آه يا توكتوك ..

[Just Ahuman]

التوكتوك .. يعني إيه توكتوك



أيووون هو البتاع ده .. التوكتوك هو فى الأصل أحد هدايا دول آسيا لمصر وبالأخص الهند وهي أول من صنعت التوكتوك .. وتلاها الصين واليابان.. و طبعاً إحنا مبنحبش نكسف أخواتنا الآسيويين فقولنا نستورده ونملي بيه الشوارع

التوكتوك وسيلة مواصلات تتسع لشخصين فى الخلف ولو لزقناهم وحشرناهم فى بعض يبقو تلاته ..

المُشكله بقي هنا مبقتش فى التوكتوك اللي بقي مالي جميع أنحاء جمهورية مصر العربيه بالكامل .. المُشكله بقت فى اللي بيسوقو التوكتوك ودول متقسمين لأنواع

الأول : عيل صغير مكملش الـ 10 سنوات وده فى الغالب أهله بيكونو مخرجينه من التعليم فبيروح يشوف أي صاحب توكتوك ويركبه وزي ما تيجي تيجي مع إن السن ده لا يصلح لقيادة شئ غير الدراجه "العجله بالبلدي" وبيبقي فرحان بالكام جنيه اللى بياخدهم من صاحب التوكتوك آخر اليوم لأنه فى النهايه مهما كان طفل برضو

الثاني: شاب صايع شكله غلط واخد ف وشه ييجي 30 أو 40 غرزه وتحس إن بوقه هيوصل لودنه وهو بيتكلم من كتر ماهو عاوج بوقه ومشغل طول اليوم مهرجانات ومقضيها جمايل مع حبايبه يوصل ده ويجيب ده.. ويعاكس دي وهي ماشيه ويشتم ده وهكذاا .. وده مش فارق معاه الفلوس أهم حاجه يقضي وقت لطيف بيتسلي يعني

الثالث: شاب خريج كليه أو أى مؤهل زهق وفاض بيه وقال يجيب حاجه تساعده على المعيشه وأهو قرش حلال أحسن ما يعمل حاجه غلط وده بقي النوع الغلبان اللي بيعاني مع النوعين اللي قبله لأنه فى الغالب بيبقي غلبان ومش عارف يتعامل مع الأشكال دي

السؤال هنا بقي هل أنتو مُقتنعين بالتوكتوك كوسيلة مواصلات ؟

هل حصلت معاكم مواقف أو مُضايقات فى أي وقت من الأوقات مع الوسيله اللطيفه دي ؟

أسأله كتير أنا عايز كل واحد يتكلم عن الإختراع العجيب ده زي ماهو حابب .. فى إنتظار تعليقاتكم

[۩۩ elMagic ۩۩]

ي عم لو لزقناهم وحشرناهم في بعض هيبقى 10
الرقم دا ميظهرش في التوكتك الا في ماسر
هو كاختراع حاجه جميله
بس بقى منتشر زي خلية النحل
انت دلوقت بقيت بتعانى من المشى في الشوارع مش انك تركب توكتك
من الزحمه ووسائل الواصلات اللى كترت
وطبعا السواقين لا عزاء
اللى بيركب دلوقت بيبص الاول ع السواق وهو جاى من بعيد
لو راجل كبير بيوقفه
وغير كده روح الله يسهلك يابنى
مافتكرش ان واجهتنا مشاكل مع التكاتك
البلد اوضه وصاله مش مستاهله مواصلات
واما بتنزل المحافظه بتعيش بقى فا لميكروباصات
يبقى نزل موضوع عن الميكروباصات بقآ
تسلم يا معلم

[Lamees]

لأ طبعاً انا مش مقتنعه بيه خالص
هو حاجة كده بهدلة
كمان مش أمان
كمان بصراحة انا بتحرج منه
وكمان الأهم بقى أجرة التاكسي عندنا ارخص منه
ليه اركب توكتك بـ 5 جنيه
انما ممكن اركب تاكسي بـ 4 جنيه بس ^_^

شكراً للطرح

[bobaOo]

