لو بتحبيه تعالي اقولك تعملي ايه o_o ؟

[phalsteen]

لو بتحبيه تعالي اقولك تعملي ايه o_o ؟

بصي يا اخواتي كشكولك في ايديك وقلمك واكتبي ورايا وبسرعه
عشان اللي هنقوله مهم لتحديد مستقلبك
ما بين يا لقب عنوسه يا موكوسه

لو بتحبيه عمليه معامله مرات الاب
ومتعمليش فيها رهيفه وحياه ربنا هتشوفي وش تاني

لو ضحك في وشك
بصيله بقرف
وسبيه وامشي
ولا اقولك استغفري ربنا
كأنك شوفتي عفريت

لو قالك مساء الخير
هتلاقي البلد مليانه عساكر وظباط
علي اقرب واحد شكله حلو كدة وامور
وقوليله بيتحبرش فيا
هياكل عقله محترمه ومش هتشوفي وشه شهرين
علي ما يخف من الاحتفال

واحدة شاطرة تسألني وتقولي بس هيصعب عليا
وبعدين شهرين دول كتير مش هشوفه كدة

لا البت ناصحه وبتسأل

انتي في خلال الشهرين دول تنفذي الخطوات اللي جايه دهين :

عياط مستمر ليل ونهار
تأنيب ضمير يؤدي الي مزيد من الاكتئاب
ويمكن ربك يكرم بضغط يعلي ولا سكر يرتفع

وهو دا المطلوب تنفيذه

اطلعي من بيتكوا بعد شهر وشعرك منكوش
وحالتك بالظبط تؤأم لابو رجل مسلوخه
وهتكوني تخنتي بتاع 10 ولا 15 كيلو
يعني بقيتي شبه سيد قشطه

تاخدي بعضك وبحالتك كدهون متغيريش
وعلي بيت المحروس

هتفتح اخته الصغنونه وهتصرخ
الحقيني يا ماما عفريته

فانت ابتسمي بأدب كوهون وقوليلها لا يا عسل
دنا مرات اخوكي
هو في اوضته ولا فين المنيل ؟

امه هتنح كدهون وهيجيلها زهول
بسرعه قبل ما تفوقلك وترميكي في اقرب باسكت
علي اوضته واديها عياط

كدة برضو يا سونه يا خاين

بلاش لماضه مسموش سونه قوليله يا بيبي
اهي بيبي حلوة تمشي علي الكل

الواد من الخضه هيسكت خالص واصلا هيخاف
قومي انتي خديهم بالصوت بئه وقوليلهم اشهدوا يا خلق

انا وابنكوا دا متجوزين من 4 شهور وعن حب بئه ل 10 سنين
وعشان بهزر معاه وضربته زي ما انتوا شايفين كدهون
سبني ومشي واتغرر بيا

يرضيكي اطنط ؟

انا جيت اشتكيلك اهوت
علي الاقل عشان حفيدك اللي في بطني

بالظبط كدة زي الفل
عيطي بئه ابوت



والف بركه حببتي
اعزميني علي الفرح بئه

[big bốss]

هههههههههههههههه

دا انتى هتعنسي نص بنات البلد

و هتعقدى نص شباب البلد

هو احنا نريح نفسنا و نتجوز من تركيا

و انتوا اتجوزوا بعض بقا

[phalsteen]

اقتباس المشاركة الأصلية كتبت بواسطة big bốss هههههههههههههههه دا انتى هتعنسي نص بنات البلد و هتعقدى نص شباب البلد هو احنا نريح نفسنا و نتجوز من تركيا و انتوا اتجوزوا بعض بقا

انا لو اتسببت في عنوسه
هيبقي ثواب
ربنا هيكأفني عليه دنيا واخره
مش احلي من اللي هتشوفه يا قلب اختها ^_^

[big bốss]

عندك حق انتم قوم لا تعاشروا و لا يعاش معكم فى سلام

[phalsteen]

اقتباس المشاركة الأصلية كتبت بواسطة big bốss عندك حق انتم قوم لا تعاشروا و لا يعاش معكم فى سلام

لا حوش الاخلاق العاليه اللي فيكوا
والرومانسية اللي قد كدهون
ملايكه حضراتكم
دا انتوا كائنات عايزة الحرق
يا اخي روح كدة ال متتعاشروش
دا من حسن حظنا وربنا

[شاعر الحب الحزين]

هو في ايه هما هيتجوزوا بعض تاني ليه

هههههاي قردة وسعدان ههههههاي

يلا ألف مبروك

تسلمي ام حمني

ربنا يوفقك

[Aya 7ekaya]

اعتقد ان الواد هيموت قبل ما نلحق نعزمك ع الفرح ي ام حمنى :3

[Lamees]

ناصحة ناصحة يا سما
بجد نصايح تودي اللومان
تسلمي بقى

[أميرة محمود]

ههههههههههه
طب تعالى نحلل ال انتى قولتيه كدا
هو هياكل علقة
وهى هتبقا شبه سيد قشطة
وفي الفرح هيبقا عروسة وعريس
مرعبين والمعازيم هتهرب طبعا
وطبعا بعد الجواز هيبقا عايز ياخد حقه منها
فتاكل هى كمان علقة منه
فهى هتاخد قرار تقتله بالسم اكيد
وكدا هتبقا ارملة هههههههه
وليه كل دا مادام هو من البداية
ضحك ف وشها وقالها مساء الخير
يعنى الواد معجب اهو

نفرتيتي
توبيك لذيذ جدا موتنى ضحك
تسلمى يا قمر

[راجعة لحبيبى]

وصايامعقوله
وحكاوى مفيده
تسلمين سما
لروحك السعاده