انا مجرد عابر سبيل فى الدنيا

[طارق طروق]

وسعات الخيال بيبقى احلى من الحقيقه
وعشان كدا كل ما تشتاق لحبايبك اتخيل
مش هتخسر شىء

[طارق طروق]

الصداقه المزيفه فى نظرى
بتبقى عامله كدا زى الطير المهاجر
اللى بيرحل لما يلاقى الطقس سىء

[طارق طروق]

ودايما نلاقى ان اى شخص انجرح قبل كدا
فى الماضى مثلا تلاقيه فى الحاضر بيبقى قاسى
والناس بتحكم عليه انه مغرور وهو ولا مغرور ولا شىء
لكنه بيبقى خايف ينجرح تانى

[طارق طروق]

وفيه ناس لما انت تكون مضايق تضايق عشانك
وفيه ناس فى عز ما انت مضايق تنساك وتبعد عنك
ويقولوا هو احنا ناقصين ضيقه

[طارق طروق]

ونادر اوى اوى لما تلاقى حد يحس بمشاعرك
يمكن الوضع يتغير لما فى يوم من الايام
احب واحده وهى تحبنى ونحس بمشاعر بعض

[طارق طروق]

متهيألى كدا لو دخلت قلوب بعض البشر
هتصدم فيهم

[طارق طروق]

ومحدش فيكم يدخل حياه حد هو مش محتاجه
ولا يفرض نفسه على حد بيرفضه
لأن اللى عايزك بيعمل المستحيل عشان يكسبك
ويكون معاك دايما

[طارق طروق]

ومش كل اللى بيقرب منك بيعمل كدا عشان يخدعك
فيه ناس بتبحث دايما عن قلوب طيبه مثلها

[طارق طروق]

وعشان لا تؤلمك الحقيقه متحطش نفسك
فى منزله عاليه فى قلوب الناس ومتتوقعش منهم
انهم ممكن يضحوا من اجلك عشان لا تنصدم

[طارق طروق]

واد حبيب وايلانا
منورين يا غالين
وشرفتونى بجد
واتمنى انكم تكونوا بخير دايما