الجدال بهدف الجدال

[روح صامتة]

طوال عمرنا ونشاتنا تحت ظل الاسرة تعلمنا ان نستمع لاراء الاخرين

وتعلمنا الجدال والنقاش في حلة من الادب


تعلمنا لغة الحوار


اللغة الاساية اللتي يتعامل بها البشر


هي لغة الاخذ والعطاء


لكن اليوم لغة الحوار اختلفت لقد اصبحت لغة الحوار

جدالا بين طرفين يحاول كل منهما

اثبات وجهة نظره بغض النظر عن ما يقال سواء خطا او صواب


اصبح الجدال موجودا بكثرة تواجد لدى صغيرنا وكبيرنا
وانا لا اقصد الجدال البناء

اللذي نخرج منه بفائدة ترجى والا يكون قد تعدى ايا من الحدود الادبية


لكني اقصد الجدال القائم على اقناع الطرف الاخر بالاجبار
ودون الاستماع له والتعدي عليه احيانا

بالصراخ او بالشتم او بالضرب احيانا !!!!


والبعض الاخر يسعى لايجاد المبررات و الحجج التافهة للجدال مع ان الحقيقة واضحة ولا تقبل جدالا ولا مبررات
واصبحنا نراه في صور عديدة ::

في محطات التلفزة ومحطات الاذاعة .. الخ
وحتى في النقاشات البسيطة نراها تحولت الى حرب سببها

عدم تقبل الراي الصحيح والمجادلة

فيقولون احيانا بلهجة الاستخفاف
>> انت مين عشان تعلمني ،، او انت هتعملني يعني ؟؟ ،،
وكلمات اخرى كثيرة تعبر عن كبرياء جامح وعدم الاهتمام بالراي السليم


""فصار الجدال جدالا عقيما ..""

""جدالا لا هدف له .......""


ولكي لا اطيل عليكم
هدفي من الموضوع
هو المناقشة الهادفة و الجدال المفيد
اللذي يكون بهدف واضح
والا يكون جدالا بلا طعم فيصبح

(((جدالا بهدف الجدال )))

وشكرا على حسن الاستماع
ارجو ان يعجبكم الموضوع بما انه اول موضوع لي في القسم

.........................
......................... تقبلو ارق تحياتي

[lolla]

موضوعك جميييل يا قمر

بس صعب اوى يكون فيه جدال بناء

لأن النقاش اذا تحول لجدال

هيكون من الصعب ان احنا نخرج منه بفايدة

ممكن نكون فعلا مفتقدين النقاش الهادف

كل واحد متمسك برأيه ورافض انه يفكر ولو للحظة فى الرأى الآخر

مع العلم ان معظم النقاشات بتعتمد على آراء شخصية تحتمل الخطأ اوالصواب

تسلم ايييييييييدك يا قمر

موضوعك حلو

وفى انتظار جديدك

[SiLver Spectra]

مش شرط الجدال يبقى غير بناء

دا بيعتمد على دماغ الأطراف

لو الطرفين دماغهم ناشفة بتبقى مأساءة

و كل طرف يشوف نفسه صح 100%

أما لو طرف عارف إنه غلط هتلاقيه ضعيف في الجدال

و هيبدأ يبعد عن محور الجدال و يمسك في أمور صغيرة

و توصل زي ما قولتي للشتايم و غيره



شكراا على الموضوع يا روح يا صامتة

بداية موفقة في القسم

بالتوفيق

[لوليتا المصريه]

انا شايفه انه فيه فرق بين

النقاش . . . . . والجدال

النقاش بمعنى

ان الشخص بيحاول يوضح صورة مش واضحه

او موقف معين بعيد عن النظر

انما الجدال

انه يتجاهل النقطه الرئيسيه بالموضوع

ويتطرف للفرعيات

طيب منين بنتكلم عن الموضوع الفلانى ومنين انت

عمال تاخد وتدى فى حته تانيه خالص

النقاش حاجة كويسه جدااا فى الحوار

ودة لانه طبعا بتم فيه تبادل الاراء

وتوضيح اختلاف وجهات النظر

بناء على اسباب معينه

وبردو انا شايفه ان النقاش دة

موهبه بتخص صاحبها

وفن يتذوقه ايضا

ودة لانه بيبقى عارف كويس اووى

ازاى يدير الحوار اللى هو قائم فيه

واذا وجد ان النقاش والحوار

قد يبعد عن الموضوع وقد يخرج عن كونه اسلوب مهذب

وانعدم الاحترام بين الاطراف

ممكن انه يشوف ان الصمت فى اللحظه دى

ابلغ واحسن من اى رد

قد يندم صاحبه عليه فيما بعد

يعنى كلام وخرج لحظه غضب

وطبعا الحوار النقاش البناء مطلوب

عن اى نوع اخر

ودة للوصول للهدف من المواضوع نفسه

موضوع كتير حلو وكتير مميز

تحياتى ليكى ولقلمك

[الغامضة]

