انا مجرد عابر سبيل فى الدنيا

[طارق طروق]

الطفلتين اللى فاتوا دول
بصراحه ملهمش حل
الاولى زى ما شفتم عبقريه فى جمع الارقام
برغم عمرها الصغير
والتانيه عارفه سبع لغات ما شاء الله
بيفكرونى بنفسى وانا صغير

[طارق طروق]

لو اى حد فينا عايز يعيش سعيد
يسيب اللى حصل امبارح فى امبارح
وميخدهوش معاه لبكره او غدا يعنى

[طارق طروق]

وعشان تحترم نفسك او ذاتك
ابعد عن اى شىء يحسسك بقيمتك
اسمعوا النصيحه دى منى انا
يا متعلمين يا بتوع المدارس والجامعات

[طارق طروق]

وسعات الخيال بيتحقق
بس لما يكون خيال معقول
ومش اوفر اوى اوى

[طارق طروق]

وسعات نبقى محتارين بين السكوت وبين الكلام
لو سكتنا هنحس اننا عندنا نوع من الخذلان
ولو اتكلمنا يمكن تخونا الكلمات ونزيد الطين بله
دى حاجه تحير

[طارق طروق]

وسعات العمى بيبقى عمى القلب
مش عمى العيون عند بعض الناس طبعا

[طارق طروق]

جيالى وظيفه فى تخصصى بأحدى الشركات
بماهيه 2000 جنيه فى الشهر ياااااااااااااااااااااااااا بلاش
ولا قدمت على وظيفه ولا حاجه جت بالصدفه
لكن رفضت الوظيفه طبعا مش تعالى منى لسمح الله
لكن عشان الماهيه باخد اضعاف اضعافها فى الكافتريا
دا غير التيبس بحكم انى شيف للبيتزا

[طارق طروق]

فى بعض الاوقات سعات كدا بنبقى مشتاقين للذكرى
مش مشتاقين للأشخاص عشان الذكرى عمرها ما بتتغير
لكن الاشخاص هى اللى بتتغير
حد فيكم فاهم حاجه يا متعلمين يا بتوع المدارس

[طارق طروق]

حاجات غريبه سعات بتحصل
تلاقى يخونك اللى مستحيل يخونك
وتلاقى يحبك اللى مستحيل يحبك
ايه الناس دى

[طارق طروق]

الناس تلاقيهم يغيروا حاجات كتيره فينا
ويرجعوا يقولوا انتم اتغيرتم ليه
طب ما انتم السبب يا بهايم