز ......العبيط .....وانا اخر من يعلم انا خبزك وعجنك وعلى مين وهى مراتك نزلت اى الميا دين ......أنا ....لو كانت نزلت من ورايه لكنت ورتها الثوره
على اصولها .....العبيط .......هو انتى مش ناوى تروح ........أنا ......مستنى مراتى لما تخلص الثوره
انا والعبيط بين اللحيه والمايوه 7
ابو نصير

[العاشق الذى لم يتب]

ايه الكلام الكبير الكتير المفيد
دا عاوز قاعدة كبيرة وطويلة
ولااقولك بلاش ياعم
لحسن الكلام ده بيفقع مرارتى
قطيعة تاخد السياسة والمسيسون
بس كده

[كريم*]

وجبة دسمة ياصديقى
جمعت فيها مالذ وطاب
دام قلمك ودمت

[ابو نصير]

اقتباس المشاركة الأصلية كتبت بواسطة العاشق الذى لم يتب ايه الكلام الكبير الكتير المفيد دا عاوز قاعدة كبيرة وطويلة ولااقولك بلاش ياعم لحسن الكلام ده بيفقع مرارتى قطيعة تاخد السياسة والمسيسون بس كده

رفعت
مرور طيفك الراقي يرسم الابتسامة على وجهى
أشكرك لحضورك الجميل لكل جديدى
و لردك الرقيق الذى يزيد حروفى وكلماتى
جمالا ساحراً و عبيراً وردياً
دمت بكل الحب والخير
فى كل لحظاتك الجميلة
مع احترامى
...........
ابو نصير

[ابو نصير]

اقتباس المشاركة الأصلية كتبت بواسطة كريم* وجبة دسمة ياصديقى جمعت فيها مالذ وطاب دام قلمك ودمت

صديقى
هو انتى كنت بتقراء فى مطعم ولا ايه كيكو طب سندوتش
ماشى ياعم الملذ وطاب شكلك قاعد على الطبليه وعما تلغوص
مرور طيفك الراقي يرسم الابتسامة على وجهى
أشكرك لحضورك الجميل لكل جديدى
و لردك الرقيق الذى يزيد حروفى وكلماتى
جمالا ساحراً و عبيراً وردياً
دمت بكل الحب والخير
فى كل لحظاتك الجميلة
مع احترامى
...........
ابو نصير

[Lamees]

ربنا يصلح احوالنا واحوال بلدنا
شكراً استاذ نصير

[ابو نصير]

اقتباس المشاركة الأصلية كتبت بواسطة اطياف الماضي ربنا يصلح احوالنا واحوال بلدنا شكراً استاذ نصير

سيدتى .....
اطياف
انشاء الله القادم أفضل
تحياتى يااستاذه على المتابعه
ابو نصير