دبس اللي بعدك :) واعرف يومه ازاي ههههههه

[Dr. AnOosHo]

السلام عليكم .. وجمعه خير عليكم يارب

توبيك سريع مش محتاج تنسيق وهيدر وايطار وهشتك هشتك

لان من الاخر كده الموضوع وراه تدبيسه حلوة واهو نعمل شويه جو في اليوميات


بس شرط ان كل اللي يدخل يكون صريح وميقولش غير الصراحه.

الفكرة حنكلم عن 6 نقط عن حياتنا اليوميه .. كل واحد حيدبس التاني ويبعتله رساله عشان يعرف انه مدبس

اللي حيدخل حيجاوب على دول

اول مبيصحى يومه بيبدا ازاي ؟؟ بيكون مكشر وقاعد سنه ع السرير متنح على ميفوق ولا نشيط ووشه مبتسم

تاني حاجه .. بيغسل سنانه كل يوم وهو بيغسل وشه زي معلمونا اهلينا واحنا صغيرين ولا بينفض وبياكل لبانه بالنعناع اسهل واسرع

تالت حاجه .. وانت خارج من البيت بتقرا دعاء الخروج ولا متعرفوش اصلا

رابع حاجه ... شرابك اللي بتلبسه بيكون فرده وفرده او مكرر باليومين والتلاته نفسه .. اصله مستخبي ومحدش حيدخل يشم رجلي هههههه ولا حيشوفه لونين !! ولا بتلبس كل يوم شراب جديد

خامس حاجه ... لما ترجع البيت من الكليه او الشغل وتبقى هلكان وطالع عينك وحران .. تقلع هدومك وترميها على الكرسي و تسيب بنطلونك على الارض ولا بتشيل وتحطه في مكان الغسيل و تعلق هدومك ؟؟



سادس حاجه .. لما تتغدى وتتسطح بقى ع السرير والمروحه ولا التكيف شغال وفي ايدك كوبايه شاي او عصير .. بتشربها وتقوم تشيلها على طول ولا بتركنها جنب السرير لحد متدخل تحته ومتتشالش لسنه قدام

دي الاساله اللي المفروض حنجاوب عليها لما ندبس

وكل خمسه يعدوا حنعمل استطلاع مين اكتر واحد حسيته صريح في الخمسه اللي ادبسوا ... في توبيك لوحده واللعبه هنا شغاله عادي

واكتر واحد صريح في كل 5 .. له هديه ممبزة

ها ابدا انا وادبس ....

El magic احمد