انا مجرد عابر سبيل فى الدنيا

[طارق طروق]

واصعب حاجه لما واحده تحب واحد من طرف واحد
هى بتحبه وهو مش بيحبها وتلاقيها على قلبها زى العسل
وممكن هو يكون بيحب واحده تانيه
بجد مش عارف ليه البعض غاوى تعب قلب
وعلى رأى المثل
الباب اللى يجيلك منه الريح سده واستريح
لعل الرساله تكون وصلت

[طارق طروق]

ومش كل المشاعر بتحتاج لحبيب
لكن غالبا بتحتاج لرفيق او صديق
لا يخون ولا يخذل

[طارق طروق]

اوقات كتير اوى ادخل المطبخ افتح التلاجه
وافتح الفريزر واقفل التلاجه تانى
وافكر انا جاى اخد ايه من المطبخ
جاى اخد ايه؟
اه افتكرت انا عايز اشرب
اقوم راجع اوضتى افتح تلاجتى واشرب ميه
واقفلها تانى
هبل وعبط صح؟
انا عارف

[طارق طروق]

البنت: حبيبى ايه رأيك بفكر اقص شعرى
حبيبها: قصيه
البنت:بس حرام انا تعبت لحد ما طول كدا
حبيبها: خليه
البنت: بس صحباتى قالولى الشعر القصير بيليق عليكى
حبيبها: قصيه
البنت: بس الشعر القصير مش بيليق فى كل التسريحات
حبيبها: خليه
البنت:حبيبى انت بطلت تحبنى
حبيبها: قصيه

[طارق طروق]

حشاش وقف امام القاضى
القاضى قاله لو قولت عشر كلمات تبدأ بحرف أ هديلك براءه
الحشاش قاله
اجبها
اسخنها
افردها
افركها
الفها
اولعها
اشربها
امخمخ
انسطل
انام

القاضى قاله اعدام يا ابن الجزمه

[طارق طروق]

البت عندها 12 سنه وكاتبه
اشتاق الى تلك الايام
التى كانت تجمعنى بك وتشعرنى بالأمان

وانا قدها كدا كنت استناهم لما يغسلوا
السجاده عشان اتزحلق عليها
يخيبك بنت

[طارق طروق]

واحده مره بتقولى على فكره
انت حلو اوى من بره ومن جوه
قولتلها من بره ماشى
لكن من جوه قاصدك تقولى انى
عندى بنكرياس امور اوى
وجوز كلاوى عنب
وكبده وطحال وقلب طازه؟
ضحكت طبعا

[طارق طروق]

مره كدا فى الصيف اللى فات
دلقت شويه عصير على الارض
واستنيت لحد ما جت نمله
راحت بلغت اصحابها على مكان العصير
وشويه كدا لقيتها راجعها وجايبه اصحابها كلهم
تقريبا كانت عزماهم على العصير بتاعى
روحت ماسح العصير ومسحتهم معاه
هتقولوا طارق مفترى صح؟
اصلكم لو كنتم اتقرصتوا مره من قفاكم
من نمله كنتم عملتوا اكتر من كدا
ال مفترى ال

[طارق طروق]

سعات فتره الليل ده تبقى معموله لحرقه الدم
اللى بيفكر فى حد بيحبه والحد ده بيحب واحده تانيه
واللى بيفكر فى حد كان بيحبه وسابه
واللى بيفكر فى مستقبله المنيل
واللى بيفكر فى امتحانات وهو مش مذاكر ولا كلمه
دى حاجه تحرق الدم فعلا
صوح الكلام؟

[طارق طروق]

والنبى يا جماعه بعد اذنكم
الناس اللى عايشه دور الملائكه
تجيب الاجنحه بتاعتها شمال او يمين
عشان اعرف اعدى لو سمحتوا