موقف محمود الصاروخ من النادي الاهلي !

[محمود الصاروخ]

السلام عليكم ورحمه الله وبركاته
اعضاء ومشرفين واداره وزوار منتدانا الغالي بنات مصر
أهلا ومرحبا بكم

في البدايه بعض الاشخاص في منتدانا الغالي حينما طرحت موضوع
بعنوان انه الزمالك ياساده اعتقد الجميع بانني أريد ان انشر التعصب
بين الاهلاويه و الزملكاويه ولكن قسما بأني لم اقصد ذلك تماما

كما قلت من قبل في موضوع لي بأن مواضيعي قد تكون حماسيه
لعشقي للزمالك ولا يوجد بها أي استفزاز أو خروج عن النص
ومواضيعي وأيضا هذا الموضوع أكبر دليل علي ذلك

زملكاويتي دائما تدفعني اللي ان اقول ما أراه حق
ودائما أحب جميع الانديه في كل مكان وأعشق جميع الوان كرة القدم
في هذا الموضوع سأتحدث بكل صراحه وبكل صدق عن النادي الاهلي

لان بكل بساطه وبكل وضوح ليست هناك مشكله بيني وبين اسم الاهلي
انا فقط أكره بعض الاشخاص العاملين في النادي الاهلي وأكره بعض
الاشخاص اللذين يريدون إشعال الفتنه داخل أراضي الوطن
من خلال لعبه كره القدم !

الفتنه نائمه ولعن الله من يريد نشرها !

لن أتحدث بشكل عام علي النادي الاهلي في هذا الموضوع
وأيضا ليس لشرح خطه الاهلي ولا التكتيك من العمق والاطراف
الموضوع الذي اتحدث عنه أكبر من هذه الامور

الموضوع بكل بساطه ان لابد أن القي النظر علي هذا الامر الغريب
في هذا الاسم الاهلي

الاسم الذي أراه يمر بكافه المحن والصعوبات
ولكنه في النهايه يمر بكل نجاح ويتخطي الصعاب

برغم ما اقترفه فيه جاريدو من كوارث فنيه
وبرغم كل المشاكل الاداريه التي يعيشها
وأيضا برغم حاله الانشقاق التي أراها دبت في أوساط جماهيره
وبرغم نظرة عدم العدل التي ينظر بها اللي مدربه السابق فتحي مبروك
وأيضا حالة عدم الرضي لمدربه الحالي والجديد بيسيرو
وبرغم الحاله الغير متزنه التي يمر بها لاعبيه
فتاره تراهم في مستوي جيد وتاره أخري تراهم في حاله سيئه للغايه
الا ان الهدف في المواقف الصعبه يتحقق للأهلي !

لماذا اقول ذلك ؟! لانني بكل بساطه سأذكركم جميعا ب مباراه جميله
ومن شده اعجابي بأداء الاهلي في هذه المباراه مازلت متذكرها حتي الان

مباراه الاهلي أمام النادي الافريقي التونسي في دور ال 16 من الكونفدراليه
كانت المباراه في وسط عدد لا يقل عن 60 الف مشجع تونسي

يا الله علي أجواء تونس انها صعبه للغايه علي أي فريق
ان اجواء تونس ياساده تبث الرعب في قلوب المنافسين
أجواء تونس تذكرني باستاد القاهره حينما أطلق عليه الافارقه
استاد الرعب الدولي

بدأ الاهلي المباراه و استقبل هدف في مرماه في أول 5 دقايق
ثم يصاب حارسه الاساسي ثم يتعادل ثم يتعرض لأبشع انواع الظلم التحكيمي
ثم يقبل هدف ثاني في الثواني الاخيره ثم يلعب سيناريو ضربات الترجيح
ثم ينتصر الاهلي !