ربنا يخلي عربيه بابا
وفي حال سفر بابا
ربنا يخلي عربيه عمو

تسلم ع التوبيك
ربنا يبعدنا عنهم

[انجي_1]

بص انا كزا مرة قلت راي في موضوع التوك توك ده
انا شيفاها وسيلة مواصلات غبية جدا
وبعدين شكلها مش حلو وفوضوي جدا وبيشوه شكل المدينة او البلد
يعني مثلا وانت وقف ف مكان عالي وبتبص على المدينة هتشوف ان مدينتك مليانة حجات سودة صغيرة ومشوهة المكان
عمرك شوفت دولة متقدمة تعتمد على التوك توك كوسيلة مواصلات ؟
ابدا
انا بصراحة ضد فكرة التوكتوك دي
مش حلوة ومزعجة وحل فاشل
الاحسن يتم استبدالها بطاكسيات كبيرة وصغيرة واتوبيسات
ده الافضل والحل الانسب لاي بلد يحب يواكب التطور ويكون من الدول الكبرى المتقدمة
الحمد لله اننا ف المغرب معندناش وسيلة النقل دي

[رآقيہ بأخلاقـى]

والله طول ما انا ماشية فى الشارع بشتم فيهم فى سرى
بسبب الازعاج اللى بيعملوا طول ما هما ماشيين بيفضلوا يزمروا
على اساس انى عايزاهم بس ناسيه او انا طرشه مثلاً
ده غير انه بيبقى 5 جايين فى وشى ويزمروا و10 جايين من ورايا وبردو نفس الموضوع
يعنى حاجة بقت خنقه خالص ببقى نفسى اقولهم حاجة واحدة بس انى مش عميه ولا طرشه
ده غير الحوادث اللى بتحصل منهم ومن بلاويهم وعلى رآي رونى ليه اركب توكتوك بـ 5 جنيه
لما ممكن اركب تاكسى بـ 3 جنيه والله لو نفس المسافة وفعلاً شكلهم يكسف
بس فى ناس كتير اوى بتحبهم وبتفضلهم لانها وسيلة سهله بالنسبة ليهم
ربنا يرحمنا منهم لاننا تعبنا بقى

[ابو نصير]

اقتباس المشاركة الأصلية كتبت بواسطة just ahuman التوكتوك .. يعني إيه توكتوك أيووون هو البتاع ده .. التوكتوك هو فى الأصل أحد هدايا دول آسيا لمصر وبالأخص الهند وهي أول من صنعت التوكتوك .. وتلاها الصين واليابان.. و طبعاً إحنا مبنحبش نكسف أخواتنا الآسيويين فقولنا نستورده ونملي بيه الشوارع التوكتوك وسيلة مواصلات تتسع لشخصين فى الخلف ولو لزقناهم وحشرناهم فى بعض يبقو تلاته .. المُشكله بقي هنا مبقتش فى التوكتوك اللي بقي مالي جميع أنحاء جمهورية مصر العربيه بالكامل .. المُشكله بقت فى اللي بيسوقو التوكتوك ودول متقسمين لأنواع الأول : عيل صغير مكملش الـ 10 سنوات وده فى الغالب أهله بيكونو مخرجينه من التعليم فبيروح يشوف أي صاحب توكتوك ويركبه وزي ما تيجي تيجي مع إن السن ده لا يصلح لقيادة شئ غير الدراجه "العجله بالبلدي" وبيبقي فرحان بالكام جنيه اللى بياخدهم من صاحب التوكتوك آخر اليوم لأنه فى النهايه مهما كان طفل برضو الثاني: شاب صايع شكله غلط واخد ف وشه ييجي 30 أو 40 غرزه وتحس إن بوقه هيوصل لودنه وهو بيتكلم من كتر ماهو عاوج بوقه ومشغل طول اليوم مهرجانات ومقضيها جمايل مع حبايبه يوصل ده ويجيب ده.. ويعاكس دي وهي ماشيه ويشتم ده وهكذاا .. وده مش فارق معاه الفلوس أهم حاجه يقضي وقت لطيف بيتسلي يعني الثالث: شاب خريج كليه أو أى مؤهل زهق وفاض بيه وقال يجيب حاجه تساعده على المعيشه وأهو قرش حلال أحسن ما يعمل حاجه غلط وده بقي النوع الغلبان اللي بيعاني مع النوعين اللي قبله لأنه فى الغالب بيبقي غلبان ومش عارف يتعامل مع الأشكال دي السؤال هنا بقي هل أنتو مُقتنعين بالتوكتوك كوسيلة مواصلات ؟ هل حصلت معاكم مواقف أو مُضايقات فى أي وقت من الأوقات مع الوسيله اللطيفه دي ؟ أسأله كتير أنا عايز كل واحد يتكلم عن الإختراع العجيب ده زي ماهو حابب .. فى إنتظار تعليقاتكم

