أنا ..... بقلم مهيب

[مهيب الركن .]

انا الحبيب اللى عايش بقلب خالى
وانا العاشق اللى عمرى ماعشقت حد
انا اللى بضحك وفى قلبى حزن
أنا الطفل اللى واخد الدنيا جد
أنا اللى ياما بنيت أحلام كتير
و قدام عيونى شفتها بتتهد
انا اللى عايش طول عمرى بسأل
وعمرى مالقيت من زمانى رد
ورانى زمانى كتير قولت أسايره وحاولت أصاحبه
وأجى امشى جنبه ألقى خطوته بتمد
انا اللى برخى حبل الهموم عشان تعدى ايامى
بس الزمن هو اللى غاوى يشد

بقلم : مهيب

[سلطان الزين]

راااااائع بحق

لك الجوري

[ماجد الهيتي]

.. شُكرا مكللة بالورد لطرحك الرائع فهنيئا لنا بهذا العطر العابق قطاف جميل يعانق الألق دام اختيارك الجميل فائق ودي

[اميره الاميره]

كلام جميل ورائع احسنت المجهود الرائع