قضية التعليم والزواج والموازنه والموائمه بينهما

[ابن الحتة]

التعليم حق اصيل للبنت زى الشاب وانا ارى ان تعليم البنت اهم لانها ستكون مسؤوله عن اسره فى المستقبل تعالوا نحسب مراحل التعليم الاجبارى عندنا
دخول الابتدائى 6 سنوات
دخول الاعدادى 12 سنه
دخول المرحلة الثانويه 15 سنه
سن الالتحاق بالجامعه 18 سنه
التخرج من الجامعه بين 22 -25 سنه
دى مراحل التعليم اللى المفروض نقضيها
البنت تكون بالغه فى المرحله الاعداديه وتكون مراهقه
البنت فى المرحله الثانويه تكون ناضجه كتفاحه حلوه وينظر اليها العرسان
البنت فى سن الجامعه تكون استوت عمرا وتعليما ونضجا وتعتمد على نفسها
فى قرارات مصيريه
البنت تكون هنا من اواخر الثانوى حتى التخرج من الجامعه تكون مطلوبه وخطابها كتير
بعد ذلك يبدا الحظ يعاند اى فتاه فتبدا الفتاه هذه ان تواصل تعليمها :ماجستير ودكتوراه واصبحت اكثر وجاهه واعلى تثقيف وتريد عريس تفصيل يليق بها
وحيث لا يوجد الا قليلا فتبقى الفتاه فى حيره
انها معادله صعبه
متى يتم خطوبتها ؟؟
هل تنخطب وهى تتعلم؟ ام ترفض حتى تنتهى من التعليم؟
وهل ترفض العريس اللقطه بحجة التعليم؟
ام توافق بشرط مواصلة التعليم عند زوجها
اسئله كثيره تلوح فى راسى والاجوبه عندكم يا بنات مصر يا حلوين
والموضوع مستمر خد وهات بالاقناع حتى نطلع بنتيجه معقوله

[bobaOo]

هيا شهاده ف الاول وف الاخر

ي جوزها يخليها تشتغل ي ميخليهاش

اما بالنسبه للتعليم

انا شفت ناس كتير اتجوزو وجوازهم قالولهم يكملو بس دخلو عش الزوجيه من هنا وقعدو والغريبه برضاهم متفهمش ليه

الماجستير والدكتوراه بياخدو من سنين البنت كتير اوي
من رأيي الي عايزة تكمل وتعملهم مترتبطش او ترتبط ب زميلها زيها او حد اعلى منها

لانها لو اتجوزت وكملت ماجستير ودكتوراه وهيا متجوزه صعبه جدا
بس اكيد في ناس شاطرة بتعرف توافق وتعملها

تسلم ايدك
تحياتي

[الأميرة رودي]

بترجع لدرجه قناعه الشاب اللى هترتبط بيه بالمبدأ نفسه.
ممكن يوافق ويشجعها أنها تكمل مشوار تعليمها وهى فى بيته.
وشاب تانى يرفض
فى النهايه اﻻغلبيه بقت تتعلم وتقعد فى البيت
صعب أن البنت تضحي بإنسان مناسب علشان تكمل تعليم مش هيفيدها اصلا .
لكن ممكن تضحي بتعليم وشهادات مش هتمثلها مستقبل فى يوم من اﻻيام بل بالعكس هتتعلق على الحيط.
احنا فى بلد حتى لو فيها شهادات عالية وعقول متميزه فهى لها ناس ناس.

طرح قيم تسلم

[ابن الحتة]

	صعب أن البنت تضحي بإنسان مناسب علشان تكمل تعليم مش هيفيدها اصلا .

اتفق معاكى كل الاتفاق

[ابن الحتة]

	هيا شهاده ف الاول وف الاخر

نعم شهاده وخلاص
يبقى الزواج افضل
انا شايف كداااااااااا
زى ما حضرتك شايفه

[big bốss]

خدها قاعده

البنت بتكمل تعلمها ماجستير و دكتوراه فى حالتين فقط

اما تكون جميله و متأكده انها هتتجوز و مش هتعنس

او تكون مش جميله و مفيش حد متقدم لها فتضطر تكمل تعليك لغايت ربنا يفرجها

غير كدا هتلاقى البنات اخرهم دبلوم او كليه فقط

و عمتاً البنت بدح و دح و اخرها المطبخ

موفق ،،،

[ابن الحتة]

big bốss
شرفت برايك السديد

[(طائر الشرق)]

عندما يأذن الله لها

يتوقف كل الكلام

دعواتى