للصبر حدود ياحبيبى ( يوميات زوجه مفروسه) 2

[شاعرة الرومانسيه]

الزوجه سيده موظفه باحدى المصالح الحكوميه والزوج ايضا موظف باحدى الشركات الحكوميه رزقهم الله من الاولاد 3 ولاد اثنين بنات وولد تعودت الزوجه على الصحو من نومها بسماع آذان الفجر تُصلى الفجر وتبدأ تُصحى ابنائها كى يصلو ويستعدوا للمدرسه ذهبت الزوجه تُصحى زوجها واذا به مستغرقا بالنوم ظلت تنادى عليه مرات ومرات حتى أقسمت على انها لم تُصحيه مره أخرى ذهبت للمطبخ تُجهز الفطور وقامت بتشطيب المطبح وقالت لسه ساعتين ونص عن الشغل اما اشغل الغساله ويكون خلصت الفطور والغسيل كله قبل الذهاب للعمل بعد ان احضرت كل شىء قطعت الكهربا أووووووف يافتاح ياعليم كل شويه اما الكهربا اما الميه دى بقت عيشه تقرف -- هاعمل ايه بقى انا هاغسلهم على ايديى وخلاص هما كم غيار غسلت الغسيل على ايديها ونشرته ورتبت السفره للفطار وجهزت الساندوتشات وكل ده والبيه لسه فى السرير راحت وعلى وجهها مليون غفريت راح بكل هدوء بلاش اقول ( برود) ههههههه ايه فيه ايه ياوليه فى واحده تصحى جوزها بالشكل ده طيب ترد هى وتقول ايه لو انا منها كنت راحت تلبس الأولاد لقيت بنتها بتبكى ايه مالك انتى كمان ياربى صبرنى ماما انا نسيت اكتب الواجب ومس انشراح هتموتنى انا عارفه انه يوم باين من اوله تعالى بسرعه اساعدك فيه اكتبى العنوان بسرعه كان العنوان أسرة سعيده هى فين الاسره السعيده دى هما كمان بيعلمو العيال الكدب يتفضلو يشوفو حالى أل أسره سعيده أل حاجه تفرس ايه ياهانم فين الشراب الأسود تعالى دورى عليه رزعت الكتاب على المكتب وراحت على وجهها ابتسامه مُصطنعه نعم ياحبيبى والغيظ تحت كلامها بيغلى ههههههههه اهو ياحبيبى أمام عنيك سلامة الشوف كان فين انا ماشوفته خرجت وهى بتدغدغ بالكلام هو انت من امته بتشوف صبرنى يارب رجعت من الشغل طبعا عدت على سوق الخضار اشترت مستلزمات الطبخ رجعت هلكانه بس نسيت تعب العمل بمجرد دخلت البيت غيرت ملابسها واعدت الغدا ورتبت البيت رجع جوزها واعدت السفره والجميع تناول الغداء وطبعا قى لحظه كان الشاى جاهز وبعد كل هذا بدل مايقول لها تسلم ايديكى ياحبيبتى ولا بلاش حبيبتى كان بس قال تسلم ايديكى لكن تقول لمين وقف وقال انا داخل انام شويه مش عايز ولا حركه بالبيت ولا صوت عالى والمحروق التلفزيون ده توطى صوته شويه انا راجع من الشغل تعبان طيب وانا ماكنت بالشغل مثله ولا ايه صبرنى ياااارب دخلت كالعاده تكمل شغل المطبخ وتزاكر للأولاد وخلصو واجباتهم اليوميه وجات بالليل نيمت الاولاد خلاص كانت هلكانه بتقول للسرير انت فين عايزه ترتاح شويه قالت اما اجهز عشاء لجوزى واصحيه ونقعد مع بعض شويه نسيت كل التعب واعدت عشاء جميل ولبست بقى وتزينت فى احسن حال والعطور الجميله واصبحت فى احسن حال البيه اتعشى واخد الجرنال يتفقد احوال البلد يخرب بيت كدا طيب ما تتفقد احوالى انا هو انا لازم اطلع فى صفحة الحوادث عشان تشوفنى يااااااااارب صبرنى طيب قوم نسهر مع بعض شويه قالت اعمل له مفاجأه لما فشلت بقميص النوم والدلع قالت يجوز عنده عذر قهرى أليس سواريه ونسهر بالبيت هنا يمكن تتفك عقدته بعيد عن غرفة النوم لبست سواريه وجهزت قاعدة رومانسيه وشغلت الست ام كلثوم ليلة حب وراحت تفاجئه بقى شوف لاقيته بيعمل ايه بذمتكم دى مش حاجه تغيظ وتزعلو لما الواحده تطلب الطلاق يارب صبرنى بقلم / شاعرة الرومانسيه ------------------ يوميات زوجه مفروسه قوى

