فوائد علم التطنيش

[ساحر الأحزان]

السلام عليكم ورحمة الله وبركاتة

قامت مجموعة من المختصين من أطباء علم النفس وعلم الأكتئاب بدراسة مهمة جد عن التطنيش يعنى أزاى تطنش ؟ وفوائد التطنيش فلقيوا أكتر من فايدة لعلم التطنيش

ولعلمكم التطنيش صنعة مش حاجة سهلة خالص ومحتاجة المطنش الفهلوىالصاحى مش النايم على نفسة وأليكم جميعا أخوتى فوائد التطنيش

لو بتحب واحدة وسايقة التقل عليك اديها طناش يوم ولا أسبوع ولا شهر حتلاقيها نطالك فى كل حتة وقرفاك فى عيشتك على شان تكلمها

لو عندك أكتئاب طنش وأنسى أى حاجة وحشة حتلاقى الحياة بمبى وحلوة


لو قبلتك مشكلة وموقف صعب بلم وطنش حتلاقية أتحل لوحدة أزاى ما تعرفشى
لو قابلك شخص رغاى طنش وأعمل نفسك مش شايفة حيزهق ويطفش
لو الدنيا قفلت معاك وزهقتك طنش برضة وأنسى همك

لو مش لاقى شغل طنش برضة وأحلم أنك موظف كبير وتبسم

لو مش عندك شقة طنش برضة وأعتبر نفسك عندك شقة كبيرة أو قصر كبير

لو أنت جعان طنش برضة وأنت تنسى جوعك وتخيل أنك واقف قدام بوفية مفتوح فى مطعم كبير ,,

لو مش معاك فلوس طنش برضة وأعتبر أن معاك مليون جنية

لو أنت زهقان كدة وقرفان زى حالتى طنش برضة وكل شىء حيتعدل مهو كل شىء فى الدنيا دية مش مستحق أننا نزعل علية

فطنش تنتعش وتحس أن الحياة حلوة وفاردة دراعتها عليك

لو عندك صاحب رخم ولا أنتى عندك صديقة رخمة فطنشو وأعطوهم الوش الجبس حيزهقوا ويطفشو على طول


وفى النهاية أية رئيك فى فوائد التطنيش

[أنين الليل]

صدق فكره هطنش زيك

[ساحر الأحزان]

اقتباس المشاركة الأصلية كتبت بواسطة أنين الليل صدق فكره هطنش زيك

ومالة جربى

ويبقى عرفينى النتيجة

[السفيره عزيزه]

ايه كمية التطنيش دي يا حكومة
كلمة طنش دى مش راضي لسانى يستعذبها وانا مطنشاه
وكمان كان ممكن اطنش هنا وما ارد
والواد ال انت بتحرضة يبعد بالاسبوع ويطنشها بقول لها
انتى يااكتكوته انتى .طنشية نهائي وخلى التتطنيش ينفعه
وهنا احدث صيحة للطناش .طنشو وهمشو وعليهم شَوشُو

دمت من غير طناش دى خالص
ايوة والله ..
السفيرة

[ساحر الأحزان]

اقتباس المشاركة الأصلية كتبت بواسطة السفيره عزيزه ايه كمية التطنيش دي يا حكومة كلمة طنش دى مش راضي لسانى يستعذبها وانا مطنشاه وكمان كان ممكن اطنش هنا وما ارد والواد ال انت بتحرضة يبعد بالاسبوع ويطنشها بقول لها انتى يااكتكوته انتى .طنشية نهائي وخلى التتطنيش ينفعه وهنا احدث صيحة للطناش .طنشو وهمشو وعليهم شَوشُو دمت من غير طناش دى خالص ايوة والله .. السفيرة

نورتى يا سفيرتنا

ومش قلتى

أنتى طنشتى حد قبل كدة

[السفيره عزيزه]

اقتباس المشاركة الأصلية كتبت بواسطة ساحر الأحزان نورتى يا سفيرتنا ومش قلتى أنتى طنشتى حد قبل كدة

ايوة لما يكون الحوار تطرق الى جدال
اسحب على خفيف واظهر ان انا متفهمة الكلام
وافتكر حديث حببنا ونبينا محمد صل الله عليه وسلم
.يلا قولو عليه الصلاة والسلام
.....
أنا زعيم ببيت في ربض الجنة لمن ترك المراء وإن كان محقا .

صدق الحبيب المصطفى فيما بلغ عن رب العزة سبحانه.

وكمان فى اكيد فى مواقف تانيه ما ينفع فيها
الا التظاهر بال حجات دي..

[العاشق الذى لم يتب]

صراحة فوائد عظيمة جدا
يمكن اعمل بوصيتك امجد
واستريح شوية

[أميرة محمود]

هههههههه
حل جميع المشكلات في التطنيش
زي مسحوق الغسيل بيغسل الزعل
التطنيش فعلا مش حاجة سهلة
بس مريح للعقل
ساحر الآحزان
موضوع جميل مضحك وواقعي
ف نفس الوقت ثانك يو

[الأميرة رودي]

والله نصائح عظيمه.
وعن تجربه احب اقولك ان الطناش ده علاج لكتير من الحاﻻت الخنيقه
وعلاج لحالات اﻵرق بما ان الهموم كلها تتجمع عند الواحد وقت النوم وتنشغل تفكيره.
بس والله ياساحر مش فى كل حاجه ومش مع كل الناس ينفع
ناخد مبدأ الطناش.
فيه ناس تستحق نشغل بالنا بيهم

عجبنى مقالك ياعم الطنشجي.
استمر فى طناشك مع الدنيا هتلاقي الدنيا مطنشاك..

[Lamees]

شعاري في الحياة
طنش تعش وتنتعش ^_^
ميرسي للنصايح الغالية ساحر