تنشك فى معاميعك يالى مش تضغط لايك

[big bốss]

" يارب تنشك فى معاميعك الى يشوف الموضوع و يبعتلى تقييم

و يقول الحمد الله "

" اقسم بالله هرد على الموضوع لعلمك انت اقسمت "

" اسم البيج بوص هيجيب كام لايك 😂 "

كتير من البوستات دى منتشره فى الفيس كلها عن الاسلام

و النبي محمد ، للاسف احنا شطار اوى فى استغلال الدين

فى جذب الناس و عمل اى حاجه احنا عايزينها و استعطافهم

باسم الدين ، و اختزال الصلى ع النبي و الله و الاسلام فى لايك

و كان دا هو الى بيعبر عن اسلامنا و اللطمه الكبرى بتقع على

عاتق الى بيرد و ينساق وراء الفراغات العقليه دى و اللعب على

ووتر الدين ، باي حق و باى قانون تدنى مستوانا الايمانى

الى قاع الوحل الفكرى الذى امتلىء بضعاف النفوس

ان كان حال مصر يبكى و ما و صل اليه المصريين

فحال الاسلام يرثى له ايضا

فالمفاهيم الخاطىء انتشرت و البدع تفشت و كل بدعه هى ضلاله

و كل ضلاله هى فى نار

الاسلام ارقى و اكبر من ذالك فلماذا يغوضه البعض فى اشياء عابثه

لا تستحق و لا يكترث لها .

حتى عقليا كدا لما تخلى واحد يحلف جبرا و هو مش عارف

ازاى هتلزمه بقسمه و علشان ايه

ان كان هذا هو ديننا و نحن من نبعث به

فماذا تركنا للاخريين ؟

انه حقا التدمير الذاتى لكل مبادىء الايمان التى توراثنها فقط

لانه لو كان هناك عقليه و تفكير ما كان عبث احد فى شىء

لا يبعث فيه اطلاقا

اللهم لا تؤاخذنا بما فعل السفهاء منا

دمتم بود

[ايمان طلعت]

اللي بيعمل كدة بيفتكر انه عمل حاجه كويسه
ومش عارف او مش بيفكر ان كان صح ولا غلط
والرسايل والبوستات اللي زي دي كتيررررة اوي
وانشرت بسرعه البرق
المفروض يكون فيه وعي اسلامي
وفهم ان الدين مش كدة
ولا انك تدعي للاسلام كدة
فيه طرق تانيه لنشر الاسلام
لكن قله او انعدام الدين بيخلي الناس تعمل اي شئ دون تفكير
تحياتي

[big bốss]

اقتباس المشاركة الأصلية كتبت بواسطة ايمان طلعت اللي بيعمل كدة بيفتكر انه عمل حاجه كويسه ومش عارف او مش بيفكر ان كان صح ولا غلط والرسايل والبوستات اللي زي دي كتيررررة اوي وانشرت بسرعه البرق المفروض يكون فيه وعي اسلامي وفهم ان الدين مش كدة ولا انك تدعي للاسلام كدة فيه طرق تانيه لنشر الاسلام لكن قله او انعدام الدين بيخلي الناس تعمل اي شئ دون تفكير تحياتي

انعدام الثقافه الدينيه هو سبب انتشار البدع دى

و اندثار الوعى الدينى

و انشغال الخطاب الدينى بالسياسه

نورتى ايمان

[۩۩ elMagic ۩۩]

الجهل والتخلف واصل للركب
ربنا يهدي العباد بقى

[دمعه حائره]

جهل وتخلف وتجاره لجمع الليكات والتفاعل
ومفروض نمتنع عن المنشورات دى
عشان يعرفوا انها من غير فايدة
موضوع مهم تسلم نور

[حـيـــــآة ❤]

ﻷ ده غير ال يجيلك ع البرامج التليفونيه زي الواتس
انشر مش عارف ايه هتسمع خبر كويس بعد خمسايه
وكله تحت اسم الدين
وربنا فضايح
ربنا يرحم
ويهدي

[فداااااااااااء]

هى تجارة
فيه اللى حسن النية لاجل الدين ولكنه يخطئ الفعل
وفيه اللى يقصد لغرض صفحته فقط
الأمر أصبح سيء
ومهما تنصح
كلامك بيلقوه عرض الحائط
سلمت اخى بيج طرحك القيم

[bobaOo]

في ناس بتكتب الحجات دي متعمدة قاصده ..

وبيحصل شير بئا بين الناس..

وبيفتكروها حاجه حلوة..
وده بيرجع لقلة المعرفه بالدين..

ربما يهدي الجميع..

تسلم ايدك ي نور..

تحياتس

[Steve Austin]

تصدق نفسي اشوف موضوع زي ده من يوم ما عملت اكونت فيس ^^

اغلبهم ناس بتكسب على قفانا .. يعني جوجل بتكسبك كصاحب موقع او صفحة 1.5 $ عن كل 150 مشاهدة ف اي موقع

احنا ما بنخسرش حاجة غير التلاعب بعقولنا وان كان بسيط

[Fatma eissa]

هما بيتو أسلوب خاطئ
فكرية من خلاله انه
يجذب الواحد
أو يمكن افتكر انها تعتبر
من ضمن دعايه
زي مثلا لو بتحب ربنا
ولو بتحب الرسول
علي اي اساس ممكن يقاس
الحب بده مش عارفه
كل ده كلام فارغ
تسلم علي طرحك القيم ومميز