سارة ومصطفى , اليوم التانى

[мs̲њм̨s̲њa♥]

[center][b]

السسَلآم عليكم ورحمةة الله وبركَآته

فى تانى يوم كده صحينا طبعا لان بابا بيروح الشغل الساعه 8 الصبح فـ لما صحيت وكده جيت احكى لمآمآ كل حاجه لانها من صغرنا ومتعودين مش نخبى عليها حاجه , بس وانا راحه اقول لماما قولت لاختى تؤامى قبلها اختى شتمتنى وقالتلى هتقوليلها ازاى دى هتهزقك وهتضربك واحتمال تحبسك ومش تنزلك خالص (شغل افلام :d)

المهم انا طبعا خوفت وقررت مش اقول لمآمآ حآجةة , بعدها بحاولى ساعتين كده قومت وفتحت النت وكلمته وسألنى حكيتى لماما ولا لا قولتله لا بس اختى اللى عرفت وانا مش هقول لماما دلوقت وعمتآ انا لسه مش قررت هرتبط ولا لا عشان انا مش حبيت ولا ارتبط قبل كده ومش بفكر فى الحوار ده بس هشوف ورقمك معايا وهبقى ارد عليك ,, الكلام ده كآن حوالى الساعه 10 الصبح

المهم جات الساعه 12 وقت مدرستنا لانى كنت فترة مسائية لبست انآ وأختى واخويا وروحنا المدرسة وكده اخويا راح مدرسته واحنا روحنا مدرستنا حضرنا الطابور وكل واحده طلعت فصلهآ لما خلصنا الحصص الاولى وجات الفسحه ,, حكيت لواحده زميلتى من اللى كانو معايا وانتو عارفين الصحاب طبعا !! المهم البنت كلمتنى واقنعتنى بغباء انى ابعتله رساله واقوله انى موافقه وحصل ومفيش ثوانى ولقيته بيتصل وطريقة كلامه بلهفه بيتكلم بسرعه بغباء وفرحه كأنه ماكانش متخيل انى اوافق دى كنت انا مستغراباها لآن اول مره تحصلى ولانها ماتنفعش فى السن ده ,,

المهم انى وافقت وحصل اللى حصل ,, وفى نفس المكالمة تخيلو يعنى هو كان لسه عيل !! وقالى عاوز اعرف كل مواعيد دروسك وبتاخدى دروس فين الخ الخ الخ ,, وفى نفس ذات اليوم اما روحت من المدرسة وروحت درس مستر صابر بتاع العربى اتفآجأت ب مصطفى ده وكآنت اول مره اشوفه .. للعلم انا اما شوفته تنحت فضلت مبرقه مش انى مستغربه انى جالى لا .,, بصى انتى اما بتشوفى قطة كيوت وشكلها حلوة كده مش بتفضلى باصه عليها كده بأعجاب شديد اهو انا كنت كده واقف قدامى ولد زى القمر عيونه خضرآآ ابيضانى كده ولبسه شيك جدا مع انه صغير وتسريحة شعره لفتتنى بغباء ,, وبقوله انت مين ؟ وقت ما قالى مصطفى انصدمت وتنحت اكتر والبت صاحبتى واقفه جمبى بتضحك على طريقتى فى الكلام من استغرابى بتكلم بهبل

امآ فوقت من الصدمة : انت جيت هنا ليه وجاى تعمل ايه اصلا يعنى انا غلطانة انى عرفتك مكان دروسى ومواعيدها وبعدين جاى من الجيزة لشبرا الخيمة وفى وقت زى ده .. قام رد وقال انا كنت جاى اشوف القمر :d مع انه مش بيطلع دلوقت وسبق ميعاده ,, (الكلام الاهبل بتاع الشباب اللى لسه فى بداية الحب )

المهم المفآجأة كان جايب ليا معاه بقى حاجات كتييييييير جد شوكلاته وبيبس وقرص وشيبسى حاجات كتير لانى بحبها قولتله طب ودول انا هاخدهم البيت ازاى هقول لماما ايه ,, ردت صاحبتى وقالتلى قوليلها صحابى نسيوهم معايا وكده اتصرفى ,,

المهم ماكدبش عليكم انا حبيته جدآآآآ بس برضه قولت مع نفسى يمكن حب مرآهقه ! المهم لما روحت وماما شافت الحاجه دى وقولتلها صحباتى مش اقتنعت وفضلت ورايا لحد ما قولتلها بس بينى وبينكم اخدت علقة مووووووت واتحبست اسبوع ساعتها مش بروح المدرسة ولا بكلمه عشان مش بفتح نت ومش معايا فون ولا اى نيله :d

كنت بعرف اوصله اخبارى عن طريق اختى التؤام وبعرف اخباره عن طريقها ,, المهم طبعا مش هعرف اكمل الباقى لانى محبوسه اسبوع :d

ان شاء الله اكمل الباقى بكرآآ بليل زى دلوقت كده عشان مش هينفع الصبح هروح اجيب الشبكة بقى عقبالكم ولما افتح هقولكم حصل ايه بعد الاسبوع ده ,, وياريت ماتستغربوش انه كان فى السن ده وبيحبنى وانا بحبه لان انا عن نفسى مستغربه بغباء اننا كنا بنحب بعض فى السن ده ووصلنا لدرجة الحب دى دلوقت وفى الاخر هنتخطب :d بجد انا مش مستوعباها اساسا :d <3

[Hearts Whisper]

هههههههه الواد دا رومانتيك من صغره ...
اكيد الوقتي اتحووول هههه .. ربنا يخليهولك
ومعلش بقا دا رد فعل طبيعي لمامتك
توبيك لطييف في انتظار الباقي
وهيتحسب التوبيك تبع اليووم الخامس ^_^
معلش علي التأخير

[حـيـــــآة ❤]

هههههههههه اهم حاجه الشوكالاتات ي بت
ربنا يهنيكم ببعض ي روحي
مستنيه الباقي بئا

[Śลяą..ღ]

ههههه قصتك غريبه
وامك رد فعلها طبيعى اوى
ما شاء الله من صغره كدا
اومال لما يكبر^^
ربنا يسعدك
يلا كملى بقا

[.Lamar]

لا معاكى حق تحبيه مش جاب لك شوكولاتة هههههه

و ماما طيبة اوى انها حبستك اسبوع بس يا بطة

اروح باة اشوف اليوم التالت

[العاشق الذى لم يتب]

كده انت كتبت 5حلقات مع بعض
وجميل الحوار
بكل تفاصيله
متابع

[ايمان طلعت]

اومال هو بيسالك ليه عالمواعيد والمكان
بس حلوة المفاجاه دي
والاحلي الشيكولاته ههههه
متابعه معاكي

[ياسمينااا]

حلقه جميله ي قمراية
طبعا هو بياخد مواعيد دروسك ومكانها
عشان يجي يشوفك أمال ليه يعني
موقف مامتك شئ طبيعي وكويس انها حبستك اسبوع بس
في إنتظار الباقي بقي
ربنا يخليكم لبعض ويسعدكم يارب