لــــو جوزك نومه تقيل ؟ || خمسه جنان ||

[phalsteen]

سا الخير بئه
انا جمعتكم النهاردة بما ان بكرة الخميس
واخده بالك انتي اسوزي
صبرك عليا

بصي يختي كل الرجاله ما شاء
ربنا اخد منهم كل حاجة وعوضهم في لسانهم
لا يختي وعليهم برود مقوليكش يا اوختي ما انتي عارفه
تبقي انتي قاعده تهري في نفسك ودا بياكل ولا همه
هو احنا بيجيلنا الضغط من شوية

يالا بلا نيلا

عاوزة تحرقي دم جوزك
عليكي بحاجتين
قلي راحته باكتر حاجتين بيحبهم
الاكل والنوم
هما فالحين غير في كدة

يصحي من النوم ياكل
لما يطمن ان كل الاكل خلص ينام
وقبل ما يفتح عينه
يقولك بصوته المزعج
ايه يا مدام هنقضيها صيام احنا

بصي بئه زي الشاطرة كدة ركزي في اللي بقولك عليه
هيجي من الشغل خليكي مؤدبة
ودلعيه ع الاخر

بط وفراخ واتوصي بالمحشي ولو في باشمل معلش اكليه
هينام بعد 10 دقايق
اول ما تسمعي صوت الميوزك اشتغل
وتحسي بالزلازال

1/

صرخي اووووي
بس قربي من ودنه
اصلهم بعيد عنك سمعهم تقيل
وهتلاقي المحشي كابس علي نفسه
وقوليليه الحقني يا عباس بولد بولد
واجري بسرعه لو فاق وركز هيعرف انك مش حامل اصلا
وهيرمي عليكي اليمين دغري كدة


2/
ولو المحروس من النوع اللمض اللي لازم يقعد شوية ع السرير
يقلب في التليفزيون وينكد عليكي
ما بين الماتس والاخبار
وعامل مثقف حضرتك
اتسهوكي شوية يا بيبي وعاكسية شوية
واول ما يبتسم الابتسامه الصفرا دي
وقعي الرموت بخفه كدة
المهم ينزل تحت السرير



ويالا الله يرحمه
كان ابن حلال والله

كمان في حاجات كوتير خفيفه لو قلبك رهيف
وخايفه عليه

1 / ولعي في مفرش السرير



2/ اشتري كلب ابن حلال ياكل صوباع من صوبيعه
3/ شغليله صافينار وبس عشان الرقابة


السؤال هنا بئه /

لو جوزك نومه تقيل تصحيه ازاي ؟

اجابات الحلقات التلاته هنختار انا وسوزي الافضل
وان شاء الله ينزلوا في توبيك خاص

[.Lamar]

هههههههههههههه

ربنا مقدرك على فعل الخير يا سمسم

بس ان جت على الضغط بس يبقى فضل وعدل

نصايح روعة واوعدك اعمل بيها

لو نويت بعد الجواز

ازور ماما و اقعد عندها قد سنتين تلاتة ههههههه

تسلمى يا سما ضحكتينى

ربى يسعدك يا قلبى

[رآقيہ بأخلاقـى]

هههههههههههههههههههه
ايه النصايح الجميلة دى يا سمسمه
لا بجد الله ينور يا قمرات

اما بخصوص سؤالك
للاسف مش لاقيه حاجة اجمد من اللى انتى قولتيهم
يلا نشوف ابداعات باقى الاعضاء هتكون ازاى

حلقة جامدة أسمسمه

[أنين الليل]

النصايح دى تودى بيت الطاعه عدل
ربنا يخليكى يارب ويقدرك على فعل الخير

[أميرة محمود]

ههههههههه
نصايح جامدة جدا عجبتني تسلمى يا قمر
والأكل والنوم أهم معركتين طبعا
ههههههه
والاجابة ع السؤال لو نومه تقيل
مش هينفع بقا الصوت العالى وكدا
يبقا الحل ممكن يكون مثلا
اجيب غطا الحله وانزل بيه ع دماغه
عشان يصحي بسرعة
او اجيب مضرب الجولف ال بيكون حديد دا
واضربه على بطنه بكل قوتي
وطبعا ف كل الاحوال اول ما يصحي
هختفي من ادامه عشان ممكن يفرمني

[العاشق الذى لم يتب]

ههههههههه
عجبانى النصايح دى
ياترى هى لوجه الله
ولاعاوزة تخدمى البنات الغلابة
واناتخيلت انى وحدة زوجة
وجوزى الله يمسيه بالخير
شغال شخيرالله ينور
ونومه اتقل من اتنين طن حديد
المهم الواد سخن اوى
ولازم المحروص جوزى ربنايخلهولى يارب
ومايحرمنيش من دخلته عليا
ولاتشخيره الجميل العازف اجمل الالحان
عارفة نومه الهباب
ومن خوفى على الواد
روحت بسرعة جبتله حلة الملوخية
وكنت لسة منزلاها من على البتوجاز
وبسم الله على وشه
ودلقتها كلهاعليه
هتقوم يعنى هتقوم
ومن غيرتأخيرثانية
وحياتك قام صارخ وهو بلحس وشه المغمس بالملوخية
وبيبكى ويقول مالك ياولية
عملت كده ليه فيا
قوم يامنيل بستين نيلة الواد
مولع نار

[السفيره عزيزه]

لالالا ايه ياا نفرتت براحة شويه دول طيبين جدا
بصراحة انا ما كان عندى خطة مسبقة ونيتى
خير والاعمال بالنيات والطيبون للطيبات
والحجات دهوووون.
بس انا حد ما بيعرف يفترى من غير دافع
انا اصحيه بشويش الاول .يا سي السيد
مفيش .طيب بعطر جميل ..ما بيفوق ابدا يااربي.
طيب زى ما النبي عليه الصلاة والسلام قال
رذاذ ميه خفيف ..مفيش ..لا بئه ..ايوه لئه.
خلاص يستاهل بئه ..
اقرب حاجة ايه ..ايه ..ايه ..بالمكواة وعلى رجليه
وكده ما يعرف يجرى ورايه ولا يتحرك
ايون هو كده..

اصل انا طيووووبه وما بحب حد يتالم
انما يتحرق عادي مش مشكله..

ربنا يخليك يا نفرتت للغلابه
ودمت ناصرة المراة ورافعة لواء
ان كيدهن عظيم

السفيرة

[واد حبيب]

انتي كده هتخلي كل بنات مصر وخدين لقب مطلقه او الله يرحمهم
ايه النصحه اللي فيكي ده يا سما
اما عن سؤالك ده
احلي طريقه انك تجيبي ميه من التلاجه علطول وتحميه وهوه نايم
زي ما كان بيحصل معايا ههههه

[ساحر الأحزان]

لو جوزك نومة تقيل

هاتى شاكوش ومسمار

وخبطى على دماغة

[انجي_1]

الله عليكي يا ساحبتي
احنا من غيرك ولا حاجة احببتي
بصراحة نصايح جامدة جدا
اتعلمت منها طرق نكد وااو
ادعيلي بقا الاقي زوج كدهون اهبل انكد عليه بكل الطرق المتاحة والغير متاحة
وربنا يقدرك عفعل الخير احبي
واحلى طريقة تصحي بيها زوجك من النوم اسما
جيبي حلتين يا اوختي الحجم الكبير
حلة في ايدك اليمين وحلة ف ايدك الشمال
قربي منه خالص
تحديدا جنب ودنه
واضربي الحلتين مع بعض بقوة وبشكل عنيف
واتفرجي ف اللي هيحصل بعديها
هههههههههههه
موقف لوووووز صراحة