[۩۩ elMagic ۩۩]

هههههههههه
هاار اسود يا عم
جيبتى الصور دي منين
تناسب الكلام مع الصور بشكل مش طبيعي
حلوه منك حنين بقى

[حازم34]

هههههههههههههههههههههههههههههه


بصراحه بصراحه بصراحه شئ يفرس بقي كل دا


دا راجل ما عنده دم خالص دا الاصول كان ياخدها كدا والاولاد


ويخرجوا علي الكورنيش او مطعم جميل يتعشوا ويتمشوا


ويتكلموا جميل الكلام ويرجعوا بقي


اللهم صبرها يارب وصبر الزوجات ال زيها

اللهم انزل عليها صحه وقوه من عندك يارب


اللهم اجعل زوجها يحس شويه


اللهم سد نفسه عن الاكل وافتح نفسه للزوجه


اللهم اسعد قلب هذه الزوجه ولا تكون حماتها زي ابنها يارب


اللهم صبرها يارب


حقيقي زوج يفرس بصحيح هيا تعمل خلع وخلاص وتخليه نايم يصحي من النوم يلاقي نفسه مخلوع بن مستهتر


هو دا الحل وبس


دا الكلام لو فضل علي ها الحال كدا يجي عشر سنيين ههههههههه


تسلمي يارب

يوميات حلوووووووووووووووه اهي بتفيد برضك

يسلموا ها الفكر الجميل

[حـيـــــآة ❤]

هو الفستان محتشم جدا بصراحه انا بتحفظ ههههه
بس روعه فعلا
استمري احونين

[شاعرة الرومانسيه]

اقتباس المشاركة الأصلية كتبت بواسطة ۩۩ elmagic ۩۩ هههههههههه هاار اسود يا عم جيبتى الصور دي منين تناسب الكلام مع الصور بشكل مش طبيعي حلوه منك حنين بقى

هههههههههه هو يعنى حس وعمل بأكله

دى حاجه تفرس هههههههههه

[شاعرة الرومانسيه]

اقتباس المشاركة الأصلية كتبت بواسطة حازم34 هههههههههههههههههههههههههههههه بصراحه بصراحه بصراحه شئ يفرس بقي كل دا دا راجل ما عنده دم خالص دا الاصول كان ياخدها كدا والاولاد ويخرجوا علي الكورنيش او مطعم جميل يتعشوا ويتمشوا ويتكلموا جميل الكلام ويرجعوا بقي اللهم صبرها يارب وصبر الزوجات ال زيها اللهم انزل عليها صحه وقوه من عندك يارب اللهم اجعل زوجها يحس شويه اللهم سد نفسه عن الاكل وافتح نفسه للزوجه اللهم اسعد قلب هذه الزوجه ولا تكون حماتها زي ابنها يارب اللهم صبرها يارب حقيقي زوج يفرس بصحيح هيا تعمل خلع وخلاص وتخليه نايم يصحي من النوم يلاقي نفسه مخلوع بن مستهتر هو دا الحل وبس دا الكلام لو فضل علي ها الحال كدا يجي عشر سنيين ههههههههه تسلمي يارب يوميات حلوووووووووووووووه اهي بتفيد برضك يسلموا ها الفكر الجميل

هههههههههههه هو لو فضل بالحال ده

خلعه هلااال هههههههههه

[شاعرة الرومانسيه]

اقتباس المشاركة الأصلية كتبت بواسطة حيــــــاة ❤ هو الفستان محتشم جدا بصراحه انا بتحفظ ههههه بس روعه فعلا استمري احونين

حشمه أخر حاجه ههههههههه

هو يعنى بيحس بلا وكسه

دا حتى ما فكر يشوفها لبسه ايه

قولى يا أختشى هما الرجاله عميو ولا ايه

هههههههههههههههههه

[العاشق الذى لم يتب]

اثبت حضووووووور

[الفيلسـوف]

ده انتى طلعتى قمه الاجرام استمرى يابتى ليكى مستقبل

[شاعرة الرومانسيه]

اقتباس المشاركة الأصلية كتبت بواسطة ƧĀƉ_ĿŌ∀Ē ده انتى طلعتى قمه الاجرام استمرى يابتى ليكى مستقبل

أه مانت راجل ولازم تبقى بصفه شىء طبيعى

لنا الله ربنا يصبرنا عليكم بقا