أنا عاوز صبيه؛؛؛

[همس الحنين]

السلام عليكم ورحمة الله وبركاته من مده بسيطه تزوجت اختى كنت سعيده جداً بها رغم انها كبرتنى بس فرحت لفرحها وطبعا فى الافراح بنسمع حوارات كتيره وكلام مالوش صلة بالفرح من الاساس بس اكتر ما لفت انتباهى ووجدته فعلاً متكرر فى كذا فرح اختيار الزوج للزوجه بعيد عن صفات حسب ونسب او دين او اى شئ بيبحث عنه الزوجين اغلب الشباب كل همه فى زوجه سنها لا يتعدى ال16 عام والمغزى الوحيد اللى قدرت اوصله كلمه جميع الشباب بيرددها عاوز اربيها على ايدى طيب انت هتتجوز ولا هتربى وايه معنى اربيها على ايدى ولما كل شاب بينظر لصغر السن طيب والفتاه المتعلمه دكتوره او مدرسه او مهندسه مافيش فيها عيب الا السن يكون غلط ومش مرشحه من الدرجه الاولى للقبول طيب هو مقياس الزواج بيتحدد بالعمر ولا بالعقل ولا الشاب بيخاف يرتبط ببنت ناضجه عشان ميكونش سبق لقلبها غيره ده فى حد ذاته شك وعدم ثقه الظاهره دى كانت منتشره يمكن فى صعيد مصر او عندنا فى القرى بس حاليا اغلب الشباب بوقت الاختيار بيفكر بزوجه صغيره بغض النظر عن نضج العقل نوعا ما سؤالى اختيار الزوجه بالطريقه دى دليل على فقدان الثقه؟ ام خايف من كثرة مغامراته يقع بنفس الدائره فيقرر ان يتزوجها صغيره؟ :158 احترامى لكم همس الحنين

[.Lamar]

مش عارفة يا بسنت

يمكن من كتر التجاوزات اللى بيعملها الشباب

بيفقد الثقة فى جنس حواء

مش بيفكر الا بتجاربه او اللى شافه

فهو ان راعى رب العالمين فى تصرفاته

اكيد هيمن عليه بزوجة صالحة فالطيبون للطيبات


موضوع جميل يا حبى

تسلمى

[ندوشه 2011]

اكيد يا حبيبتي بعد ما الولد يمشي مع دي ودي ويعلقها ويكونوا عرفوا بعض يعني الجوازه هتبقي ميه ميه يقولها ما عطلكيش ويدور علي واحده صغيره يربيها علي ايده ههههه وبعدين مش كله وفي خريخ طب ما بيدورش غير علي الدكتوره اللي مثله او اي شهاده عاليه مثله مش كله يا رب كل البنات تتجوز ههههههه

[حـ,ـكـ,ـآيـ,ـهـ,ـ ۅطـ,ـنـ,ـ]

ساكون متابعه للموضوع
مع تحياتي لمقدمه الفكرة للموضوع نفسه

[السفيره عزيزه]

وهي يعنى قاعدة الصغيرة فى السن تبقة قابلة للتشكيل
كالعجينة كما يظن ضعاف العقل ..او لانة يفهم ان صغر العمر
لم يمكنها من التلفت يمنة ويسرة ...او لسة مغمضة وى القطة.

الكلام دة من وجهة نظرى مرفوض .ومين قلك انا
لما تكبر ما ترفض كل ال طبعتها علية.لانة ما كانت مقتنعة اصلا
وطبعا هي مش عجينة هي فتاة جبلت على شيء عن طريق تربيتها
ومجتمعها وعوامل وراثية كمان ..
يعنى باختصار شديد .السن ما لة علاقة بالاعتقاد دة .
اختار ذات الدين فهى قد تربت فى بيئة ايمانية منذ نعومة اظفارها
واحتضنتها اسرة هى من تقوم على تشكيلها حسب شرع وسنة
والنتيجة فتاة موزونة بنسبة عالية وان جاء ما جبلت علية
فى شخصيتها متناقض مع ما تعلمتة .دائما ينجح على ما جبلت علية.
يعنى مثلا .موضوع الغيرة الحارقة المشهورة بها الفتيات .لو علمت
دينها جيدا ومارستة قول وعمل لعلمت انة يجبب ردع هذه الغيرة المدمرة
بالصبو تارة وبالتاسي بالصالحات تارة وباللجولء الى الكتاب والسنة تارة اخرى
فالله الذى خلقها هو من قال مثنى وثلاث ورباع .اذن هى مؤهلة من قبل الله لذالك
ولكن غياب الدين هو سبب كل البلاء ال بيحل من الفتيات والشباب

وجه نظري وفلسفتى فى التحليل..

ربنا يصلح قلوبنا لما فية الخير
السفيرة

[العاشق الذى لم يتب]

اناغيرمقتنع تماما
بالحكاية دى
واى راجل يفكربالطريقة دى فهو معتوه
ساعات الاقى روحى مقهور ومخنوق
مابعرفش اقول ايه
وعجبى

[همس الحنين]

اقتباس المشاركة الأصلية كتبت بواسطة .lamar مش عارفة يا بسنت يمكن من كتر التجاوزات اللى بيعملها الشباب بيفقد الثقة فى جنس حواء مش بيفكر الا بتجاربه او اللى شافه فهو ان راعى رب العالمين فى تصرفاته اكيد هيمن عليه بزوجة صالحة فالطيبون للطيبات موضوع جميل يا حبى تسلمى

هى لها وجهتين

الاولى يقدر يعودها طباعه ودى نوعيه عارفه ان طبعها لايطاق ف بالتالى بيحتاج بنت صغيره تتعود على طباعه

الوجه التانى

كتر علاقاته بيخاف يقع فى بنت شبه فبيدور على بنت صغيره

على حد معرفتى بالامر ككل

تسلمى يا لوله

منورانى حبيبتى دايما

[همس الحنين]

اقتباس المشاركة الأصلية كتبت بواسطة ندي2011 اكيد يا حبيبتي بعد ما الولد يمشي مع دي ودي ويعلقها ويكونوا عرفوا بعض يعني الجوازه هتبقي ميه ميه يقولها ما عطلكيش ويدور علي واحده صغيره يربيها علي ايده ههههه وبعدين مش كله وفي خريخ طب ما بيدورش غير علي الدكتوره اللي مثله او اي شهاده عاليه مثله مش كله يا رب كل البنات تتجوز ههههههه

ممكن برضو خوف وقلق

بس فى شئ بسيط

تتدور الدائره وكما يدين سوف يدان

وطبعا هى مش قاعده عامه بس ظاهره منتشره

تسلمى ندوش

[همس الحنين]

اقتباس المشاركة الأصلية كتبت بواسطة انسام الورد ساكون متابعه للموضوع مع تحياتي لمقدمه الفكرة للموضوع نفسه

تسلمى انسام

كنت اود ممعرفة وجهة نظرك

لكنى ليا الشرف ان تتابعى الردود

تسلمى غاليتى

[bobaOo]

هههههههههههه

سمعتها كثير
وحياتك حتي في المدن

وفي الافلام

ربنا يهدي
شعب تحفه