انا مجرد عابر سبيل فى الدنيا

[طارق طروق]

سعات كدا لما اجى اشترى حاجه
واخد باقى الفلوس واحطها فى جيبى
من غير ما اعرف كام بكتشف بعد كدا ان فيها فلوس مقطعه
لما باجى اصرفها او اشترى بيها حاجه
بحس ساعتها كأنى بهرب حته اثار خارج البلد

[طارق طروق]

نصيحه منى ليكم واعملوا زى ما انا بعمل
لو الكهربا مره قطعت عندكم والنت فصل
حاولوا تقعدوا مع اسرتكم وتتعرفوا عليهم هتلاقوهم ناس طيبين اوى

[طارق طروق]

وكفايه كدا النهارده
بااااى بقى

[طارق طروق]

النهارده كنت سهران مع اصدقائى
ورجعت البيت متأخر ومش جايلى نوم
وعندى شغل الصبح وامبارح كان عندى شغل كتير اوى
والنهارده هيكون فيه شغل كتير
يعنى ارهاق فى ارهاق واخر حاجه بهتم بيها صحتى
انا فعلا مهمل فى صحتى

[طارق طروق]

احيانا بنكون شعب عنده اعاقه
فى المشاعر بتاعته
يعنى مثلا مثلا شوفت ناس فى افراح بيبقى مكشرين
ومش بيضحكوا وشوفت ناس بيبقوا ماسكين نفسهم
من الضحك لما بيكونوا بيعزوا فى واحد ميت

[طارق طروق]

الذين يشاهدون محتوى الموضوع الآن : 2 ( الأعضاء 1 والزوار 1)
اهلا بالزائر او الزائره
ايه اللى مسهرك لحد دلوقتى
طب انا مش جايلى نوم وعندى ارق
وعندى شغل كمان شويه
طب وانت او انتى؟

[طارق طروق]

جبل عالى
ايلانا
دمعه حائره
انتم فين؟
يارب تكونوا بخير
لما تدخلوا طمنونا عنكم

[طارق طروق]

النهارده شم النسيم
وشم النسيم مشهور بقى بالبيض الملون
والسردين والفسيخ والرنجه
وانا اصلا مليش فى كل دول
عندنا فى البيت بيجيبوا رنجه
بس بيعملوا حسابهم انى مكنش موجود
لما ياكلوها وطبيعى ان شاء الله هكون فى الشغل

[طارق طروق]

الخروج مع اصحابك
هو الوقت اللى الشيطان
بيبقى سايبك فيه وعارف انه وراه رجاله

[طارق طروق]

وعلى رأى المثل
ضربوا الاعور على عينه
قالهم كسرتوا النضاره