المنتدى وأعضائة بخير تشكرات لحضرتكم

[ساحر الأحزان]

بسم الله الرحمن الرحيم

بصراحة الموضوع دة ما كان فى بالى بس السبب فى أنى حنزلة أنى شفت شىء أعطانا الثقة فى أننا ماشيين فى الطريق الصحيح !!
أية هو الشىء دة حقلكم علية ؟

يمكن أحنا لاحظنا من فترة أن نسبة التسجيل بدأت تقل فى المنتدى مع ضعف عدد الزوار والتسجيل بالنسبة للأعضاء الجدد كان الأول معدل التسجيل لا يقل عن خمسين عضو جديد ونسبة الزوار ؛؛مش فى الوضع الطبيعى بدل من ثلاثة ألاف زئر نزل العدد ألى اقل من الربع ودى كانت مشكلة أتكلم عنها قبل كدة الأدارى القدير طارق وهو تنبأ وقد كان ؟

وخصوصا مع أنتشار الفيس وتويتر ومواقع التواصل الأخرى ودة مش أثر علينا أحنا بس فى المنتدى دة أثر على معظم المنتديات ودة ترقبتة من فترة فى أكتر من موقع قلت يمكن يوم أويومين يا ساحر ؟أو أسبوع ولكن لقيت الوضع كما هو علية !!!

مثال
منتدى كبير وشهير عدد زوارة تعدى الخمس ألاف زائر وبعض الكسور فوجئت بعدد الأعضاء مرة (11)ومرة (17)ومرة (20)وفضل الحال على هذا فترة من الزمن ...

ودة أعطانا ثقة فى أننا بنسير على الطريق الصحيح وأن الحال دة مش عندنا بس فى المنتدى ولكن ؟هو منتشر فى معظم المنتديات !!

ولكن أحنا عندنا فى ..

(بنات مصر )

ما يميزنا عن الغير

عندنا مجموعة من الأعضاء أصحاب المواهب فى جميع المجالات من أقلام مميزة وأصحاب تصاميم لا توجد عند الغير وجنود مجتهدة تعمل فى صمت لنجاح وأستمرارية المنتدى ولا تبحث عن التهويل والتصفيق وكلمات الثناء فقط شاغلهم الشاغل هو نجاح وأستمرارية المنتدى !!

والأهم من ذلك هو ذلك الأحترام الذى سوف نظل علية أحترامنا بعضنا لبعض هو سر نجاحنا ؟

أتركو الرتب خلف الظهور فكلنا سواسية وكل مجتهد بعملة وحبة للمكان وللأشخاص الموجودين بداخل المكان

المنتدى الناحج تتكامل أركانة

1_أعضاء مميزة وطموحة

2_أدارة ناجحة

3_مشرفين مميزين

4_مراقبين مجتهدين

كل ذلك يصب فى مكان واحد هو المنتدى ويعطيك نتيجة رائعة بكل المقاييس وهى أنجاح المنتدى الذى تعرفنا على بعضنا البعض فية فنحن نسير فى مركب واحد أن سار فى أمان سرنا معة وأن تخبطت بة الرياح والعواصف تشتتنا كلا منا فى مكان !!

أى مشاكل أى خلاف يوجد فنحن بعون الله قادرين على حلة وتذليل الصعاب التى تقابلنا وأى سوء تفاهم فلنتركة خلف الظهور فقط نريد أن يكون شاغلنا الشاغل هو أنجاح وتنشيط المنتدى الذى لن يبقى ألا بأعضائة الأوفياء



وكل عام وأنتم بخير

ملاحظة

كل واحد مش صرف العيدية يروح يخدها من عند

دمعة حائرة

هى المسئولة عن خزينة المنتدى


مع تحيات


أدارة المنتدى

[حـيـــــآة ❤]

ربنا يقوي عزيمة جميع اعضاء المنتدى
وان شاء الله لايخمل ابدا
تسلم امجد
تشكرات للاداره الناجحه ال مهتمه الاول^^

[دمعه حائره]

