مدينة الظلام والصمت

[الفيلسـوف]

(الإحتياجات المـفتـقدة بتنطلـب )
المفروض ان تلبية كل طرف إحتياجات الآخر شئ ماخوذ في إعتبار كل زوجين لأن دا الهدف من الزواج أصلا .. و دايما إفتكر إن مفيش حد ممكن يلبي هذه الإحتياجات -(الشعور بالإعجاب و الأمان و الحب و التقدير و الكفاءة و الاشباع الجسدي و غيره إلى آخر الإحتياجات )- بصورة شرعية إلا إنت .. فلما تنشغل أو تمتنع عن تلبيتها بتضع شريك حياتك تحت ضغط افتقاد وأحيانا حرمان لهذه المشاعر .. و طبعا مش محتاجين أقول إن دا بيشجع على محاولة تلبيتها بطرق منافية للإخلاص اذا كانت مقاومة الشخص ضعيفة.. ولاحظ أنا بقول يشجع لكنه لا يبرر ولا يجعله فعل مقبول.. طيب في الحالة دي لو شريك الحياة مفتقد إحتياج ما يعمل ايه؟ الحل الوحيد إنه يطلب دا من شريك حياته بشكل مباشر

تقول بشكل لطيف أنا مفتقد كذا أو نفسي في كذا أو محتاج كذا .. طلب واضح ومباشر.. بدون اتهامات (إنت ما بتقوليش و مابتعمليش ) ولا انتقادات ولا تكشير ولا فوازير .. وفي الغالب بيستجاب لطلباتك و بتتاخد بإهتمام .. بس الطريقة اللي بتعبر بيها هتفرق .. يعني تبقى طلب بمعنى تطلع واشتياق الى هذا الشئ .. و ليست مطالبة آمرة .