لابد أن نقف عند هذا الامر ونقول كم أنت كبير يا اهلي !
اقسم بربي أكتب هذا الموضوع بكل صدق وبكل أمانه
لأنني لم أكره اسم النادي الاهلي ولكن كما ذكرت أنا
أكره بعض الاشخاص العاملين بإدارة الاهلي
وبالفعل أتمني سقوط الاهلي لمصلحه فريقي الزمالك
وهذا يتمناه أي فريق منافس ولكن ليس معناه الكره أو نشر التعصب

خلاصه موضوعي !
الاهلي ليس مجرد فريق كرة قدم
الاهلي مثال لبذره جميله زرعت في أرض مصر
لم أكره اسم الاهلي ولا أريد نشر التعصب كما يظن البعض

انا رجل أعشق كيان الزمالك وأتمني أن اراه في القمه دائما
ومواضيعي عن الزمالك ليس معناها التقليل بالانديه المنافسه

أخر كلمتين !
الزمالك الان يمتلك أحسن لاعيبه في مصر وبشهاده الجميع
الاهلي الان يمتلك لاعيبه لديها إصرار علي الفوز دائما

وعندي امل كبير وكبير جدا ان منتخبنا المصري يصل لمونديال روسيا 2018
ونوصل امم افريقيا بكل سهوله وبكل بساطه

كل هذا بتشكيله الاهلي الساحره الباحثه عن الفوز دوما
وتشكيله الزمالك النادره و الاقوي في مصر في الوقت الحالي

مصر !
لديها مواهب كثيره ومحترفين
وأري ان قائمه منتخب مصر ستنتعش باللاعبين الفتره القادمه
بقياده مدير فني أجنبي وهو كوبر !

أتمني اكون وصلت وجهة نظري والجميع فهمني
محمود الصاروخ

[Hearts Whisper]

موضوووع راااقي جدا جدا يا محمووود
بجد كنت مستمتعة وانا بقرأ وبحيييك علي كلااامك
تسلم .. تم التثبيت ^^

[۩۩ elMagic ۩۩]

الاهلى والزمالك قطبي الكوره المصريه
اى شئ ايجابي يحصل لكل فريق فيهم
لازم دا هيبقى في صالح المنتخب المصري
لما الاهلى بيلعب مع الزمالك
هنا بتلاقي لكل فريق جمهوره الخاص
وانما لما الموضوع بيخرج بره حدود البلد
واى منهم يتحدي اى فريق من بلدان اخرى
لازم بيكون انتماءك للى بيلعب لصالح بلدك
زي ما انت شايف ان يوجد البعض من اداره الاهلى سيئين
فا محدش ينكر سوء اخلاق مرتضى رئيس الزمالك
عمتا الدورى المصري خلاص هيبدأ
ونتمنى نشوف كوره مصريه حلوه من جميع الانديه
وع رأسهم اكيد قطبي الكوره المصريه
تسلم لموضوعك

[محمود الصاروخ]

اقتباس المشاركة الأصلية كتبت بواسطة hearts whisper موضوووع راااقي جدا جدا يا محمووود بجد كنت مستمتعة وانا بقرأ وبحييبك علي كلااامك تسلم .. تم التثبيت ^^

مرورك شرف لي والله
ربنا يخليكي يارب
منوراني دايما كده

[محمود الصاروخ]

اقتباس المشاركة الأصلية كتبت بواسطة ۩۩ elmagic ۩۩ الاهلى والزمالك قطبي الكوره المصريه اى شئ ايجابي يحصل لكل فريق فيهم لازم دا هيبقى في صالح المنتخب المصري لما الاهلى بيلعب مع الزمالك هنا بتلاقي لكل فريق جمهوره الخاص وانما لما الموضوع بيخرج بره حدود البلد واى منهم يتحدي اى فريق من بلدان اخرى لازم بيكون انتماءك للى بيلعب لصالح بلدك زي ما انت شايف ان يوجد البعض من اداره الاهلى سيئين فا محدش ينكر سوء اخلاق مرتضى رئيس الزمالك عمتا الدورى المصري خلاص هيبدأ ونتمنى نشوف كوره مصريه حلوه من جميع الانديه وع رأسهم اكيد قطبي الكوره المصريه تسلم لموضوعك

