🎶 نبضات نافره 🎶

[ويبقى الأثر]

أتمنى أن تأخذنا الدنيا جميعا إلى الأماكن التي نحب
بطريقة تليق بهذا العمر من الإنتظار
أن تنتهي خطواتنا بنهايات تستحق
نستريح فيها للأبد من متاهات الحياة
وألا يتعثر أحد إلا في المسرات.
وأن يكون ما مضى من الحزن
كاف لئلا يعود ثانية..

[ويبقى الأثر]

هغيب فترة
مش باقى كتير على العمره ربنا يكتبها للجميع
فى استعدادات كتير وحاجات عاوزه اغيرها فى نفسي للاحسن عاوزه اروح هناك ذهن صافى وقلب مش شايل من حد
لغاية لما ارجع افتكرونى فى دعواتكم
واى حد زعل منى لاى سبب حقه عليا يبعتلى ايه اللى زعله
وانا يشهد ربى انى مش زعلانه من اى عضو بالمنتدى
كلكم اخواتى وراح ادعيلكم كتير
واللى عاوز دعوه معينه برضه يقولى ادعيله هناك
ربنا يسعد قلوبكم كلكم ويجعل الجاى من حياتكم اجمل من اللى فات
استودعكم الله الذي لاتضيع ودائعه

[ويبقى الأثر]

للتذكرة
المعصية في رجب عقوبتها أشد من فعلها في الأيام العادية، لانه من الاشهر الحرم
وقراءة آية في رجب أعظم من قرائتها في الأيام العادية

فياريت نحترم "شهر اللّه الحرام" لازم نركز في الكلمة دي ومنهلكش نفسنا بسيئات لا نقوى عليها وبلاش نتعدى على الحُرمات اوغيبة ونميمه
بلاش نظلم حد
بلاش ننزل أغاني في الstory، بلاش نرشح فيلم لحد، بلاش نقعد نرغي على بعض، بلاش نأخر ونفوت صلاة، بلاش نشتم بعض ونتريق على بعض.

ساعات رجب غالية لا تضيعها!

ربنا يتقبل منكم صالح الاعمال
ويبلغنا رمضان يارب

كل عام وانتم بخير والى الله اقرب

[ويبقى الأثر]

جمعة مباركة للجميع
باقة ورد وشكر لكل من سأل عني في غيابي
وكل من طلب مني دعوة عند الكعبة دعيت له عندها والله وربنا يتقبل يارب
عقبال العودة وعقبال كل مشتاق لزيارة بيتة
اجمل رمضان قضيته هناك
لدرجة انى بعد مارجعت حاسة بغربة فى بيتي
وحشتني الكتابة

[ويبقى الأثر]

مابين الشغل والبيت اليوم بيعدي بسرعه جدا
نفسي الاقي وقت لنفسي وللكتابه وللحفظ
كل مانكبر فى السن كل ماالمسؤلية بتكبر

راضية بحياتي الحمد الله
فلك الشكر ربي على كل النعم التي منحتني

[ويبقى الأثر]

💛ويسألونك عن أجمل الأعمال قل لهم : جبر الخواطر..
جبر الخواطر من أعظم العبادات لا يقوم بها إلا الطيبون
وبعضهم قال : "من يمشي بين الناس جابرا الخواطر يدركه الله فى جوف المخاطر".
اجبروا الخواطر.. وراعوا المشاعر.. وانتقوا كلماتكم.. وتلطفوا بأفعالكم.. وقولوا للناس حسنا ..فكلها سطور في كتاب أعمالكم ..

[ويبقى الأثر]

"‏الدعم النفسي في الأوقات الصعبة لا يُنسى..
لا يُنسى أبدًا." ♥️

[ويبقى الأثر]

السوشيال ميديا اليوم مقلوبه على الجندى المصرى
اللى قتل 3 جنود صهاينه
الفلسطنيين عاملين احتفاء كبير
ربنا يرحمة ويسكنه الفردوس الاعلى من الجنة
فعلا الجند المصري خير اجناد الارض
فخورة انى مصرية

[ويبقى الأثر]

بقالى فترة كبيرة مانزلتش بوست لاهنا ولافيس ولا حتى واتس
مجبر انك تكتم مشاعرك علشان اللى حواليك

زى مثلا انك تكتب بوست عن فقدك لاامك
وتراعى مشاعر ولاد اخوكى اللى مامتهم متوفيه
زى انك تشكى لربنا انه يقويكى ويشوف اخوكى يحس ان ولاده عبء كبير عليكى
مع ان مش قصدى الاحساس اللى وصل لهم
فبتكتم جواك وتسكت

الظروف بتخليك تتجبر على حاجه غصب عنك وفوق ارادتك

خوفك على مشاعر غيرك فوق مشاعرك ده مش امر سهل كل الناس تقدر تتحملة

التمسوا لبعض الاعذار
لو دخلتوا قلوب بعض هتصعبوا على بعض
ربنا يسعد الجميع

[ويبقى الأثر]

اغتنموا العشر من ذى الحجة لاتضيعوهم
ربنا يعود على الجميع الايام بخير