بريد منتدى بنات مصر ( المشكله التالته) عضوة من المنتدى

[Dr. AnOosHo]

ماكنش هدف البريد ان انزل اي مشاكل لاعضاء في المنتدى لكن المشكله بين اديكم وفي انتظار ردكم السلام عليكم انا مشتركه معاكم هنا في المنتدى .. ولئيت فكرة البريد فبعت لنوشه على الفيس وحبيت اعرض عليكم المشكله وياريت تقولوا لي رايكم انا عندي 17 سنه بحس ان عايزة ديما امشي من البيت واعيش لوحدي دايما مختلفين في البيت مبحسش ان حد فاهمني خالص جيت المنتدى يمكن الاقي حد يفهمني ويفهم افكاري وطباعي اخويا دايما متسلط ودايما بيضايقني حتى في اوقات كتير بيراقب اللي بعمله على النت مرة لقيت برنامج تحت في التول بار وفيه كرة خضرا غريبه فتحتها لئيته برنامج تجسس حتى النت مش عارفه ادخله براحتي بدخل من الموبايل اغلب الوقت عشان اكتب براحتي واتكلم براحتي انا مبعملش حاجه غلط اخاف منها بس حتى اني اتعرف على حد من الممنتدى وتكون بنت بيعملي حفله في البيت واخاف يمنعوا عني النت انا بسببهم بقيت بشك فكل الناس اللي حواليا حتى في دراستي بشك في صحابي ودايما متوقعه منهم الغدر مخنوقه من البيت ومخنوقه من الناس كلها حاسه في يوم حطفش من البيت ومحدش حيعرف لي طريق والحاجه الوحيده اللي منعاني اني خايفه اطلع للشارع من كتر ما في خلاف في البيت ودايما في شك ومراقبه لتصرفاتي بدات اشك في نفسي انا حتى الارتباط بخاف منه وبهرب منه اذا قرب مني اعمل ايه فيهم في البيت واعمل ايه في نفسي بعيطت كل يوم قبل ما انام من كتر ما انا مكتئبه ومتوترة هو ده صح اللي هم بيعملوا ه معايا يعني تصرفات اخويا دي صح وتحكمه وتسلطه عليا صح مع انه مش ماشي على الصراط المستقيم يعني وده اللي منرفزني اكتر معلش طولت عليكم اعتبروها فضفضه مع اني كمان عايزة رايكم وياريت تحسوا بيا وتنصحوني اعمل ايه وقبل متنصحوني حطوا نفسكم مكاني عشان اعرف اعمل الي تنصحوني بيه شكرا جدا ليكم الرجاء الرد على المشكله من اليوم حتى غدا وسيغلق التوبيك بعدها .. شكرا المصدر: منتدى بنات مصر

[♥○ moOoOoOna ♥○]

ههههههههههههههه
معظم المتشددين واللى بيدققوا اوى فى التصرفات بيخافوا ربنا يطلع فيهم اللى بيعملوه فى الناس
بس ربنا لو عايز ينتقم هينتقم
ربنا يصلح الحال
اتكلمى مع مامتك لو هى اقرب حد ليكى و فهميها انك بتتضايقى عشان تتصرف
بس مش عارفه اقول حاجه تانى ..

[حـيـــــآة ❤]

كثيرآ م نوآجه تسلط من الآخوان ولو كانوا اصغر سنآ..
بس صدقيني حبيبةة قلبي لو اتهورتي وطفشتي زي م بتقولي مش هتطولي ثلث اهتمامهم ده..
هيصعب عليكي بعدهم عنك اصلا..
احمدي ربنا انهم معاكي وواقفين جنبك ..
في ناس مش لاقيه النصح ده !!
ده حب وخوف مش اكتر والله ي بنتي..
والكل مجرب التسلط والمراقبه دي
بالذات ف سن ال15الى 20 بيعوز مراقبه
عشان فترة مراهقه وكده..
وتفكيرك ف الهرب ده بيكبر المشكله اكتر..
لان هما مش بيراقبوكي حافز كره!!
لا طبعاا .

ربنا يسعدك ي حبيبي ويطمن قلبك

[world]

كوني قويه
طالما مش بتغلطي واجهي وقولي ال انت حساه ليهم
عيشي بطريقتك وميهمكيش حد طالما انت ع حق
وف يوم هتخرجي من البيت دا ويبقي ليكي بيتك لوحدك
واتمني متعمليش ف بنتك كدا ولا تربي ابنك انه يكون متسلط عليها
مشكله فعلا تستحق النقاش د نوشه

[♥○ moOoOoOna ♥○]

اقتباس المشاركة الأصلية كتبت بواسطة ♥حيآة آلروح♥ كثيرآ م نوآجه تسلط من الآخوان ولو كانوا اصغر سنآ.. بس صدقيني حبيبةة قلبي لو اتهورتي وطفشتي زي م بتقولي مش هتطولي ثلث اهتمامهم ده.. هيصعب عليكي بعدهم عنك اصلا.. احمدي ربنا انهم معاكي وواقفين جنبك .. في ناس مش لاقيه النصح ده !! ده حب وخوف مش اكتر والله ي بنتي.. والكل مجرب التسلط والمراقبه دي بالذات ف سن ال15الى 20 بيعوز مراقبه عشان فترة مراهقه وكده.. وتفكيرك ف الهرب ده بيكبر المشكله اكتر.. لان هما مش بيراقبوكي حافز كره!! لا طبعاا . ربنا يسعدك ي حبيبي ويطمن قلبك

بس مش لدرجة الخنقه يا جوجو
الخنقه بتجيب عقد و دا مش اسلوب كويس
يبقى فيه مراقبه مش خنقه

[world]

اقتباس المشاركة الأصلية كتبت بواسطة ♥○ moooooona ♥○ ههههههههههههههه معظم المتشددين واللى بيدققوا اوى فى التصرفات بيخافوا ربنا يطلع فيهم اللى بيعملوه فى الناس بس ربنا لو عايز ينتقم هينتقم ربنا يصلح الحال اتكلمى مع مامتك لو هى اقرب حد ليكى و فهميها انك بتتضايقى عشان تتصرف بس مش عارفه اقول حاجه تانى ..