الموضوع لتوضيح بعض النقاط زي ما قولت أماجيك
وبالفعل مصلحه منتخب مصر رقم واحد وفوق أي نادي
أما بخصوص موضوع لصالح اللي بيلعب لبلدي
انا هختلف معاك في النقطه دي لان
الانتماء لمنتخب مصر فقط ثم ناديا
ومعني ان مثلا لو الاهلي بيلعب مع فريق زي اورلاندو
من حق مشجع زملكاوي يشجع اورلاندو و مشجع اهلاوي نفس الكلام مع الزمالك
ما دام في حدود الادب وعدم الخروج عن النص
لان البطوله وقت ما بتيجي بتيجي تحت اسم الاهلي و الزمالك
مش اسم مصر اكيد فاهمني
المهم يكون بعيد عن التعصب
وبدون خروج عن النص

أما بخصوص مرتضي منصور رجل الانجازات في الزمالك
انا لما بتكلم عن مرتضي منصور بفصل بين
مرتضي منصور رئيس الزمالك ومرتضي منصور رجل النظام
مرتضي منصور رئيس الزمالك راجل ناجح و عامل كتير للنادي
ومحدش يقدر ينكر الكلام ده

الغرض من موضوعي ان انا عمري ما فكرت انشر التعصب
ولا أرد علي تعصب ب تعصب زي ما ناس كتير فاكره
انا مبكرهش الاهلي انا بكرهه بعض الاشخاص في الاهلي
وبكره كل واحد عايز يشعل الفتنه من جديد !

بدايه قويه للدوري ان شاء الله
واتمني ان يستقر الاهلي سريعا وان يظل الزمالك قويا
وان يعود الاسماعيلي و انبي والمقاصه

والاهم ان يعود الجمهور اللي المدرجات
لمشاهده دوري أقوي و امتع

نورتني أماجيك
وبالتوفيق لمنتخبنا المصري قيما هو قادم

[الفيلسـوف]

باحوده انا عارف انك شخص مخلص اوى للنادى حتى نقدك بالنسبه للنادى بسبب الفنيات لكن كره النادى او تعصب لا طبعا ولا انكر انى الموضوع جذبنى انى اكمل كله لك منى كل الاحترام والتقدير شابو لموضوعك ياكبير مافات قد بات الزمالك بطل الدورى وكاس مصر عن استحقاق وجداره والاهلى بطل السوبر ف ظروف قاسيه مرت ع الجميع بصعوبه وننتظر ف الدورى الجديد متعه وكوره افضل

[Fatma eissa]

توضيح كويس وتمام
ويدل انك ديمقراطي
تسلم علي طرحك الرائع

[فداااااااااااء]

لو كل مشجع يحب ناديه ويعشقه زى ما هو عايز
بس يحترم الأندية الأخرى حتى المنافسة ليه وغريمه
كانت المباريات تكون روعة
التعصب الخارج عن الحدود خسر الملاعب متعة التشجيع
سلمت اخى محمود لروعة طرحك

[محمود الصاروخ]

اقتباس المشاركة الأصلية كتبت بواسطة ƧĀƉ_ĿŌ∀Ē باحوده انا عارف انك شخص مخلص اوى للنادى حتى نقدك بالنسبه للنادى بسبب الفنيات لكن كره النادى او تعصب لا طبعا ولا انكر انى الموضوع جذبنى انى اكمل كله لك منى كل الاحترام والتقدير شابو لموضوعك ياكبير مافات قد بات الزمالك بطل الدورى وكاس مصر عن استحقاق وجداره والاهلى بطل السوبر ف ظروف قاسيه مرت ع الجميع بصعوبه وننتظر ف الدورى الجديد متعه وكوره افضل

حبيب قلبي ياحوده
بالفعل زي مانت قولت كده واكيد كل واحد مننا عاشق لكيان
سواء أهلي او زمالك او اسماعيلي او محله الخ !

كل واحد لابد ان ينتقد الفنيات كما شاء
ما دام الانتقاد بعيد عن التعصب أو الخروج عن النص

الدوري هيبدأ بكره بمشيئه الله وهنشوف كرة قدم ممتعه
من جميع الانديه المصريه بعووون الله

منور ياحوده

[محمود الصاروخ]

اقتباس المشاركة الأصلية كتبت بواسطة fatma eissa توضيح كويس وتمام ويدل انك ديمقراطي تسلم علي طرحك الرائع

تسلمي فاطمه علي مرورك الأروع
منوراني دايما كده وبفرح بردودك الجميله
تسلمي بقن