المنتدى لو فضلت اتكلم عليه سنه مش هاقدر اوصف هو ايه بالنسبالى
وبالنسبه لكل واحد فينا
ده بيتنا التانى المكان اللى بنشوف فيه اخواتنا ونعبر فيه عن هوايتنا
واى فتره بيغيب فيها حد فينا اكيد لظروف والتقصير غصب عنا
ربنا يقويكم ويقدركم على النهوض بيه تانى ويرجع احسن من الاول
ان شاء الله
واكيد بالتعاون هاتقدروا لان المنتدى بكل مافيه ايد واحده وهدف واحد لازم تسعوا ليه
كل عام وانتم بخير وتسلم ياامجد على التوبيك الجميل كله تفاؤل وامل
ولو على العيديه يازميل الخزنة مفتاحها معاك من زمان يا عمنا
وانا ابعتلك من عندى عيونى ليكم

[تجملت بالعفآف]

عجبني اووي حماس الكلام
تسلم ي امجد ع مجهوداتك العظيمه
والمنتدي سيظل البيت التاني الذي نلجأ إليه في فرحنا وحزننا
وان شاء الله قريب سيرجع الامور لطبيعتها
يلا ي منه طلعي الفلوس من الخزنه الله
هههههههه

[جبل عالي]

كل سنة وكلنا متجمعين ع الحب والروح الحلوة
ودايما منتدانا يجمعناااااا
واكيد اي مكان له فترات هبوط
وبالروح المحبة والارادة الصلبة والتصميم والتمسك
بينهض من تاني وده مش بعيد ان شاءالله

شكرا ياساحر لكلمتك دي
بصراحة جت ف وقتها جداااا

كلمة تبعث على روح الامل في الجميع

كل سنة وكلكم بكل الخير ياااارب

عيديتنا هي الكلمة دي بجد

[۩۩ elMagic ۩۩]

كلام سليم
ربنا يديم الود والمحبه
ولو كنت بتعمل حاجه فا دا عشان مكان
ساعدك ف التعرف ع ناس بتقدرها وتحترمها
وكان سبب فى زياده معلوماتك الفنيه واللغويه
تسلم عم امجد بقى وبعدين ليا نصيب ف خزنة دمعه

[رآقيہ بأخلاقـى]

حلو اوى الموضوع يا استاذ امجد
عجبنى حماسك وطريقة كلامك
وهو فعلاً كلام صحيح مواقع التواصل شغلت الناس
بس اللى عاش فى المنتدى ده بقى من الصعب يبعد عنه
وانا بتكلم عن نفسى مبقتش احب الفيس ولا اتواجد عليه كتير
وعلشان كدة قفلت الاكونت بتاعى كمان مالوش لازمه
اهم حاجة ان روح المحبة والاحترام المتبادل يكونوا موجودين بين اعضاء المنتدى
هو ده السبب فى استمراريه المكان والرقى بيه ولازم النشاط
واحترام أرآء بعضنا البعض .. ربنا يبارك فى منتدانا
ونشوفه اعلى منتدى فى الانترنت كله
كل عام والجميع بخير وسلام

[اذار .]

كل الشكر اكيد للناس الي تعبت عليه ،
و ربنا يوفق الجميع ، و من افضل ل افضل ان شاء الله ،
و يبقوا دايما بالنشاط دا .

شكرا امجد ،

[(طائر الشرق)]

ربنا يصلح الحال

ويفضل والود والأحترام والود هنا عنوان

والأعضاء فرحانين مبسوطين مالين المكان

ويفضل منتدانا لرقى بوابة وعنوان

والكل يعيش فى خير وأمان

--------

كلام جميل ياعم امجد

شئ مش جديد عليك ياغالى

أن شاء الله نصلح الحال للأفضل

خالص دعواتى

[العاشق الذى لم يتب]

ان شاءالله بنات مصر
سيظل عظيم وراقى وعالى
اولاباعضاءه العظام
وادارته العظيمه
ومهمايكن من كبوات او مقاييس
سيبقى بنات مصرفى مقدمة وطليعة الارقام
حيث التقدم والرقى
وستعود له روح التواجد والنشاط كما كان وزيادة
بركة روح المودة والتسامح اللى موجوده فيه
كل الشكرامجد
كل عام والجميع بخير