انا مجرد عابر سبيل فى الدنيا

[طارق طروق]

الذين يشاهدون محتوى الموضوع الآن : 3 ( الأعضاء 1 والزوار 2)
وانا بينى وبين نفسى من شويه كدا قولت
امال فين زوارى اتأخروا ليه كدا
عموما مرحبا واهلا وسهلا بالزائر
او الزائره واتمنى ان مدونتى المتواضعه
وما اكتب بها تكون بتسليكم وبتسعدكم

[طارق طروق]

كنت دايما بكتب هنا حاجات فكاهيه
او كلام دمه خفيف ومضحك
مش عارف ليه مبقاش مزاجى يسمح بكدا
زى الاول وعموما هحاول

[طارق طروق]

سواء الحب البارد او الصداقه البارده
بيبقوا كدا عاملين زى ما نكون بنقرأ كتاب
ونقول فى نفسنا ياترى نقلب الصفحه
ولا نقفل الكتاب
معلش بقى اتحملونى فى الكلام اللى بيطلع منى
او التشبيهات

[طارق طروق]

سعات كدا بيكون هناك شوق عايز يخرج
لكن بيمنعه جدار الكبرياء وبكدا المشاعر بتكون محصوره
ما بين اريد او لا اريد

[طارق طروق]

وسعات الصمت بيكون اقوى من الكلام
وممكن كمان البعد يعالج امور
القرب ميقدرش يعالجها

[طارق طروق]

سعات نحس اننا ناقصنا حاجه
وغالبا بنبقى مش عارفين ناقصنا ايه
يمكن ناقصنا الامل
ويمكن ناقصنا النسيان
وجايز ناقصنا الصديق الحقيقى الوفى
اممممممممممم
وجايز اوى ناقصنا الرجوع لأنفسنا

[طارق طروق]

وكفايه كدا النهارده
مع السلامه بقى

[طارق طروق]

وفى نظرى انا الصاحب ساحب
بقولك ايه يا طارق فسر احنا مش فاهمين حاجه
اوكى اوكى
بقصد اقول ان الصاحب ممكن يسحبنا الى طريق الشر والرزيله
وممكن يسحبنا لطريق الخير والطريق المستقيم
ها كدا فهمتوا طبعا صح؟

[طارق طروق]

ناس كتير تحس ان عقولهم فارغه
او بمعنى اصح محشيه هواء
عشان لو انت صريح معاهم يعتبروك الد الاعداء
لكن لو تجاملهم او تكدب عليهم تبقى انت صديق مخلص
حاجه بجد غريبه اوى اوى

[طارق طروق]

سعات كدا بعض الناس مش بتفهمك
مش عشان انت صعب لا طبعا
عشان انت بتبقى اكتر بساطه من اللى هما متوقعينه منك