نمله دخلت ودانى جابت الهرش لدماغى

[ابو نصير]

نمله دخلت ودانى
هرشيتلى دماغى
نفسى فى حته جملى
ورجلين فخادى
وطرى على قلبى
بكوباية زبادى
واروح النادى العب اسكواش
واعمل فيه شب رياضى
وإيه يعنى هو ده العادى
وحكومه شغلتها التسئيف
والتنشيف لبلادى
***
نمله دخلت ودانى
هرشيتلى دماغى
مشوفتش فيكى يوم حلو
ولا حتى يوم ميلادى
كتبوا على البطاقه
اسمى واسم معادى
وامنجيه وحكومه حراميه
للفساد بتنادى
ولازم نئول ياشعب
تسلم الايادى
***
نمله دخلت ودانى
فرتكت دماغى
وانا من 60 سنه
كان نفسى أجوز عيالى وبناتى
واحنا راضين حتى بالزل
وأكل المش والفول الحراتى
**********
نمله دخلت دماغى
كركبت ودانى
هو انا علشان عايش
يبئى هو ده جزاتى
يابو نصير خليك فى حالك
وعاوز تاكول عيش
سئف وطبل وزمر
لأبو كاسين والفلاتى
وغنى وقول تسلم الأيادى
الكل يديلك تعظيم سلام
تتشال على الاكتاف وتشيلك بلادى
أبو نصير

[نجاة حسام]

واااااااااااايه فرتكا فرتكا

وليه نسقف ونطبل ماممكن نطنش

هههههههههههههههه اصل اولها زى اخرها
نتعب ليه ونتكلم وهرش الدماغ يشتغل
انا دماغى لسعه لوحدها هههههههههه

يابو نصير بجد بقى تسلم الايادى

[Lamees]

اللي كل دماغنا حقيقي
اللي بيحصل في بلدنا
اعجبتني استاذنا
في انتظار جديدك

[ابو نصير]

اقتباس المشاركة الأصلية كتبت بواسطة دموع الصمت واااااااااااايه فرتكا فرتكا وليه نسقف ونطبل ماممكن نطنش هههههههههههههههه اصل اولها زى اخرها نتعب ليه ونتكلم وهرش الدماغ يشتغل انا دماغى لسعه لوحدها هههههههههه يابو نصير بجد بقى تسلم الايادى

منورانى
صمت
ااجمل شىء فى الدنيا الدماغ السعه بطلع هرش فى بلد الهرش
ههههههههههههههه
يسلم المرور سيدتى
ابو نصير

[ابو نصير]

اقتباس المشاركة الأصلية كتبت بواسطة اطياف الماضي اللي كل دماغنا حقيقي اللي بيحصل في بلدنا اعجبتني استاذنا في انتظار جديدك

منوارانى
رونى
يسلملى مرورك وتواجدك
وربنا يهدى النفوس والأحوال للأصلح
ابو نصير

[شاعرة الرومانسيه]

تسلم ايديك أبو نصير

ننتظر جديدك

[ابو نصير]

اقتباس المشاركة الأصلية كتبت بواسطة شاعرة الرومانسيه تسلم ايديك أبو نصير ننتظر جديدك

رد حزاينى وصامت
تسلمى قيثاره