فعلا وزي ما انت شايفه البنت بتفكر ف الهرب
ودا بسبب التشدد ربنا يرحمنا

[حـيـــــآة ❤]

اقتباس المشاركة الأصلية كتبت بواسطة ♥○ moooooona ♥○ بس مش لدرجة الخنقه يا جوجو الخنقه بتجيب عقد و دا مش اسلوب كويس يبقى فيه مراقبه مش خنقه

استأذن نوشه ف الطلعه دي
شوفي حبيبتي..
الشد دايما ال بيصلح ..ف جيل اليومين دول^_^
والمراقبه اكيد تمام بس من غير شد انا معاكي عشان بتخنق الواحد
مراقبه من هذا النوع توحي بوجود شك بالنسبه للطرف التاني وهو الاخ..
او وجود اسباب اخرى..
بس ده مش بيمحي وجود الحب والاحترام المتبادل وده نتيجته ..
خوف الاخ على الاخت بهذه الطريقه..
م ال شايفه ف بنات اليومين دول..
وانا مش هنكر ان هذه الطريقه خنيقه و..و.. الخ..
بس ده والله العظيم خوف م الاهل مش اكتر
ولو جربتوا المسؤوليه دي هتفهموا هما بيعملوا كده واكتر كمان ليه
فهماني ي كوكو

[الأميرة رودي]

مع انه مش ماشي على الصراط المستقيم يعني وده اللي منرفزني اكتر

هى دي المشكله
هو عشان عايشها بالطول والعرض خايف عليكي
لان الجــو فعـلا يدعى للقلق
كمان هو عنده احساس دايما ان حد هيقرب منك ويحاول يكلمك ويرتبط بيكي
..هــو عنده وسواس ان ده هيحصل لان هو بيعمل كده

بصى فى النهايه هو بيعمل كده خوف عليكي
بس خــوفه بطريقه ممكن تخنق شويه
انتى طالما مش بتعملى حاجه غلط مش تخافي
كمان متحوليش تبينى لحد ضعفك عشان مش تشككي حد فى سلوكك

هى مشكله فِهم وفِكـر عند الاخ الولد
بس حكايه هروبك دي شيليها من دماغك خااالص لانها مش حل
بالعكس

كمان انا بتفق مع هاجر فى نقطه ان فيه بنات فى سنك بيتمنو لو كانو ليهم اهل واخوات
وينصحوهم حتى لو خنقوهم..
واستحملي هانت قريب هيكون ليكي بيت مستقل

ربنا يوفقك ياحبيبتي

[♥○ moOoOoOna ♥○]

اقتباس المشاركة الأصلية كتبت بواسطة ♥حيآة آلروح♥ استأذن نوشه ف الطلعه دي شوفي حبيبتي.. الشد دايما ال بيصلح ..ف جيل اليومين دول^_^ والمراقبه اكيد تمام بس من غير شد انا معاكي عشان بتخنق الواحد مراقبه من هذا النوع توحي بوجود شك بالنسبه للطرف التاني وهو الاخ.. او وجود اسباب اخرى.. بس ده مش بيمحي وجود الحب والاحترام المتبادل وده نتيجته .. خوف الاخ على الاخت بهذه الطريقه.. م ال شايفه ف بنات اليومين دول.. وانا مش هنكر ان هذه الطريقه خنيقه و..و.. الخ.. بس ده والله العظيم خوف م الاهل مش اكتر ولو جربتوا المسؤوليه دي هتفهموا هما بيعملوا كده واكتر كمان ليه فهماني ي كوكو

الاهالى الصح اللى تعرف تاخد ثقة اولادها و هما كمان اللى يحكوا لأهلهم على كل حاجه
مش يحسسها انه مش واثق فيها
طب مايخليها تثق فيه احسن و البنوته اهيه بتقولك مبتعملش حاجه
و من ناحية فيه ناس عايزه شده معاكى حق فيها بردو
بس بذكاء

[bobaOo]

اممممم...
مش هطول في الكلام..
هياا حاجه تدايق فعلا وتطفش..
بس هما مش عارفين الطريقه الصحيحه الي يخافو عليكي او يحافظو عليكي بيها.
هما مفكرين ان كده صح بنتناا تحت مراقبتناا ومحافظين عليهاا ومش مخلين حد يتعرضلهاا..
في اهل كده صدقيني بس اكيد مش في نيتهم كده..
ومن الطبيعي من اخوكي سواء كان ماشي على الصراط المستقيم ولا لا.. انو يخاف عليكي وينصحك ويقربك منو وتوصل انو يراقبك كمان.. بس ده ليه اسلوب تاني..

المهم ان انا واااثقه في نفسي حاطه ربنا سبحانه وتعالى قدامي اخاف منو سبحانه اعملو هواا اعتبار سبحانه اراااااقب ربناا في تصرفاااتي..
يبئاا براحتهم بئا يعملو الي يعملوووه ان شاء الله حتى لو راقبو فوني نفسوو..
بس ياحبيبتي ماتحطيش موضوع الطفشان وكده في دماغك..خليكي ايزي خالص..
طالماا مابتعمليش حاجه غلط ماتخافيش من حاجه ..وفوضي امرك لله..
ربناا يهديهملك ويهديكي ليهم..
تحياتي