انا مجرد عابر سبيل فى الدنيا

[طارق طروق]

السلامو عليكو
انا طارق ولسه جديد لانج هنا
وبحب كل كتاباتى تكون طبيعيه وغير منقوله
واكيد هتعرفو شخصيتى من كتاباتى هنا
ولو حاجه مثلا عجبتنى ونقلتها هتعرفوا انها منقوله
وخصوصا طبعا لو كانت صور اكيد هتبقى منقوله
واتمنى انى اكون ضيف خفيف عليكم
الى اللقاء بقى فى مدوناتى القادمه ان شاء الله

[طارق طروق]

السلامو عليكو
ادخلوا بقى على بنك المعلومات محدش يتعشم انه بنك فيه فلوس وهوزع عليكم فلوس لا ممكن ابدا
انتم كلكم ما شاء الله مش محتاجين فلوس
حذرو فذرو مين يقولى اى معلومات هقولها ؟
مافيش داعى للتفكير انا هقولكم هى معلومات عنى واكيد البعض منكم عايز يعرفها
انا اسمى طارق
ماخلاص يا عم الحاج عرفنا انك اسمك طارق
هات من الاخر
طالما الحكايه بقت كدا خلاص المره الجايه هقولكم مين طارق ده

[طارق طروق]

السلامو عليكو
ورجعتلكم تانى عشان اقولكم مين طارق ده
اهلا بيكم
زى ما قولت اسمى طارق
ومن مصر
وحاصل على شهاده كمبيوتر ساينس
علوم كمبيوتر
ووظيفتى الان صايع وضايع لأنى مش عندى واسطه للشغل
بس عندى هوايات كتير
تصليح الكمبيوتر وتركيب الدش
ومافيش مانع اى شىء سباكه بعمله فى بيتنا
وكمان كهربا وغيره وغيره
واى حد فيكم عايز اى خدمات من اللى قولتلها يتصل بى
على الرقم ده
777799999999999 444444444444
وابقو قابلونى لو حد رد عليكم

[طارق طروق]

انا من النوع اللى بيحب التفائل
بينى وبين التشائم عداوه مهما كانت ظروفى
او حالتى النفسيه وفيه حاجه مهمه جدا
مش بحب اسمع حد يقول الزمن غدار او الدنيا وحشه
او بقينا فى زمن اسود ومنيل بستين نيله
لأن ولا الزمن والا الدنيا ليهم دخل بحياتنا
وبلاش نعيب على الزمان والدنيا والعيب فينا احنا

[طارق طروق]

كل ليله لما باجى انام بتخيل انك امامى على الوساده بتاعتى اللى هى مخدتى




يرضيكى انى اضمك فى منامى بالاحلام وانتى تضمى شخص غيرى وتنامى؟


محدش يصدق كل ده كلام افلام هنديه

لأنى مش بحب ولا لى نفس احب

يمكن عشان لحد دلوقتى مش شايف

ولا سمعت عن حب حقيقى موجود

الحب فى نظرى مثل الافلام الهنديه

ما علينا ما علينا

[طارق طروق]

السلامو عليكو
طبعا بشكر كل متابعينى اللى نورونى وشرفونى
سواء بالاعجاب او التقييم
لكن من فضلكم ياريت حد يقولى بالنسبه
للتقييم ازاى ارد على حد بالتقييم
او بمعنى اصح فين مكان التقييم عشان ارد على كل من قيمنى
مع رساله

[طارق طروق]

فيه مثل مصرى بيقول

الباب اللى يجيلك منه الريح سده واستريح

ايه يا طارق مناسبه المثل ده؟

وانا ايش عرفنى

ياعم قولنا امثال تانيه تكون مفيده

من عيونى بس محدش يطفش من الامثال اللى هقولها

خد عندك يا سيدى امثال حلوه وزى العسل ومختارها بعنايه فائقه

حبك بطحني عالحشيش ... ومن غيرك مأقدرش أعيش ... أحنا
جوز جذم وفرده واحده متمشيش

حبيبي قالي بحبك قلتله أتنيل ... دا الحب في القلب مش
في التليفون يامنيل

اللي بأحبهم أتنين ... الأولى أنتى ... أيه بتدورى على
أيه ؟؟ ... التانيه برضه أنتى

الحب في قلبي زي الكوسة ... وأن كان حبيبك جنبك قوله
هات بوسة

يامساء الخير والتجلي ... حسب التوقيت المحلي

يادابحني برمشك على سهوه ... دوبلي صباعك في القهوة

قطعينى حتة حتة وأرميني لأي قطة ... أنا كنت بأحب واحده
دلوقتي بأحب ستة

ايه يا عم طارق هى دى الامثله بتاعتك المفيده؟

بصراحه يا طارق انت طلعت واد مسخره زى الامثال بتاعتك

[طارق طروق]

دايما هنلاقى من بين الاصدقاء صديق واحد بيشبه النيل او البحر

تزوره لما تلاقى نفسك مضايق وصدرك ضاق بيك

ومش بتمشى من عنده الا لما تلاقى نفسك خلاص

الهم راح منك وبترجع مبسوط وفرحان

برغم انك لم تبوح له بشىء

[طارق طروق]

السلامو عليكو
قالوا فى الامثال(تذكروا هم اللى قالوا وليس انا)


اذا اردت ان تحيا سعيدا اربط حياتك بأهداف وليس بأشخاص

الثقه بالنفس تجعل من العصفور صقرا
ومن الورده حديقه
ومن الحلم حقيقه

ميبقاش تاريخك كله فضايح
وتيجى عليا وتدينى نصايح

نترك الامثال ونخش على اشياء اخرى

عزيزى البرد وعزيزتى الحراره
ليه ما تتزوجوا بعض وتيجبوا لنا طقس معتدل

ما اجمل ان يتقاسم الزوج مع زوجته الاعمال المنزليه

هى تطبخ وهو ياكل
هى تغسل وهو يلبس
هى تحضر السرير وهو ينام
ياله دور عظيم يقدمه الرجال
ولكن بعض النساء للاسف ناكرات للجميل

هل تعلم انك اذا شربت حليب بقره
اصبحت انت والعجل اخوات فى الرضاعه

[طارق طروق]

السلامو عليكو
هقولكم شىء مهم انا ماليش فى الشعر وخلافه لكن ممكن يخرج منى كلام
احلى من الشعر لو قرأتوه بالتأكيد هتقولوا طارق مجنون وبيخرف
يلا يا طارق وريهم الشعر الحلمنتيشى بتاعك

وانا كنت ماشى فى الطريق قابلتنى بنت جميله
لا اعرفها ولا تعرفنى فجأه مسكتنى من التى شيرت
وقالتلى ازيك يا طارق ليه مش باين
رديت عليها بكل حسم وقولتلها سيبى التى شيرت
قولتلها لاول مره اشوفك يا انسه مالك فيه ايه؟
وعلى وجهها بيدى طراخ طروخ طريخ
وتركتها ومشيت وهى بتبكى

الله عليك يا طارق ايه الشعر الحلو الجميل ده

لكن سؤال هى عرفت اسمك منين؟
لا بقى بلاش احراج لا تحرجنى مع اعضاء وعضوات المنتدى
انا قولت بقول شعر حلمنتيشى ممكن يحصل فيه اشياء غير صحيحه بالمره