موضوع جميل جدا وتسلم ايدك يا قمر وعندك حق وان شاء الله نتقبل النقد ونمسك اعصابنا فى الحوار وتقبلى مرورى

[nooody]

الجدال عشان يبقى بناء يسعى للوصول الى تحقيق فائدة

لابد ان يرتبط بتوفر قدر من الحكمه والهدوء

( وجادلهم بالتى هى أحسن )


فكل أنسان له وجهه نظر تختلف عن الاخر

فلا يجوز ان اجبر شخص على تبنى وجهه نظرى

بالاكراة

الاسلوب العنيف فى المناقشه ما بيوصلش لحاجه غير انها

بتتحول الى خناقه كل واحد مش سامع حتى التانى بيقول ايه


وبكدة الفائدة ما بتوصلش للمشاهد

عندنا برامج اغلبها بيكون هو دة الاسلوب المتبع فيها

شكرا على موضوعك

بالتوفيق

[حنـــــون]

موضوع جميل جداااااااااااا وهادف

فعلا اصعب شئ انك تتناقشى مع انسان

هدفوا الوحيد انوا يثبت انك غلط وهو الى صح

حتى ولو هو اصلا مش فاهم الموضوع

انما لما نتناقش باسلوب حضارى فى تقبل لاراء

الاخرين حتى لو انا مش مقتنعه بيها دا بيبقى مفيد اكتر

وبيوصلنا فى النهايه لراى اكيد هيفيد الطرفين

بجد بشكرك على الموضوع الجميل ده تحيااااااااتى

اختك حنون

[روح صامتة]

اقتباس:
المشاركة الأصلية كتبت بواسطة lolla
موضوعك جميييل يا قمر

بس صعب اوى يكون فيه جدال بناء

لأن النقاش اذا تحول لجدال

هيكون من الصعب ان احنا نخرج منه بفايدة

ممكن نكون فعلا مفتقدين النقاش الهادف

كل واحد متمسك برأيه ورافض انه يفكر ولو للحظة فى الرأى الآخر

مع العلم ان معظم النقاشات بتعتمد على آراء شخصية تحتمل الخطأ اوالصواب

تسلم ايييييييييدك يا قمر

موضوعك حلو

وفى انتظار جديدك



فعلا التمسك بالراي دا المشكلة اللي بنعاني منها
كل واحد بيحب يثبت وجهة نظره بالعافية
وبيتحول الامر لجدال فعلا ما بين اتنين
ومفيش طبعا اي اثر لللنقاش الهادف فيه
والاراء الشخصية في النقاشات عند االبعض هيه الصح
لانهم منشفين دماغهم
بجد تسلم ايدك على المرور الرائع دا
منوراني يا قمر
ارق تحياتي ليكي

[روح صامتة]

اقتباس:
المشاركة الأصلية كتبت بواسطة SiLver Spectra

مش شرط الجدال يبقى غير بناء

دا بيعتمد على دماغ الأطراف

لو الطرفين دماغهم ناشفة بتبقى مأساءة

و كل طرف يشوف نفسه صح 100%

أما لو طرف عارف إنه غلط هتلاقيه ضعيف في الجدال

و هيبدأ يبعد عن محور الجدال و يمسك في أمور صغيرة

و توصل زي ما قولتي للشتايم و غيره

شكراا على الموضوع يا روح يا صامتة

بداية موفقة في القسم

بالتوفيق

فعلا هوة الموضوع بيعتمد على النشاة نفسها وطريقة التفكير زي ما قولت
وطبعا الانسان اللي عارف انه غلط ياما هيسكت ويعترف انه غلطان ويريح دماغه يا اما
هيفضل يجادل يجدال لغاية اما في الاخر هتقلب عليه
راي جميل جدا منك
ميرسي ليك يا سلفر على المرور الرائع
ارق تحياتي

[غريبه]

اهلا روح صامته كتير مننا مبيسمعش البرامج الاخباريه فعلا لان لو جلست اسمع كل اللى بيحصل بعد كده انى بيجيلى صداع مش بكون عارفه فعلا هم الضيوف اللى فى البرنامج جايين يناقشوا مشكله عشان يوصلوا لحلها ولا كل واحد بيلغوش على التانى عشان يظهر رايه وانه صح والطرف التانى ده مش فاهم حاجه وفى النهايه مفيش حاجه بتتحل واحيانا بحس انها مسابقه فى انتظار لامتى هيصمد المشاهد وعلى المتضرر اللجوء للتحويل لقناه تانيه او غلق التلفزيون خالص
الاراء اللسابقه كلها جميله فعلا وبتشرح الموضوع من جوانب كتير
شكرا روح صامته الموضوع رائع وفى انتظار الجديد