يلا نغير القسم ^^

[αЛαstoOorα]

بصراحه بقالي فترة كبيرة بشوف قسم الآسلاميات مهجور من آي نشاط

كلنا مقصريين ف آهم قسم من وجهة نظري جوة المنتدي ودا شيئ مش كويس

لما آقسام الترفيه واللعب والمسابقات يكون عليها تفاعل ومفيش مننا كا

آعضاء آي آهتمام بالقسم الآسلامي

زي ما كلنا بنشارك ف مسابقات وبناخد جوايز هنا لو شاركنا ولو

بموضوع ف اليوم برضه هنساهم ف آفادة كتير وهناخد برضه جوايز

بس جوايزنا هنا هتكون آجر من عند المولي عز وجل علي اللي

ممكن ننزله ونفيد بيه آي حد مسلم متهيآلي لو كلنا عملنا حمله

تطوعيه لتنشيط القسم الآسلامي وكل واحد فينا كل يوم

نزل موضوع مفيد آو تفاسير آو قصص دا هيكون لي شآن كبير

وف نفس الوقت المشاركات والردود يعني لما حد ينزل حاجة

كلنا نخش نستفيد منها وندي الكاتب حق مجهوده ف الرد

آنا شايفها عيب ف حقنا بصراحه آننا نلف الآقسام كلها كل يوم

ومنخشش نعمل ولو مشاركة ف القسم الآسلامي

مش شرط نكون بنصلي ومش شرط نكون دعاه للفضيلة والدين

بس آهو نساهم ولو بحاجة صغيرة ممكن تفيد آي حد غيرنا

ف سيرج او بحث معين بيدور عليه ويلاقيه من خلال واحد فينا

آنا آول واحد منكم هشتغل علي حملة تنشيط القسم الآسلامي
تطوعاً مني للمولي عز وجل في آفادة آي حد مسلم
مين معايه؟

[Dr. AnOosHo]

انا معاك ان شاء الله ... مع اني مش بحب لان ساعات كتير بيكون المكتوب غلط او في حديث مش صحيح وانا بنقل بس معاك ان شاء الله

وححاول اتحرى ان شاء الله على قد ماقدر

تسلم ايدك

[Just Ahuman]

كلامك مظبوط يا منشاوي بصراحه ومش هختلف معاكـ في أي حاجه القسم محتاج تنشيط والمنتدي كله محتاج تنشيط بصراحه أنا شايف فيه أقسام شغاله كويس أوي وأقسام شبه مهجوره ..
وبالنسبه للقسم هنا أنا عن نفسي مُلتزم بإضافة موضوع أو إتنين كل يوم .. في إنتظار مُساهمات جميع أصدقائنا .. وأنا معاك فى أي حاجه إن شاء الله

[انجي_1]

معاك ان شاء الله
تسلم

[حـيـــــآة ❤]

الله فكره جميله
كمان ممكن ننظم جدول
كلنا نكتب موضوعين للي يقدر كل يوم
وب الاخر هنلاقي حصيله جميله
وربنا يباركلك ويجازيك خير فارس
معاك اكيد باذن الله

[حـيـــــآة ❤]

يلا انا اشتغلت
ورونا شغلكم وربي يجعله ف ميزان حسناتكم

[توحد ارواح]

بالفعل المفروض الاسلامي يكون له اهتمام وعناية خاصة
مجهود جميل منك ا/المنشاوي
جزاك الله خيرا
وجعله الله في ميزان حسناتك

[العاشق الذى لم يتب]

جميل يامنشاوى
جزاك الله خيرا
وانامعاك ان شاءالله

[حافظة القرآن]

فعلا عندك حق
المفروض يبقى فى نشاط فى القسم دة بالذات كمان
فكرة جميلة
ان شاء الله نحاول نعمل حاجة
وربنا يجازيك خير
تسلم