محمد شومان ووجدى العربى مدفعوش الاشتراك

[د/ عبد الله]

قررت نقابة المهن التمثيلية فصل الفنان محمد شومان والفنان وجدى العربى من النقابة
والسبب انهم مدفعوش الاشتراك
طب والاشتراك ده مظهرش الا لما الاتنين ظهروا أو معتز جاب سيرتهم على قناة الشرق؟
دايما بيستخفو بعقول الناس وبرضو بيقولو ان قرار الفصل ملوش أى علاقة باتجاهاتهم السياسية. ازاى يا جدع؟؟؟

الحمد لله على نعمة العقل

[big bốss]

اى حد منتمى للاخوان المفروض يعتقل على طول

كفايه دا لا ضمير و لا دين و لا عقليه تفكر

[واد حبيب]

كل واحد فينا له وجهه نظره السياسيه
وكل واحد بيختلف مع الاخر في الرائ
مش معني انهم مثلا اتجهم السياسي معارض لنا انهم ينفصلو
اتعودنا علي المبررات السخيفه من المسئولين

[رآقيہ بأخلاقـى]

وجدى العربى دة المفروض كان يعتقل من زمان
ومن وقت ما اخد اطفال الملجئ ولبسهم اكفان
ناس ارهابيه ونقابة الفنانين ناس غبيه
كان المفروض يتقال السبب على طول
هو الارهاب ده حاجة قليله
بلا قرف بقى خلوا البلد تنضف

[ابو نصير]

عمرك شوفت رقاصه دافعت عن الحق وانتخبت الحق ورفعة راية الحق
عمرك شوفت بلطجى ولا تاجر مخدرات دافع عن الحق ونادى بالحق
هل سمعت مره فى واحد شريف انتخب رقاصه
عندما تجد صاحب الخماره والحانه بينتخبو العرض الكبير
وانت مانتخبتش هؤلاء
تبئى مواطن ارهابى
ابو نصير

[ساحر الأحزان]

طيب متقول

السبب من غير كسوف

ومن غير حجة البليد

حاجة تكسف صحيح

[Just Ahuman]

بالله عليكم بلاش كلام فى السياسه عشان بتقلب بشكل مش كويس فى النهايه

[د/ عبد الله]

أنا مبرضاش أنزل مواضيع كتير هنا عشان فيه بعض الردود بتحرق دمى
مش عشان حاجة شخصية لكن عشان طريقة التفكير
وللأسف مش بيتناقشو بالعقل لكن كلام بيتردد وخلاص
وفى النهاية مبنوصلش لنتيجة .
لكن ده حاجه واضحه وضوح الشمس ومش محتاجه اراء
بس برضو مفيش فايدة

[د/ عبد الله]

اقتباس المشاركة الأصلية كتبت بواسطة واد حبيب كل واحد فينا له وجهه نظره السياسيه وكل واحد بيختلف مع الاخر في الرائ مش معني انهم مثلا اتجهم السياسي معارض لنا انهم ينفصلو اتعودنا علي المبررات السخيفه من المسئولين

الله ينور عليك
هو ده الكلام الصح واللى العقل يقبله
تحياتى ليك ولفكرك

[د/ عبد الله]

اقتباس المشاركة الأصلية كتبت بواسطة ساحر الأحزان طيب متقول السبب من غير كسوف ومن غير حجة البليد حاجة تكسف صحيح

مرضيش يقول السبب عشان ميبانش قدام الرأى العام والغرب انه نظام مضطهد
بيقمع الحريات. فطلع بحجة سخيفة لا تخرج الا من البلهاء
تحياتى ليك