حبيب قلبى
عارف ياميدو حاجه كده ليمونه فى بلد أرفانه
لك أن تتخيل أن تكون هذه ثقافة البلد ولك أن تتخيل أيضا أن تكون ثقافة الفكر
كالتوكتوك
ابو نصير
كل شىء عندنا بالعبيط توكتوك بالعبيط ميكروباس بالهيله قوانين بالزوفه
تشرع لأصحاب المال فقط العيب موش على التوكتوك والعيب على من جاب العار للبلد
منور
تقبل مرورى مان

[ندوشه 2011]

التوك دا حاجه ميه ميه خد دي يا توك توك يا متكتك كل الناس حبوك وعلي الوحده بيستنوك وايييييييه يا عم دا عمك شعبان عبدالرحيم غني له

[حازم34]

اقتباس المشاركة الأصلية كتبت بواسطة ندي2011 التوك دا حاجه ميه ميه خد دي يا توك توك يا متكتك كل الناس حبوك وعلي الوحده بيستنوك وايييييييه يا عم دا عمك شعبان عبدالرحيم غني له

حلوه الغنيه


هههههههههههه يسلموا ندي


شوف بقي انا عمري ما ركبته حقيقي ولا يمكن اركبه مش تكبر ولكن لو لي حكم علي ال صنعه

هعدمه في ميدان عام يمر عليه ثلاثه او اربع تكاتك مره واحد ه

اولا من الاناقه لما تخترع شئ يكون شكله جميل مريح للنفس

اني اشبهه بحشره من الحشرات فعلا ولما اشوفه في التليفزيون في شوارع مصر احزن وواقول هيا دي

ماسر

وعلي راي الاخت روني زي ما كان الاعلان بيقول وليه تركب توكتوك بخمسه جنيه لو عندك ليموزين باربعه جنيه


يمين بالله لو تحايل عليا ببلاش لا اركبه

واني اربا بالمسؤلين ال بيركبوا احدث انواع السيارات بمصر ان يفكروا في حل الموضوع بسرعه


والحكم بالاعدام علي كل التكاتك

وثانيا -- سائقي الاجره في مصر شئ يكسف اساسا ليس علي العموم طبعا

الاصول سائق الاجره يكون شص مثقف تحت نظر الدوله دائما

يكون لابس لبس نضيف جرافه وانيق ومهذب

دا الاصول ولو كنت مسؤل عن النقل بمصر لطبقت القرارت فورا

ولا داعي لتدخل المرور اطلاقا

في اداره امر المركبات المرور هو فقط للتعدي الامني

اتعاقد مع شركات مهمتها التنظيم واداره الاجره وسائقيها

المواصلات في الدول الغربيه غير

بل في بعض الدول العربيه غير

ولكن الفساد مستشري سيدي

وكما حكت الاخت علي استخدام بوق التنبيه عمال علي بطال ودا امر مقلق جدا

الامور تدار يا سيدي ترك الحبل علي الغارب لان الفساد يحكم

شكرا اخي

[countess]

وصفك لتلات انواع سواقين التكاتك

وصف دقيق

خصوصا الي خريج كليه مش عارف يعمل ايه يتعامل ازاي بس البطاله هي الي خلته يتجه لسواقة التكتوك

ربنا يصلح حال البلاد يارب

خمس نجمات محمود 👍