ابني مات علشان وطن يعيش

[^^khL oUD]

قولي يا ابني
مشفتش ابني؟؟
كان لابس زيك تمام
طقيه بنسرها علي راسه
والبياده والحزام
وفي ايده ماسك سلاحه
وفي الطبور علي طول قدام
واد سماره وهبته راجل
والقلب لساه يدوبك غلام
ولاعمره يوم عن امه اتأخر
ولا عمره يوم عن وجبه نام
كان لسه مخلص عزاله
كان لسه مخلص علام
لو حد شافه يقوله ابوه جاله
والشقه خلصت دهان
وخطبتك بتسلم عليك
والعيله بعتالك سلام
ابنك يا والدي عند ربه
شهيد يشفع للانام
يمسك ايديك يوم القيامه
يحميك يوم الزحام
ويخدك لباب الجنه
ويرفعك اعلا مقام
ابنك مامتش يا ابويا
ابنك حي عند ربه ف الجنان
ااااه يا ولادي
خدك الموت مني
وانت ف عز الشباب
خدك وسبني وساب
شعري اللي شاب
خدك ورماني ف وسط العزاب
طب اقول ل امه ايه
لما تسئلني عن ضناها اللي غاب
والله
لصرخ صرخه تصحي كل الجيش
يارئيس يا مشير يا فريق ياشويش
ابني كان بينه وبين عورسه مفيش
ابني راح عندكو ومجاليش
دانا ف الدنيا دي غيره مليش
ابني مات علشان وطن يعيش

[Aya 7ekaya]

حاجة توجع اووى ربنا يصبر اهاليهم ويصبرنا ونحتسيهم عند ربنا شهادء فى الجنه ان شاء الله

[^^khL oUD]

الله يرحمهم
ويصبر اهل كل شهيد
ويرحم مصرر

[Stop Ana Eltop]

القصيده دي مؤثره اوووي

بس هما مامتوش عشان الوطن
هما ماتوا عشان احنا دمنا رخيص
ربنا يلطف بينا

[^^khL oUD]

لا برده ماااتوو دفااع عن وطنهم
وبرده عشان دمنا رخييص
عندك حق نورتي

[رضا التركى]

بصراحة كلمات جميلة جدا اعجبنى مضمونها

ربنا يرحمهم ويصبر أهلهم

وينجينا من ظلم الظالمين

[حـيـــــآة ❤]

كلنا زعلانين وشوفي زعلنا كلنا ده مش حاجه قصاد زعل اهلهم وحبايبهم
ربنا يرحمهم

[^^khL oUD]

ربنا يرحمهم ويصبر اهلهم
نورتوا