ننوس عين امه

[طبيب الهوى]

احنا بنحب ليه


عشان اسمه ايه


نَنوس عين أمه


كبر واخضر شَنبه


اختار عروسة حلاوة


تشوفوها تقولوا بقلاوة


وهي دماغها طراوة


ونقوله اما براوة


عيال خلفوا عيال


بالذمة يربوا اجيال


حرام ولا حلال


اب وام اطفال


فينك يا وهبىَ


بنت سلطح بابا


صوتت وقالت يابا


وسي السيد وامينة


بئوا نجوم سيما


راح الحب راح


وزاد الالم والجراح


حليم وفريد اشباح


وغنىَ الليثي وانشراح


وكفاية كده يا جبل


قبل البت ما تنهبل


ضل راجل ولا الخبل


ومحدش يقول جبت الكلام ده منين


ولا يقول ايه اللي بين القوسين


مفيش احلى من الهذيان


في عالم كله جنان


هذيان قلمي المجنون


أبو عصام

[فداااااااااااء]

هههههههههههههه

رائع اخى ابو عصام والله ضحكتنى

كل حاجة اتغيرت للسيئ ومفاهيم غريبة اساءت احوالنا اكتر
الله يرحمنا

تسلم ايدك اخى ويدوم خفة الظل

[Just Ahuman]

جميله جداً .. تسلم إيدكـ فى إنتظار جديدك دايماً

[الفيلسـوف]

انا كمحمود فصلت ضحك كنت محتاج موضوع زى ده يخلينى اضحك
تسلم الايادى يااابو عصام
جعلك الله دائما تدخل البسمه ف نفوسنا
اخى وحبيبى الغالى

[Fatma eissa]

حضرتك عارف الموضوع ده جه في وقته
لما تكون محتاج تضحك وانت في وسط أحزانك
أبدعت
تسلم ايدك

[حازم34]

الله عليك والله مبدع

كما انت دائما وجبت الكلام دا منين ههههههه


جميل والله ابو عصام شخصت الحاله المنتشره في كام كلمه جميله

اسعدتنا والله

[ايمان طلعت]

ننوس عين امه الواد
حب البت نهاد
عمل الفرح الواد
وجاب حماقي وفؤاد
وبعدسنه خلف سعاد
وبعدها جاب الواد
وطلعت عين امه
وحلف ماهي تاني تتعاد
وبعد ما شاب ابو سعاد
قال يارتني فضلت واد

مالي ومال الجواز
الحقيني ياما
ههههههههههه
معرفش انا كتبت ايه بقي
المهم يعني انت منور القسم

[السفيره عزيزه]

وكفاية كدا فعلا .واية اخرتها الحكاية
دا بيدندن على وتر حساس
ودا بيفرج عليها الناس
ودي ما استمرت لما اعلن الافلاس
ودا حب بصحيح بس وقفوا فى طريقة الناس

وكفاية يا جبل حامل على ظهرة فاس
حالف ليهد كل ال تبنى فى زمن ما عاد الجد اساس
يلا يا جبل هد واحنا معاك بكل حماس

وننوس عين امة خضنى لما شوفة
فاكر نفسة عريس وواقف مع ولفتة
ما هي شكلة طيب وكتفها فى كتفة
ننوس هيهرب منها ويلقي بعد كدا حتفة


مين دول بس يا طبيبنا
عرسان وحشة اقوي
بس يلا الفكرة وصلت وتسلم طبيب

دمت بكل الخير والسعادة
السفيرة.

[Doaa Hammam]

بجد بجد يسلم فمك

الواحد بيشوف النوعيات دى كتير

ولعلمك فيه كمان ننوس باباه و ننوس اخته

وننوس اخوه وننوس صاحبه .... كله موجود

وفيه نساء كده كمان


أجمل تحية لأجمل توبيك

سلمت يمناك

[طبيب الهوى]

اقتباس المشاركة الأصلية كتبت بواسطة فداااااااااااء هههههههههههههه رائع اخى ابو عصام والله ضحكتنى كل حاجة اتغيرت للسيئ ومفاهيم غريبة اساءت احوالنا اكتر الله يرحمنا تسلم ايدك اخى ويدوم خفة الظل

الحمد لله أن كلماتي كانت سبباً في ضحكتك يا مروة

وكما ذكرتِ أختي العزيزة

ميزان الحياة أختل وأصبح يميل للسيء فقط

الله يسلمك من كل سوء وشر آمين

ميرسي مروة مرورك الرائع وردك القيم

دُمتِ بود وَحُب وسعادة

أبو عصام